ابتسم يا طالب الطب

ابتسم انت في كليه الطب
*عندما تعلم ان لديك محاضره الساعه 8 ص وجميع الكليات تبدا محاضراتها الساعه 11 اذن انت في كليه الطب
*عندما تستيقظ من النوم كل يوم وتعلك ان لديك حفنه من السكاشن والمحاضرات وغيرك بياخد 3 ايام اجازة في الاسبوع والعطلات الرسميه

*عندما تطلب احد زملائك فتجده نائم وانت لا
ابتسم انت في كليه الطب
*عندما تدفع في الكورسات ما يساوي تمن عروسه اذن انت في كليه الطب
مده التعليم الاجمالي=التعليم الغير العالي+التعليم العالي+ تحابيش
وعلما بان التعليم الغير العالي = التعليم الاساسي+ التعليم الثانوي
التعليم الجامعي=الاكاديمي+ الاكلينيكي+سنه امتياز
علما بان التحابيش=ماجستير + دكتوراه
وبالتعويض في المعادلات السابقه=5+3+3+3+3+2+4+4=27 سنه!!!
ابتسم انت في كلية الطب
*مما سبق نستنتج ان في اللحظات التاليه في حياتك :
1- انت تدرس وصاحبك بيشتغل
2- انت في الجيش وصاحبك اللي اداب بيتجوز
3-انت بتبدا حياتك وصاحبك خلف 3 عيال
*عندما تجد كليتك وسط المستشفيات بما فيها من المرضي والمصابين وقرف
ابتسم انت في كلية الطب
*عندما لا تجد في كليتك كافتريا زي باقي الكليات
ابتسم انت في كلية الطب
******لو أنت وصلت في القراءة لحد هنا يباه انت اكيد في كليه الطب
محسود علي خيبتك
لاتتحسر لا لا لا ابتسم انت في كلية الطب

ابتسم انت في كليه الطب
شكرا واهلا بيك معنا فى كليه الطب

ليه يا عم كل التشائم ده

ده كفاية عليك بس يتقالك لقب دكتوررررررررر
زعلان على ايه ومن ايه ؟؟؟؟؟؟؟؟؟؟

عموما اهلا وسهلا بيك كعضو جديد فى المنتدى
والله احنا كنا عايزين نفتح عياااااااادة فى المنتدى

بس الاول نعرف بشرى ام بيطرى
لحسن تكون ... والاعضاء تفهم العيااااااادة غلط

عندك حق...
اولا انا عبدالرحمن منوفي..بس مش من المنوفية...
كلية الطب البشري ... وباذن الله كده انا في الفرقة الثالثة...
وياريت ابنضم ليكم في منتدي الجامعة....زميلا لكم...
وعلشان تعرفوا ان بتوع الطب البشري ليهم في النت كويس اوي ....
وبالنسبة لموضوع العيادة بتاع المنتدي...انا مستعدامسكها مقابل 2000 جنية في الشهر...حلو؟؟؟؟؟

ههههههههههههههه
اهلا وسهلا بيك
هو احنا يعنى لاقيين نشتغل لما حنديلك مرتب 2000 جنية مرة واحدة . دأنت دكتور شاطر أوى أوى أوى ....

عموما يا سيدى احنا هنا فى المنتدى بندى مرتبات معنوية
يعنى ايه مرتبات معنوية ؟؟؟؟؟
يعنى مثلا حسب اجتهادك معانا ممكن يتم ترشيحك كمشرف على احد اقسام المنتدى

وعلى فكرة
ادخل قسم خاص للمشرفين فقط وادارة منتدى الجامعة

لاننا عملين تصويت
لانشاء قسم فى المنتدى اسمه ( الصحة ) وقولنا رأيك موافق ولا لا ؟
ويمكن ربنا يكرمك معانا وفى حالة انشائة يمكن تمسك اشرافه ان شاء الله

تحياتى لك
نووووووووووووووووووووووووووسة

حلوة الفكرة دي اوي!!!

وانا من دلوقتي موافق علي اي حاجة طالما حتخلي المنتدي احلي واحلي



الاسد يمرض ولكن ابدا لن يموت

اهلا بيكم جميعا
احنا بتوع طب قنا وصلنا هنا اهلا دكتور عبد الرحمن اهلا بكل اعضاء المنتدى
شوفوا لنا شغلة معاكم اى حاجة انا مستعد

اهلا بيك يا ابو خيري

ان شاء الله يكون ليك شان كبير في المنتدي

اهلا بيك يا عبد الرحمن في المنتدي

وياريت انت و احمد خيري تمسكوا اشراف قسم كليه الطب البشري ف المنتدي

ويكون ليكم نشاط ملحوظ و تجيبوا لنا مواضيع طبيه مفيده

ومتتشائمش يا عم انك ف طب ...غيرك كاان هيموت و يدخلها بس النصيب ...الحمد لله علي كل شئ

تقبل مروري يا باشا

و علي فكره

انت لازم تحمد ربنا و تبتسم انك ف كليه الطب

احمدربنا يا دكتور وكل انسان لازم يتعب علشان يوصل

انت لسه في ثانية 2............لما ....تخلصي السبعة بتوعت الطب....وكمان الامتياز...
وربنا يكرمك وتتعيني .....يااااااااااااارب

وبرضه تفضلي تذاكري حتي بعد التخرج ...........وبعد ما تبيقي دكتورة اد الدنيا برضه حتذاكري.........


بيقي انت اكيد في طب



ميرسي

ميرسي جد ن ن ن يا Sassy_Classy

وباذن الله امسكح القسم ده علي قلة طلابه

وميرسي مرة تانية علي المرووررررررررررررررر

طب خد عندك بقى انا سمعت انهم هيشيلو تكليف طب فى 2010

حال الشباب كلة واقف سواء فى طب ولاحتى فى دبلوم زراعة
العملية دلوقتى بقت فلوس يعنى اللى معاة هو اللى هيتجوز ويفتح عيادة
ماعهوش خلى البيت
هى العنوسة زادت من قليل
هههههههههههههههههههههههههههههههههههههههههههههههههههههههههههه

علي فكره مازال لكليه الطب و كليات القمه
وضعهم الخاص في المجتمع وده حقهم لأنهم فعلا .. و ببساطه

متميزين

اهلا عدنا من جديد
انا شايف الحوار سخن سورى الكدب حرام انا قريت مش شوفت
المهم يا جماعة حكاية انهم شالوا التكليف ولا مشالهوش
مش فارقة حتطلع تأخد كااااااااااااااااااام فى الاخر!!!!!!!!!!!!!!!!!!!!!!!
المشكلة انك تأخد 6 سنين وسنة امتياز وبعدها ممارس عام ومسكين تطلع تلاقى الجيش مستنيك 3 سنين ظابط احتياط وكمان التخصص وبعدها عاوز تكوم نفسك سورى قصدى تكون نفسك وتستقر وتلاقى العروسة اللى حتكون طارت منك ومفيش وقت انها تستناك
طبعا مأساة وفيلم رعب
هو ده يا جماعة الواقع!!!!!!!!!!!!!!!!!!!!!!!!!!!!!!!!!!!!!!!!!!!!!

فعلا يا احمد عندك حق في اللي بتقوله .. ده فعلا واقع

و هي دي العقبه الوحيده في طريق طلبه الطب حاليا ... الشباب منهم

لأن البنات معتقدش ان عندهم مشاكل .... بس انشاء الله متاخدوش و تفاؤلوا تجدوا الخير انشاء الله

والله يا جماعة احنا مقولناش حاجة
بس الطب دلوقتى مبقاش زى زمان
بس طالما الناس متفائلة زى Sheraz كده يبقى خلاص
تمام

طاب تمام....ان ...الناس متفائلة......
التفائل ده 60% من النجاح........

وايه رايك يا ابو خيري في المستشفي؟؟؟؟؟؟؟؟؟؟؟؟؟

حلوة بجد

اكيد يا منوفى
المستشفى بدت تشتغل وكمان بتستقبل حالات دلوقنى
والعيادات كمان شغالة من قنرة

بسم الله الرحمن الرحيم
احب في البداية اقول لكم كل سنة وانتم طيبين بمناسبة عيد الفطر
واحب كمان اعرفكوا بنفسي اسمي dr virus ولسة جديدة في طب قنا
انا داخلة سنة اولى في طب قنا وياريت مترعبوناش وتخلونا نحول صيدلة من البداية ياريت كمان لو مفيهاش غلاسة تقولوا لنا نظام الدراسة في طب قنا لان احنا حاسين انها ملهاش اي ميزة

اهلا بيكى فى كلية طب قنا يا دكتورة
بداية المواضيع دى على سبيل الهزار يعنى حضرتك تفتخرى انك فى طب بجد
الدراسة فى طب قنا عادية زى اى كلية عندك اربع مواد فى اولى
تشريح وكيماء حيوية وهستولوجى وفسيولوجى
ميزة طب قنا انى الدفعة قليلة يعنى 51 طالب وطالبة
ودى حتديكى فرصتك انك تأخدى حقك فى السكاشن مقارنة بالكليات الطب المتكدسة بالطلبة
وكمان يكفى انك فى بلدك مش مغتربة ولا حاجة
وتالت حاجة كمان انى ليكى فرصة التعيين فى الكلية بعدين
على اساس انها كلية مبتدأة ومحتاجة لمعيدين ونواب
ممكن تعرفى عن المستشفى من الرابط التالى
http://www.svu.edu.eg/faculties/med/info.htm

وده موقع الكلية على موقع الجامعة
http://www.svu.edu.eg/faculties/med/index.html

بسم الله الرحمن الرحيم
احب في البداية اقول لكم كل سنة وانتم طيبين بمناسبة عيد الفطر
واحب كمان اعرفكوا بنفسي اسمي
dr virus ولسة جديدة في طب قنا
وانتي طيبة يا فيرس يا قمر
واهلا وسهلا بيكي ف منتداكي
انا داخلة سنة اولى في طب قنا وياريت مترعبوناش وتخلونا نحول صيدلة من البداية ياريت كمان لو مفيهاش
غلاسة تقولوا لنا نظام الدراسة في طب قنا لان احنا حاسين انها ملهاش اي ميزة
واهلا بيكي ف كليتنا
ولا تحولي صيدله ولا حاجة ده كله كلام فرفشة مش اكتر
احنا بنهزر بعدين الكلية ميزتها الكبيرة انك ف بلدك واسالي بقي عن الميزة دي
وتاني حاجة العدد الصغير يعني ف العملي حتاخدي حقك وزيادة وانتي مش محتاجة اكتر م كده

شفتي التحية اللي اختيها يا دكتر فيروس.....((اسم غريب))
ولا احسن من كده تحية

المهم....
اطلب طلب منك....انك لا تترددي اطلاقا بعد اتخاذ اي قرار في حياتك..........دي خطوة من خطي النجاح الحقيقية

واطلب طلب تاني منك....دايما متسمعيش كلام الاكبر منك علي انه ((قران)) لكن خديه علي انه استشاري في اضيق الحدود...

ثالثا...انا كل يوم بحب الكلية دي اكتر من اليوم اللي قبله