منتدى جامعه جنوب الوادى بقنا


عزيزى الزائر انت الان موجود بمنتدى جامعه جنوب الوادى بقنا,

نرجو منك الاشتراك , لكى تستفيد بخدمات المنتدى.
ملوحظه:لو سمحت بعد الاشتراك اذهب الى اميلك لتفعيل عضويتك
حتى تسطيع الاستفاده الكامله.......

منتدى جامعه جنوب الوادى بقنا


 
الرئيسيةس .و .جبحـثالتسجيلدخول

شاطر | 
 

 انت غبى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alltime
عضو برونزى
عضو برونزى
avatar

ذكر
مساهماتى بمنتدى الجامعه : 230
العمر : 26
الموقع : www.alltime4htm.blogspot.com
دعاء المنتدى : هل من الطبيعى ان تتساقط المصائب عليك فجأة كهطول الأمطار سيولاً كثيفة فتجد نفسك وحيداً حائراً ضئيلاً مجروحاً متألماً مريضاً ضعيفاً لا تقوى حتى على شئ سوى قول: الحمد لله الذى لا يحمد على مكروه سواه
علشان كده انا قررت الرحيل ....
تاريخ التسجيل : 04/10/2009
نقاط : 15415

مُساهمةموضوع: انت غبى   الأربعاء نوفمبر 24, 2010 6:19 am

من الاول الموضوع منقول للأفاده

.......................................................................................................................................................
من غير سلام



عايزة احكى حكاية صغيرة اوى

كان فى ولد صغير بيزور جده وجدته فى مزرعة وكان معاه بندقيه
فى يوم وهو بيلعب بالبندقية غصب عنه صوب نحو وزة جدته
المهم يعنى الوزة اتكلت وسلمت نمر ( مش ده موضوعنا)
حاول الاخ يخبى الوزة ودفنها فى الارض ( مش على اساس اكرام الميت دفنه بس عشان جدته ما تعرفش)
بس للاسف كانت اخته بتشوفه وما اتكلمتش
اليوم اللى بعده بعد وجبة الغدا طلبت الجده من اخته تساعدها فى غسل الاطباء فقالت السوسة
:"اسفة مش هقدر لان اخويا قال ان هو حابب يساعدك بدالى"
طبعا اخينا اندهش لانه ما قالش حاجه فهمست اخته فى ودنه :"فاكر الوزة"
وفى نفس اليوم سالهم الجد مين يحب يروح معاه للصيد ولكن الجدة قالت :"انا اسفة بس محتاجه حد يساعدنى فى تحضير العشا"
فردت السوسة وقالت :"اخويا قال انه عايز يساعدك فى تحضير العشا"
وهمست فى ودنه:"فاكر الوزة ها ؟؟"
وراحت هى مع جدها للصيد وقعد هو يحضر العشا مع جدته
وبعد كام يوم كان قاعد الولد بيعمل الواجب بتاعو وبتاع اختو وكان مش قادر يتحمل اكتر من كده
فقرر انه يعترف بالحقيقة وبالفعل راح لجدته وحكى لها اللى حصل مع الوزة
فابتسمت جدته وحضنته وقالت:" انا عرفت انا كنت ببص عليك من الشباك بس كنت عايزة اعرف هتستحمل تفضل عبد لاختك لحد امتى "


طبعا كلكم بتقولو هى لولا قاعده بتحكيلنا حكاية قبل النوم ؟
لا انا مش جايه احكى حكاية قبل النوم بس جايه اقول انتو اغبية وانا كلنا اغبية اوى
لازم كلنا نفكر حالا ايه اللى عملناه عشان الشيطان يخلينا عبيد ليه ربنا بيبقى شايف كل حاجه بنعملها وعايزنا نتاكد انه بيحبنا بدليل انه بيدينا فرص كتير اننا نقرب له بس عايز يعرف هنفضل لحد امتى عبيد للشيطان
وعشان ما حدش يفهم عبيد للشيطان دى غلط اقصد ان الشيطان بيوسوس لنا نعمل حاجات كتير غلط عشان ندارى غلطة ممكن تكون اقل الحاجات اللى الشيطان بيوسوس لينا بيها عشان ندارى غلطنا اننا نكدب

والرسول عليه الصلاة والسلام بيقول (يا بن آدم إنك ما دعوتني ورجوتني غفرت لك ما كان منك ولا أبالي يا بن آدم لو بلغت ذنوبك عنان السماء ثم استغفرتني غفرت لك يا بن آدم إنك لو أتيتني بقراب الارض خطايا ثم لقيتني لا تشرك بي شيئا لأتيتك بقرابها مغفرة)

ده طبعا من الناحية الدينية اى نعم هى اهم حاجه بس فى حاجه كمان

الاعتراف بالخطا اهميته ايه فى حياتنا؟؟؟

الاعتراف بالخطا هو افضل الوسائل لاراحة القلب عندما يخبئ الانسان خطأه يشعر وكأنه يحمل عبء كبير جدا والاعتراف بالخطأ هو امانه مع النفس والغير ويكسب الانسان احترام الجميع وحتى احترام نفسه فلا يشعر انه طفل خائف من عقاب والديه او مجرد كذاب متخفى او هارب من الحقيقة يخشى نظرات الناس ويشعر بالاتهام فى كلامهم فاى الاثنين تفضل هل انسان علاقته مع الله جيدة والناس يحترمونه وهو يحترم نفسه ويشعر انه صادق ام انسان كذاب عبدا للشيطان يحترمه الناس ولكن هو لا يحترم نفسه ولكن عندما يكشف سره تكون الاتهامات سيوف تصوب تجاهه من قبل كل من حوله

سارع بالاعتراف بخطأك والتوبه عليه حتى تنعم برضا الله وحياة صادقة

التوبيك ده دعوة لاى حد عنده غلط مخبيه ومش معنى غلط انه لازم يكون ذنب كبير بس معظمنا بيقع فى اخطاء كتير فى يومه انه زعل حد او غلط فى حد او كدب او ... او ....... الخ
وعايزين نشوف مين منا عنده الصراحة عشان ييجى ويقول عن غلطه ويتكلم بكل صراحه ويريح قلبه من الهم الكبير

يلا عايزين نشوف مين الناس الصريحة اللى هتدينا اعترافات جامده




الرجوع الى أعلى الصفحة اذهب الى الأسفل
http://www.alltime4htm.blogspot.com
 
انت غبى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعه جنوب الوادى بقنا :: الاقسام العامه :: المدرج العام-
انتقل الى: