رشح اختارالدكتور المثالى , اشيك دكتور , اجمل شخصيه دكتور بالجامعه

الحمد لله

ومتنسوش

المقبول عند ربنا امتياز

الله أكبر بقينا خمسة وان شاء الله هانكسب اللى مايعرفش يجى ويشوف د / أبو بكر عبد الرحمن عبد المتعال استاذ الأساليب الكمية بكلية التجارة جامعة جنوب الوادى ولو كانت المسابقة على مستوى جامعات الجمهورية برضه ان شاء الله هانكسب لأن فعلا ده الذ واشيك واكثر دكتور محبوب وكمان بيخليك مستمتع بالمحاضرة بالرغم من انه بيشرح مادة علمية تقيلة الدم وملعبكة زى مواد كلية علوم يعنى تخيل كدة ان طالب فى كلية علوم مستمتع وهو لا مؤاخذة بيتنفخ فى محاضرة كيمياء بياخد فيها نص مليون معادلة وتلاقيه قاعد يرسم فى رسمات ثلاثية الأبعاد لمركبات اسم الواحد فيها تلات صفحات ونص تخيل بقى الطالب ده عنده دكتور يخليه مستمتع وهو بيعمل كده وغير دا كله تقديراته مش تمام قوى علشان ماحدش يقول مرشحينه علشان بيدى تقديرات الراجل بيراعى ربنا فى التقديرات و كل واحد عل قد مجهوده
والكلام ده يفهمه طلاب كلية التجارة كويس لأن مادة زى رياضيات التامين والاحصاء التطبيقى ورياضيات الاستثمار مواد مايعلم بيها الا ربنا ومع ذلك مع الدكتور ابو بكر الواحد بيبقى قاعد ومبسوط لأنه بيحس انه بياخد محاضرة فى المانيا ولا فى امريكا .............. اسلوب الشرح الممتع ....شياكة وادب وأخلاق وزوق حاجة كده الله أكبر . مافيش فايده ان شاء الله هانكسب يعنى هانكسب وماحدش يقنعنى سلام عليكم.
نعم طبعاااااااااااا اجمل شخصية واشيك دكتور يحس انه مع يدرس فى جامعة امريكية مش جامعة جنوب الوادى

يا جماعه الدكاتره كلهم زي الفل وربنا يجعل كلامنا خفيف عليهم

دكتور /ابو بكر عبد الرحمن عبد المتعال ........شياكه واحترام ومثاليه مفيش بعد كده بجد

ايه يا جماعه انتم عاوزين توقعونا فى الغلط ليه بس

يا جدعان بقولكم جامعه جنوب الوادى نالت الشرف ان سياده الاستاذ الدكتور المستشار عبد الواحد الفار \ استاذ القانون الدولى انتدب للتدريس فيها , مع احترامى لكل دكاتره الجامعه .

الراجل ده راجل دولى عارفين يعنى ايه راجل دولى ؟ . وابناءه منهم مستشارين ومنهم وكلاء نيابه , انتو بتقولوا ايه يا اخوانا , وانا عارف ان الدكتور ابو بكر ابرايهم من احسن الشخصيات فى الجامعه وده راجل برده ليه وزنه وقدره .

بس الموضوع المفروض يبقى على مستوى كل كليه مش على مستوى الجامعه لان كده هيحصل تضارب فى الاراء وهتكون المنافسه غير جديه لان كل طالب هيدخل يرشح احسن دكتور فى كليته من وجهة نظره على مستوى الجامعه .

يعنى من الاخر الموضوع المفروض يتصحح مع كامل احترامى لصاحب الموضوع وتقديرى له ايا كان .

عندك حق

انا بقول زى ما مان بيقول الناس كلها زى الفل
وكده اشطه

اصلى يا حج

بصوا كل واحد ف كلية هيشوف مين ف دكاترتة مثالى انا مثلا ف كلية الاداب قسم مكتبات
انا شايفة انى ال د/محمد على مثلى الاعلى
اشيك واعظم واجمل شخصية فيكى يا جامعة جنوب الوادى
بغض النظر ان جميع الفرق الى بيديها سواء ف اداب او تربية متفقين معايا انة غامض الا انة كفاية انة بيحسسك انك اخوة او اختة الصغيرة وبيشرح بضمير وبيناقشنا وبيحسسنا ان احنا طلبة جامعة بجد ربنا يكرمة يارب ويعلى مراتبة باذن الله

والله الناس دى بتقول كلام زى الفل

انا معرفش طبعا كل دكاتره الجامعه بس اشيك دكتور وشخصيه جديه ومحترمه بجد د/عبدالعزيز السيد رئيس قسم صحافه

كويس بردو

ليه ظلم هو الطالب يعرف كل دكاتره الجامعه اكيد لا واكيد هنكون واخدين الدكاتره اللى بيدرسولنا قدوه ومثالنا الاعلى لانهم ميعرفوش باقى الدكاتره سواء داخل كليتنا او فى الجامعه عموما

الدكتور دكتور والطالب طالب