معسل التفاح الراعي الرسمي لرجولة البنات

زى ما انتو عارفين الايام كلها زى بعضها حاولنا النهارة نغير شوية ففكرنا نتمشى شوية وناخد الشاى فى اى كافية

مساء جميل .... يلا ياصحبى هناخد الشاى برة في اي كافيه....
بسم الله وقع اختياري على كافيه في وسط البلد ....
دخلت ...اخترت ركنا وسطيا...."في الوسط يعني"
بدأت شوية شوية الناس تهل ....

الجرسون بيكلم اللي ورايا .....بيقلها دلوقتي ياانسة
قلتله لالا لما صاحبي يجي .....
انا في سري :"الله يحرق ابليسك طيب اتجملي قدام الراجل الغريب وقلي مستنية زميلي ..ااو حتى قولي مستنية حد لو مش عاوزة تكذبي يعني ...بس ماعلينـــا"

انشغلت شوية ....
وفجأة برفع رأسي .... لقيت كأن المكان اتهد فوق دماغنا من كثر السحابة البيضاء اللي فوق دماغي ..عنيا بتدمع ..ياحرام ده انا بكح كمان...

دارت عينيا في المكان .....

ادعوكم للدوران معايا.....

ركن رقم واحد ....الأنسة اياها والمدعو صاحبها .....وكل منهما يمسك بخرطوم طويل ..
لاادري اين ينتهي ...او ادري ..ولكن لااريد ان اصدق ....
ترى ماحقيقة الحوار الدائر ....كلهما تدور اعينهم في المحاجر ....وفي عالم بعيد عن الأخر
ترى ماالذي يجمع بينهما ...هل هو هذا الخرطوم الطويل ......ام الضياع المتمثل في الصورة المتجمدة امامي ...ام انه الإستضلال تحت السحابة البيضاء ظاهريا ....الداكنة داخليا...

ركن رقم اثنين ...الجرسون :طلباتك ياباشا ؟؟
الباشا:جبلي واحدة سلوم ..وجيب لمراتي تفاح على ماتيجي

ركن ثلاثة ......بنوتة لصحبتها 1: جربيها دية خفيفه قوووي وطعمها حلو.
صحبتها 2 :دية خفيفة اوى ممكن اطلب واحدة بنوتة 3 :خدي بتاعي انا هطلب واحدة بالخوخ.

نكتفي بالأركان الثلاثة ....

ونرجع لذات نفسي وحوارها مع ذات عقلي...

بدون تفكير طويل .....كلهم بيشيشوا ....يمكن عـــــــــ ــــادي
جايز طبيعـــــ ـــــــي ...احتمال تطــــــ ـــــــور .....

لكن
انا مش هتكلم من ناحية الصح والغلط ...ولا من ناحية الحلال والحرام......

هتكلم اولا من ناحية :"الأنوثة ترجع للوراء ....ترجع ايه ..؟!!
المفروض الخبر يكون
الأنوثة تجر اخر اذيالها من بنات 2007.......تجر ايه !!!
المفروض الخبريكون
الأنوثة تنتحر على اعتاب معسل التفاح وبرعاية زغلول وسلوم وقص وغيرهم من شركات المعسل ....

ياجماعة والله المنظر مؤلم ..مؤلم ..مؤلم
الكافيه كان مليان ناس ...بدون حلفان اغلابية البنات اللي في الكافيه كانوا بيشدوا نفس ...انفاس ااقصد.....او بالأصح بيشدوا ارواحهم ....
....

الناحية الأخرى ....
ليه بقى المنظر عادي

ليه الولد اللي قاعد مع المدعوة صاحبته معتبر الأمر عادي ....وراضي على نفسه يعقد مع بنوتة بتضيع انوثتها مع كل نفس يدخل ويخرج؟؟؟؟
يمكن بيطبع شكلها بشكله ؟؟؟
يمكن شاف ان الأنوثة ضايعة في حجات كثير ...سواء لبس ..سواء حياء ..سواء طريقة كلام ..فقال بالمرة اهي تكون صاحبي وخلاث ..ويبقى اسمي مصاحب ولد حلو؟؟
يمكن
ويمكن هما الإثنين محتاجين اللي يحتويهم ويحتضنهم ...ويقول على فين ياشباب ؟؟؟
وعشان ايه ..ولخاطر مين ..تولعوا في نفسكم ؟؟؟؟

نيجي لعمو اللي قاعد مع مراته .....
طبعا اولا اسمحولي ااقول كلمة في الموقف ده "يادي المصيبة على الرجولة اللي بقت من الأساطير ....."
في راجل في الدنيا يطلب شيشة لواحدة ست ...وكمان مراته ام عياله ......
مش هعلق كثير في الموقف ده ....جايز عاوزها تمووووووووووت ويرتاح منها ....

عشان كده لاتعــــلــــيق
نيجي بقى للطامة الكبرى ...اللي خلتني اكتب الموضوع ده .....

بنتين زي القمر . ...."كلهم محجبين حجاب زي الفل فعلا والله قمة في الإحترام ..وده اللي زعلني عليهم اكثر"

يعني لما كنت بشوف حد بيشيش ولا بيشرب سجاير ااقول مفيش ام واب يحتوى الشباب دول ؟؟
مفيش صدر حنين ...وكلمة رادعة ..ورقابة واعية ..عشان حالة الضياع دي ؟؟؟؟
لكن لما الاصحاب نفسهم يعملوا كدة فى بعض واكيد فى البيت بيزكروا مع بعض او فى الكورس ...

طاب ليه ؟؟؟؟

يبقى شعار المرحلة الجاية ...باي ياانوثة برعاية معسل التفاح والسلوم وزغلول وقص ..وبطعم الخوخ والتفاح ..وبريحة الياسمين واللافندر ....
واتحرقي ياانوثة بفحم اسوان .....

اشطاااااااااااااااااااااااااااااااااااااااااااااااااااااااااااااااات على الكلام

شكرا ليك

انت مستغرب ليه

الكلام ده عادى جدا فى القاهره وفى اسكندريه

انت شكلك بس مش متعود على كده

وده رايي

بكـــــــــــــــــره يتعود يا سيدي ما احنا في الزمن النساء قوامون علي الرجال

كل واحد حر فى اللى يعملة
اكيد هما رشد وعارفين اية اللى يئذيهم واية اللى ينفعهم
اهو دة الفرق بينا وبين اوربا
ميرسى على موضوعك

عمر النساء ما يبقوا قوامون على الرجال

ربنا يهدينا كلنا

يا صاحبى انت موضوعك كويس خالص والناس لو تعرف الشيشه التفاح دى عملتلى اى محدش هايشربتا تانى خالص ولا هى ولا السجاير

ربنا يبعدنا عنهم كلهم

زائر

اللى يعيش ياما يشوف

واللى يشوف يا ما يعيش

نايس توبيك

بالتوفيق للجميع

ماهوا دا الواقع في قنا في كافيه شقاوه وهوا عقي شقاوه هههههههه والله يا أخي حاجه تحزن بجد انتا لو رحت الجيزه او القاهر حتلاقي النسوان بتشرب سجاير في سياراتهم الخاصه كله في اللذيذ وجمد قلبك

ياجماعة كلنا هنا وانا واحد من الناس الى بتحتقر اى انسان ينادى بالمساواة بين الراجل والمرأة
والى بيحصل دة عبارة عن صور ومظاهر بتختلقها البنات لكى تنين انها مثل الرجل وانها يمكن لها ان تجلس داخل المقهى وهى ممكسكة بمبسم الشيشة وتسحب منة وكانها (معلم) ولكن هل يمكن لنا فى يوم من الايام ان نفكر فى الارتباط بفتاة جلست وسط مقهى كامل يعج بالبنات وتشرب الشيشة والسجاير وهى غير ليس عندها مبالاة بما يدور حولها ومن كلام يقال عنها
كيف تصبح تلك الفتاة زوجة وام تعلم ابنائها وبناتها القيم واسس التربية؟

رينا يهدي
يرحم ايام الكربااج والحياء
الله يرحمك يا حياء
تصدقوا محتاجن موضوع عن الحياء هناا ححاول انزل بيه
والله يرحمك يا رجوله لما راجل يخلي بنت تشرب معاه شيشه
شكرا ع التوبيك

ممكن اقول رايي
اكيد لو قولتوا الكلام ده لحد هيقول المساواة بين الرجل والمراه بس لو بالطريقه دي المجتمع هيبقي كله رجاله يعني بنات رجاله ورجاله رجاله بس بالمنظر ده مفيش رجوله يعني واحد بيشيش مع وحده والتاني بيشيش مع مراته وراضي كده علي نفسه يبقي فين الرجوله يعني الانوثه ضايعه والرجوله ضايعه يلا هو زمنا زمن العجايب
نايس توبيك

ممكن لردو

» كيف تذاكر البنات تعالو يا شباب نشوف اذاي بتذاكر البنات
» فطيرة التفاح
» فوائد التفاح الأخضر
» شوفواااااااااااااااااا البنات على المنتديات
» رابطه محبي الزمالك لو انت زملكاوي يلا انضم مستني ايه هنا كل اخبار فريقك