يا جماعة أنا مستني نتيجة الدور ثاني ولو ان شاء الله نجحت هجيب في حدود 59% طيب أنا أدخل أيه أنا بفكر في جامعة مفتوحة تجارة بس أنا من قنا يعني هينفع أدخلها وأرجوا تشرحولي نظام جامعة مفتوحة ولكم كامل الاحترام مني وشكرآ

الف مبروك مقدما ان شاء الله
لاول مره تم السماح لطلاب الثانويه العامه دخول الجامعه المفتوحه وبكده تم الغاء شرط
مرور خمس سنوات من حصولك على الثانويه العامه

هتختار الكليه العاوز تدخلها ..

ليك يوم واحد فى الاسبوع لحضور المحاضرات وهو يوم الجمعه يعنى اربع ايام فى الشهر.

ليك مذكرات وممكن تشترى اسطوانات سى دى عليها المنهج كله صوت وصوره.

هيكون ليك فى على الانترنت برقم سرى واسم دخول وده سوف تستلمه من مقر الجامعه
بشارع اليافطه بقنا بجوار دار المغتربات مباشره

المصاريف الدراسيه على حسب الكليه الــ انت هتختارها ان شاء الله

وهى معترف بيها بجميع الدول العربيه ........

وهى طبعا جميله لانك هتكون حاصل على كليه وليس معهد اربع او متوسط

وربنا معاك

شكرآ لحضرتك بس أنا من قنا هل هينفع أدخل الجامعة مفتوحة في جامعة جنوب الوادي بقنا هل ينفع أقدم فيها ولا لازم أكون خارج قنا

طبعا ينفع تقدم الجامعه المفتوحه لاتفرق بين احد

هناك معلومه مهمه احب ان اضيفها انك تسطيع تغير مكان امتحانك فى اى وقت
عن طريق الذهاب الى فرع الجامعه بشارع اليافطه او عن طريق الانترنت وتدخل على
حسابك الذى توفره لك الجامعه وتغير اى بيان

يعنى ممكن تمتحن الترم الاول فى قنا والترم التانى فى البحر الاحمر
والترم التالت فى الكويت او البحرين او ممكن الامتحان يكون فى القاهره يعنى اخر دلع

وايضا هناك خدمه تقدمها الجامعه المفتوحه وهى ارسال النتيجه عن طريق
رسائل اس ام اس على موبايلك

وايضا هناك خدمه تنبيه عن محاضرات على موبايلك

وايضا هتلاقى جميع الامتحانات على موقع الجامعه وجدول الامتحان وجدول المحاضرات
وكل شئ عن الدراسه


ان شاء الله اكون قد افدتك يا اخى

أمتي أخر يوم في التقديم عشان أنا مستني دور ثاني وهل في التنسيق أكتب الجامعة مفتوحة ولا أيه اروح الجامعة نفسيها وقدم وأيه شروط الالتحاق والاوراق

البرامج الدراسية و شروط الالتحاق والأوراق المطلوبة للالتحاق
ادخل على الرابط التالى
http://www.ou.cu.edu.eg/NewsDetails.aspx?NewNumber=189

ودى كليات الجامعه المفتوحه وتخصاصتها:******

كلية التجارة بكالوريوس المعاملات المالية والتجارية :
كلية الزراعة ـ بكالوريوس تكنولوجيا استصلاح واستزراع الأراضى الصحراوية:-
كلية الحقوق ـ ليسانس الدراسات القانونية العملية:
كلية الآداب ـ ليسانس الترجمة:
كلية الإعلام ـ بكالوريوس الإعلام:


شروط الالتحاق بالجامعه المفتوحه-****

1. الحصول على الثانوية العامة أو ما يعادلها، أو الدبلومات الفنية، أو الحصول على مؤهل عالى دون التقيد بسنة الحصول عليه، وبشرط مضى فترة خمس سنوات على الأقل على تاريخ الحصول على الثانوية العامة أو الدبلوم المتوسط، وبشرط ألا يقل المجموع فيها عن نسبة 50%.

2. يقبل ببرامج التعليم المفتوح الدارسون الحاصلون على الثانوية الأزهرية، بشرط ألا يقل المجموع عن نسبـة 50%.


3. يشترط بالنسبة للدارسين الراغبين فى الالتحاق ببرنامج الإعلام أو الترجمة بالإنجليزية أو الفرنسية اجتياز المقابلة الشخصية بنجاح قبل الالتحاق بالبرنامج.

4. يشترط بالنسبة للدارسين الراغبين فى الالتحاق ببرنامج دار العلوم اجتياز اختبار قدرات بنجاح قبل الالتحاق بالبرنامج.


الأوراق المطلوبة



1- أصل استمارة الثانوية أو الدبلوم الفنى أو مستخرج رسمى منها، وبالنسبة للطلاب غير المصريين تكون موثقة من خارجية الدولة التابعين لها أو من سفارة هذه الدولة من جمهورية مصر العربية.

2- أصل شهادة الميلاد أو مستخرج رسمى منها.

3- عدد 4 صور شخصية.

4- صورة البطاقة الشخصية أو صورة جواز السفر.

5- أصل الموقف من التجنيد بالنسبة للذكور المصريين.

6- شهادة البكالوريوس أو المؤهل فوق المتوسط إذا كان حاصلاً على مؤهل أعلى من الثانوية.

7- بيان بتقديرات المواد التى سبق أن درسها الطالب فى المعهد أو الكلية، حتى يمكن النظر فى إعفائه من المواد السابق دراستها والنجاح فيها، وبحد أقصى عشرة مقررات.

(لايعفى الطالب المفصول بسبب استنفاذ مرات الرسوب من معهد أو كلية من المواد التى سبق له دراستها والنجاح فيها قبل فصله منها وذلك تطبيقا لقرار المجلس الأعلى للجامعات فى هذا الشأن )

8- الدارسون من القوات النظامية يطلب منهم الآتى:-

أـ القوات المسلحة:

1- بالنسبة للضباط: موافقة هيئة التدريب بالقوات المسلحة.

2- بالنسبة للدرجات الأدنى من المعينين: خطاب بالبيانات والموافقة من السجلات العسكرية.

ب ـ هيئة الشرطة:

1- بالنسبة للضباط: موافقة شئون الضباط بوزارة الداخلية.

2- بالنسبة للدرجات الأدنى من المعينين: خطاب بالبيانات والموافقة من مديريـة الأمن التابع لها.

ملحوظة: لا يحق للدارس سحب أى مستند تقدم به إلا بعد حصوله على البكالوريوس أو عند انسحابه من البرنامج نهائياً.

والله الموفق

للراغبين في الالتحاق

اضغط على الرابط التالى
http://ou.cu.edu.eg/NewsDetails.aspx?NewNumber=133

جزاك الله كل خير وربنا يكرمك وينور حياتك كمان وكمان
بس هل أكتب كلية تجارة جامعة مفتوحه في التنسيق ولا أنسق عادي وبعد كده أروح أقدم في جامعة

الرجاء الرد على بالنسبة لأعلان نتيجة الجامعة المفتوحة فرع البحر الاحمر كلية الاداب ارشاد سياحى

للتعرف على مواعيد التسجيل ادخل على هذا الرابط باستمرار حتى تعرف
http://www.ou.cu.edu.eg/NewsDetails.aspx?NewNumber=629

اعلانات نتائج امتحانات دور يوليو 2009
على هذا الرابط

http://www.ou.cu.edu.eg/NewsDetails.aspx?NewNumber=692

ولكن كليه اداب ارشاد سياحى لم تعلن

من الافضل ان تدخل على صفحتك واختار اعلمك النتيجه عن طريق اس ام اس
وضع رقم تليفونك

الحمد لله أنا نجحت طيب أنا دلوقتي أنسق ولا أروح أقدم في جامعة المفتوحة وأمتي أخر يوم في التقديم

علي فكره انا مؤيد لفكره الجامعه المفتوحه