هل انت مع او ضد

حنجاول نخرج من المواضيع العامة اللى بنحاول نجيبها من مواقع تانية ونحطها واحنا بنكتب المواضيع مش علشان نعرفهلكم لكن علشان نشوف الاراء فى المواضيع لان

اكيد معظم المواضيع مكتوبة فى مواقع تانية
النهاردة موضوعى عن حاجة بنعشها ومرتبطين بيهاوهى
العادات والتقاليد
هل نحن مع العادات والتقاليد ولا ضد
الولد بقى يفتح القميص وينزل البنطلون لكن البنت بقت تلبس المحزة والملصق
وبعد كدة نقول الحرية وكل واحد حر هى لية الناس بتدخل فى حياتنا
حتى الاغانى العربية بقت مبتزلة لاقصى حد يروحو يبرروا ويقولوا الشباب عايز كدة والاجانب كلهم بيعملو كدة
لما حد بدخل فى حياتنا وينقدنا نعقد نقول الناس مالها بينا اية المجتمع المتخلف دة ماكل واحد حر ماعنى الناس دول اللى قالوا علينا كدة
هما اول ناس بنلقيهم فى لاقدر اللة تعب او مرض او حادثة او فرح بنلاقيم جابينا
الشباب علطول انا نفسى اسافر برة المجتمع هناك متحرر ومحدش لية دعوة بحد
بس انا راية فى الحكاية دة احنا بدام عايشين فى مجتمع المفروض نتقبل عادتة وتقاليدة ونحاول نشوف الكويس ونعملة
واكتر حاجة احنا متاثرين بيها هى المجتمع الاوربى وبالتحديد الامريكى طب ماهما عنديهم حرية وتحرر وصحوبية وحشة خالص نتج عنها زيادة فى اعداد الاطفال اللى مالهاش اب
وعنديه قضايا كتير من نوعية البنات اللى سنهم تحت 15 سنة وبيبقوا امهات
وعنديم قضايا كتير تحرش ونصب واحتيال وناس بتتقتل فى شققهم ومحدش يعرف عنهم حاجة
وعنديهم الادمان بطريقة وحشية
انا شايفة انى العيب فينا مش فى العادات والتقاليد
احب اسمع وجهات نظركم

من وجهه نظري ان الانسان لازم يخضع لتقاليد وعادات بلده اللي بيتولد ويعيش فيها,, وكمان ميحاولش انه يغير العادات ده او ينتقضها لانه ساعتها هيبقي منبوذ من اللي حوليه,,

الحريه ده شء جميل جدا ,, واحساس كلنا عاوزين نعيشه لاكن الحريه اللي تخلينا نتخطي حدود العادات والتقاليد متلزمناش,,

الصراحه انا من زمان وانا عاوز اعيش في مجتمع غير مجتمعنا الشرقي ده لاني كنت شايف مميزات الدول الغربيه من تقدم وازدهار واحترام لادميه الفرد ,, لاكن مكنتش شايف عيوبهم,, زي ادمان الكحوليات ,, وانتشار الرزيله

المهم انا دلوقتي معتز جدا بشرقيتي والحمد لله علي كدة

شكرا يا تينا علي مواضيعك المميزة ,, والي مزيد من التقدم

تحياتي,, الكينج

موضوع جميل جداااااااااااااا

أشكرك عليه أختي الغالية

وأنا معاكي أكيد العيب فينا بس في بعض العادات والتقاليد في مجتمعنا بردوا سيئة وبتحكم علي المظلوم بالإعدام

أتمني لكي كل تميز وتألق

شكرا لكي

الموضوع بجد مهم ومتميز بس علشان تعرفى حاجة مش كل الشباب الى بنزل البنطلون واو بيبين شعر صدرة يعنى بيفتح القميص وكمان مش كل البنات الى بتلبس محزق وملزقت والله فى شباب بسم الله مشاء الله عليهم وبنات كتير كدا وبالعبيط لكن لو انا عاوز ادور على بنت كويسة هشوف كل البنات كويسة قدامى لو عاوز ادرو على بنت لبسها محزق وملزق واوفر يعنى هشوف بنات كتير وبالعبيط كدا وبرضوا فى شباب العادات والتقاليد والعيب والى ميصحش موجود عنديهم بطريقة صحيحة وجميلة
وشكرا على اهتمامك بالشباب ينات وولاد

اولا ميرسي ياتينا علي الموضوع الشيق للنقاش ده

ثانيا اكيد في شباب وبنات بتقلد اي حاجه وخلاص وانا شايف ان اللي بيقلد كده وخلاص من غير مايعرف هو بيعمل ايه يبقي مش فاهم حاجه والتقليد الاعمي ده اكيد اي حد ضده يعني مثلا موضوع البنطلونات الضيقه والحاجات االلي زي كده اكيد اي واحده بتعمل كده بتبقي مجال نقد لان الحاجات دي تعتبر غريبه علينا هما الغرب بيلبسوا كده لان شايفين ان لبسهم دا عادي ومناسب ليهم فمحدش بيكلم التاني يقولوا انت لابس كده ليه وبعدين اخر الدراسات العلميه اثبتت ان البنطلونات الضيقه بتجيب عقم للبنت بعدين تاني يوم تلاقيها نزلت موضه في مصر وهناك حيبطلوها......................لاتعليق

برضو بالنسبه للولاد بيعملوا حاجات بتبقي هبله ومالهاش لازمه زي تنزيل البنطلون ودي كانت موضه في اوروبا من زمان وتقريبا خلصت غير ان في بلاد اوروبيه الحركه دي بتبقي بتاعت الشواذ واكيد طبعا اللي بيقلد بيبقي مش فاهم هو بيعمل ايه انما بيقلد وخلاص

غير ان اوروبا ولا امريكا مش كل حياتهم اكل وشرب ولبس بس طيب مافي حاجات تانيه كتير كويسه ممكن الواحد يستفاد منها مثال بسيط لو دخلتي علي اليوتيوب حتلاقي معظم العرب فيديوهات عن الاغاني رقص نكت فضائح ومش عارف ايه كلام مش مهم اوي نيجي نشوف امريكا مثلا استخدمته ازاي ايام الانتخابات الرئيس اوباما استخدم اليوتيوب للاعلان عن حملته الانتخابيه وكان ممكن تقدري تصوتي من عليه ده غير ان اخر الابحاث العلميه مثلا والتكنولوجيا علي طول بتنزل عليه بعد براءة الاختراع واتفرجي علي عدد المشاهدات الناس اللي شافوا الفيديو ناس من الاخر عاوزه تفهم الدنيا ماشيه ازاي مش عايشين وخلاص

خلاصة الكلام: انا مع العادات والتقاليد المفيده والايجابيه لان مش كل العادات كويسه برضه وضد اي تقليد من غير الواحد مايفهم هو بيعمل ايه او تقليد مش مناسب لبيئتنا

اولا انا حابب اشكرك على الموضوع الرائع دة واللى فعلا بقى مشكلة سواء فى تطبيقة او عدم تطبيقة يعنى مثلا فى عادات وتقاليد المفروض ان احنا نتمسك بيها وفى عادات تانية مينفعش حاليا ان احنا نطبقها مش معنى كدة ان احنا نخرج عليها نهائيا بس المفروض تتعدل فى نطاق لايخرج عن حدود الدين ودا اللى لازم نحترمة قبل العادات والتقاليد الدين واللى لازم تكون عاداتنا وتقاليدنا كلها مستمدة منه وللاسف توجد بعض العادات والتقاليد الراسخة فى العقول حتى الان تخالف الدين والعقل والمنطق

شكرا على موضوع الاخت واحب اقول ان التربية من الاساس هى اللى بتتحكم فى شخصية الانسان منذ الطفولة وده من مهام الاباء وربنا يعينهم على تعليم اصول الدين الصحيحة مش عيب يا بابا كخ ياماما لا هناك اشياء كثيرة لابد من اتباعها فى الدين فى طرق تربية الاولاد ونأخذ الحكمة من لقمان فى تربية الابن اول شىء علم ان لا يشرك بالله ثم الصلاة والباقى انتم عارفينه وربنا يوفق الجميع Very Happy

ميرسى لكل اللى شاركو فى الموضوع

شكرا علي الموضوع يا تينا هو فعلا في شباب وبنات بيعملوا كده واللي يقلك دي موضة تامر حسني ومش عارف ايه طب انا عايز اعرف حاجة ايه هو تامر حسني ده انت ممكن تكون احسن منه دينيا واخلاقيا وعلميا .
اما بالنسبة للعادات والتقاليد فمش من اللصح ان الواحد يمشي عليها كلها لان العادات والتقاليد دي من زمان قوي وممكن نلاقي انه مش من الصح ان واحد او واحدة متعلمة تمنشي عليها لكن في عادات وتقاليد متفقة مع الادب والاخلاق ومتفقة مع الشرع دي الخروج عنها طبعا مش صح يعني الواحد لازم يوفق بين العادات والتقاليد وبين التقدم والتحضر اللي احنا عايشينه في زمنه علشان ما نتوصفش بالتخلف يعني مش لازم انزل البنطلون ولا البس محزق وملصق ولا بوت وجيبة فوق الركبة ومش لازم البس جلبية بلدي وامشي بيها في الجامعة علشان العادات والتقاليد قالت كده مالهم البنطلون والقميص ولا الجيبة او البنطلون والبلوزة الواسعين دا دوله اشيك واقيم .
انما اشكرك مرة اخري علي موضوعك المهم دا يا تينا تقبلي مروري .

انا بشكرك تينا على موضوعك الجميل ده والطرح العظيم
بالنسبة للعادت والتقاليد طبعا انا مش مع موضة المنطلونات الساقطة او اللبس المحزق لان ده ظاهر جدااا انه تقليد للغرب واحنا ماشاء الله مش فالحين غير فى التقليد
اما بالنسبة للعادات وةالتقاليد اللى فى كل بلد لازم نحترمها ما دام لم تخالف الشريعة لكن غير كده مش مضطر ان انفذها انا المفروض اعمل على تغييرها

العادات والتقاليد حاجة اتربينا عليها

بننفذها من غيرما نفكر فيها مع ان كتير نها مش صح

مششششششششششششششششششششششششششششششكور

شكرا ليكى على هذا الموضوع الهام وانا لى راى وانة انا مع التقدم والحضارة ومسايرة التقدم بس اختار منها مايتناسب مع عاداتنا وتقاليدنا يعنى الموضة كويسة وبتتغير كل يوم اختار منها ما يتناسب مع المجتمع ثانيا ان شخصية الانسان نابعة من تاثيرة فى الاخرين ونظرتهم لة ان بعض العادات عندنا والتقاليد جميلة اختار منها مايتناسب مع العصر(وتقبلى مرورى)

موضوع رائع اوى

انا من وجهه نظرى ان اى مجتمع فيه عادات وتقاليد صح والبعض الاخر

وانا شايفه ان مش شرط العادات والتقاليد المتبعه قديما تتماشى مع الصر الى بنعيشه الان

لان فى عادات وتقاليد انتهت وتستحق ان تنتهى وعادات اخرى موجودة ويجب ان تنتهى

واعتقد ان دة دور المثقفين فى المجتمع

بس اكيد ان فى عادات وتقاليد مش لا زم تتغير ودى بتكون تقاليد نا فعه مش ضارة

يعنى مش كل الى موةجود حلو ولا كله وحش

انا شايفه ان الانسان يعمل كل الى هو عايزة وميهتمش بالعادات والتقاليد يهتم فقط

بالحلال والحرام هو دة اصل الشى

احترامى لطرح الموضوع [center]

ميرسى للجميع على المرور والمشاركة

موضوع مميز يا نينا

التربيه ع الدين ممكن تغير تقاليد اوعادات غير مرغوب فيها يبقه الحل التربيه ع الدين هيحل كل حاجه دا وجهة نظر وميرسى