حق الرد واجب

االسلام عليكم
كل سنة وانتم طيبين ويارب تكون روح العمل في الترم الثاني افضل بكتير من قبل كده ونكون اتعلمنا من ثورة االشباب الايجابية على كل فساد داخل اي نظام . ونبدأ بنفسنا قبل كل شئ.
لان هي دي طبيعة البشر ذي ما فيه خير وكفاح اكيد طبعا فيه شر وفساد(ابيض واسود) ,حتى احنا لو بصينا جوانا حنلاقي الخير والشر بنسب متفاوته (ولو انت مع ربنا في كل شئ حتعرف طريقك من غير ما حد يدلك - ولكن لو صاحبت شيطانك ولعب بيك زمانك متلمش غير نفسك) واخد بالك يا زمان
... سيدنا محمد عليه الصلاة والسلام قال"الخير في وفي امتي ليوم القيامة" صدق الذي لا ينطق عن الهوى.
نيجي احنا نكدبة ونقول لا كله فساد فساد فساد.......طيب ليه يازمان
بجد انا زعلان جدا منكم يا شباب المنتدى وخصوصا كل من ينتسب لكلية التربية النوعية ودخل وقرأ موضوع
"منتهى الخطورة" للعضو زمان ولا ردش عليه. معادا طبعا "ماتريكس".
... وعتابي بشده للعضو واستاذنا الكبير "الفنان ميدو" متعودتش منه على كده وخصوصا انه اول عضو هيئة تدريس بالكلية يشترك بالمنتدى ويتكلم ويطرح موضوعات مهمة لبقية الاعضاء . وسكوته معناه الرضى واقرار كل ما ورد بالموضوع .(انا اسف بجد بس حق الرد واجب ) يادكتور.
والوحيد اللي رد كان "عود ريحان" وهي عضو من كلية "حقوق" شافت انه من واجبها الدفاع عن واقع حقيقي قدامها .

...ياريت تكون بكده عرفتني يادكتور..
وان كان تعيينك في الكلية وراه ايد خفيه فانا محبش اعرفها
بس يهمني جدا اعرف مين الايد الخفية اللي وراء تعيني

ويمكن هي دي المفاجأة اني مش "عود ريحان" وانما اول ما عرفت مقدرتش اضيع حق كتير مننا تعبوا بجد علشان يوصلوا ويحققوا احلامهم . وهو ده اللي علمهولنا اولياء امورنا وعلمهولكم يا شباب ثورة التحرير اللي كان حلمكم اسقاط النظام وحصل وربنا حقق احلامكم بايديكم .
... ويارب يوفقكم دايما وتكون منكم بداية النهاية لاسقاط كل نظام فاسد مش بس داخل الكلية وانما في كل مكان
(بس بما يرضي الله ..ورسوله..وما يضيعش حقوق الناس )
ومرة تانية انا بجد اسف بس (حق الرد واجب).
ومتنسوش ان الساكت عن الحق شيطان اخرس
ربنا معاكم