معلومات عن icdl

ياريت اللى خد الدروة هو اللى يجاوب على بعض الاستفسارات
1_ الدورة مدتها قد اية لما تتاخد فى اى مركز وكام يوم فى الاسبوع وكام ساعة
2_امتى اعرف انى اسمى نزل فى كشفوف الامتحانات
3_ المواد تمتحن بالترتيب ولا عادى
ياريت ياجماعة الرد ضرورى

ياجماعة فين الرد

ياعم انتى هتشتغلينا ليه انامش عارف حاجه زيك ؟
ولو عرفتى حاجه قوليلى والنبى عشان انامش عارف حاجه خالص
وكمان انتى بتقولى مواد مواد ايه دى ؟دى هى ماده وحده

[img][/img]

بصى يا انسة تينا هى معظم المراكز بياخدهوها ف تقريبا شهر ممكن تتفقى معاهم انك تاخديها ف 20 يوم لو مثلا ف شهر بتتاخد 4 ايام ف الاسبوع 2ساعتين وبتسجلى ف الجامعه بتاخدى ورقة تسجيل وبتسجلى بيانتك ع الموقع وبتسلمى الورقة للجامعه وبعد 15 يوم بتروحى تشوفى اسمك نزل ف فوق كافتريا اداب ولا لا اخر حاجه لو عاوزة تمتحنى ال7 برامج مرة واحده اوك عاوزة تتفقى مع المركز يخلصولك 2 برنامج او 3 برنامج وتمتحنيهم اوك برضة

طيب محدش يعرف امتى هتبتدى؟؟؟؟؟؟؟؟؟؟؟؟؟

امتى هى ابتدت يا انسة عجلى ف موضوع انك تتدربى فيها عشان لازم تتاخد الترم ده بس ده لسنة تانية و اولى

علشان الكل يريح نفسوا
الدورة معادها 6 اشهر من يوم كتابة Skill Card بعد كده تعتبر ملغية
واللى مكتبش Skill Card او اللى اسمو مجاش لسه معا فرصة يروح يسال عن Skill Card

السلام عليكم
ال ICDL اختصار ل INTERNATION COMPUTER DRIVING LICENCES وتعنى بالعربية الرخصة الدولية لقيادة الكمبيوتر
شهادة كمبيوتر دولية معترف بها عالميا فى اكثر من 60 دولة ومعتمدة من اليونسكو ،، تجيز لحاملها العمل فى مجال الكمبيوتر وتكنزلوجيا المعلومات ،، تمنح وفقا لمنهج علمى تدريبى موحد عالميا وبموجب 7 سبعة اختبارات ،، يضم هذا المنهج سبعة مقررات تدريبية هى ::
1- المفاهيم الاساسية لتكنولوجيا المعلومات BASIC CONCEPTS OF INFORMATION TECNOLOGY
2- استخدام نظم الملفات USING THE COPUTER AND MANAGING FILES
3- معالجة الكلمات WORD PROCESSING
4- الجداول الحسابية SPREAD SHEETS
5- قواعد البيانات DATA BASE
6- العروض التقديمية PRESENTATION
7- نظم المعلومات والاتصالات INFORMATION AND COMMUNICATION
• التسجيل بدون اى شروط والمجال مفتوح للجميع
• اجتياز جميع الاختبارات السبعة يمنح الرخصة الدولية لقيادة الكمبيوتر
• لا يشترط ان يتم الاختبارات بالترتيب او مره واحده
• لكن يشترط ان يتم جميعها فى مده اقصاها 3 سنوات
• لا يشترط الحصول على الدورات التدريبية لدخول الاختبارات
• يكون لكل متقدم بطاقة مهارات يسجل بها نتائج الاختبارات
• يمكن التقدم للامتحان الواحد اكثر من مره فى حالة الاخفاق فى الاداء
• يشترط الحصول على حد ادنى 80% فى الاختبارات لكى تنجح ما عدا الIT النجاح من 60% فقط
• بعد الحصول على بطاقة المهارات من اى مركز كمبيوتر معتمد ومرخص له اداء هذه الاختبارات فيه ،، يمكن استكمال اداء الاختبارات فى اى مركز آخر معتمد ومرخص وليس مركز كمبيوتر معين
• هذا البرنامج تحت اشراف اليونسكو unesco ، حيث تقوم بمراقبة الشروط الدولية لتدريب ومراقبة الاختبارات والنتائج
• الامتحان ممكن يؤدى باللغة الانجليزية او العربية لكن لازم تبلغهم من البداية اذا كنت ستتقدم للامتحان انجليزى ام عربى

هذا استعراض شامل لكل ما يخص هذة الشهادة بالنسبة لتجربتى الشخصية ، انا تقدمت لهذه الاختبارات مباشرة ولم احصل على دوراتها التدريبية ، لانى لم احتاجها وعندى دراية بما يدرس ، ذاكرت واعتمدت فقط على المذكرات الخاصة بها والتى تباع فى مراكز الكمبيوتر التى تمنحها ممكن ايضا تصورها من اى زميل مش لازم تشتريها انا عملت كده ، هى باختصار امتحان فى مجموعة برامج ميكروسوفت اوفيس ويندوز وورد واكسل واكسس وباوربوينت وانترنت واوتلوك ، اختلاف فقط فى مذكرة الIT وهى كلام نظرى مفيش فيها حاجة عملى ، كمان ممكن تطلع على الاسطوانة الخاصة بهذة الشهادة وتستمع للدروس المقدمة فيها وبها بعض الاسئلة التدريبة سوف تفيدك ، كما يعقد فى المراكز التدريبية اجتماع اسبوعى لتدريب المتقدمين للامتحان على طريقة التعامل مع الامتحان لانه بيكون على الكمبيوتر والذى يقوم ايضا بعملية تصحيح اجوبتك واظهار النتائج ، ويقوموا ايضا بتريب المتقدمين للامتحان على بعض الاسئلة وهى تأتى فى الامتحان مهم جداجدا الحرص على حضور هذا الاجتماع لو قدرت تتطلع على جميع نمادج الاسئلة ستضمن اجتياز الامتحان ، كمان سيفيدك جدا سؤال من سبق له اداء امتحان معين انت سوف تتقدم له عن الاسئله التى جاءت وبالاخص الغير واضحة او الصعبة ، انا انصح ان تقرأ الاسئلة جيدا وتجاوب مثل ما هو مطلوب بالضبط لا اكثر ولا اقل .


واللــــه الموفــق :

karem@wael

ميرسى على المعلومات المفيدة

شكـــــــــــــــــــــــــرا ليك

ميرسي ع المعلومات

ياجماعة اى خدمة بس ياريت يكون حصلت فايده من الموضوع بتاعى وشكراا ليكم جميعا

الله ينور يا كريم منور المنتدى والله
عايزك تبدع زى كدا دايما
حبيبك وائل

1- الدورة مدتها قد اية لما تتاخد فى اى مركز وكام يوم فى الاسبوع وكام ساعة
المده مدتها 5 اسابيع تقريبا
كل يوم ماعدا الجمعه .. وممكن تتفقوا مع الاستاذ اللي هيديكم علي يوم راحه كمان .. هيكون الخميس
2_امتى اعرف انى اسمى نزل فى كشفوف الامتحانات
بعد متشتري الاسكل كارد
3_ المواد تمتحن بالترتيب ولا عادى
عادي .. من غير ترتيب

لوسمحتوا يعنى دى ضروريه قبل الترم التانى لسنه اولى وتانيه بس

نعم هى ضررية واجبارية علىطلاب الفرقة الاولى و الثانية

ميرسي ع الطرح يا تينا

وميرسي لكل حد وضح

السلام عليكم انا عايز اعرف هل الicdlالسنة دى علينا اجبارى ولا لا وهل يعتبر مادة ولا لا

وعليكم السلام ورحمه الله وبركاته
icdl لا تعتبر ماده بس الفرق انها اول مره منحه وبعد كده بفلوس
يعني لو ما اخدهاش لحد نتيجه التيرم التاني حتروح عليك المنحه
بس كده........................

اوك والف شكر يا محمود باشا

على فكرة القرار اتلغى وبقت عادى بس تاخدها خلال ال4 سنين

اشطة يا معلم........اهو كــــدة الكلام

ياااااا اخوانا انا محتار جداً في الموضوع ده وانا سألت يوم الاربعاء الماضي في مركزicdl في كلية الزراعه وقالو لي "ان القرار صريح ولازم تتاخد خلال الترم الثاني وانا بصراحه مش عارف اعمل وعايز الرد السليم من اي حد ارجو الرد

يا اخواني عايز رد سليم وموثوق فيه بخصوص icdl هي لازم تتاخد خلال الترم الثاني ولا لأ واللي بيقول ان هي لأ عرف من فين وايه دليله