عاوز رأيكم والنبى حد يقولى اعمل ايه

--------------------------------------------------------------------------------




أرجو قراءه الموضوع جيدا

فى الأول السلام عليكم ورحمه الله وبركاته انا اسمى محمد وواقع فى مشكله كبيره ومش عارف احلها ازاى وارجوكم عاوز مساعده ورأى كل واحد فيكم ادخل فى الموضوع بقى وكفايه رغى :
انا بحب بنت بقالنا حوالى 3 سنوات مع بعض ومش بحبها بس بموت فيها كمان هى اساس بنت عمتى يعنى من لحمى ودى وكنا كويسين جدا جدا جدا مع بعض لحد مثلا من حوالى 6 شهور وحصلت بينا مشاكل كتير هو الصراحه انا كنت خانقها شويه بس كنت خايف عليها والله العظيم مش اكتر المهم حصلت مشاكل وسيبنا بعض حوالى شهرين كده وفى الفتره دى عرفت اتنين واحد اسمه كريم وواحد اسمه محمد المهم وحصلها مشكله عادى فى البيت هو باباها صعب جدا واخوها وامها سايبنها على طول ومبيدوها ثقه غريبه اللى هو لدرجه لو قالت انا عندى درس وقعدت 5 ساعات فى الدرس ده وجت مش بيسألوها انتى اتأخرتى ليه ولو حصل وسألوها مجرد اتن هى تقول ده المستر اخرنا يقولوا طيب حتى لو اتكرر الموضوع اكثر من 10 مرات بالنسبه لهم عادى جدا مع انها من منطقه شعبيه المهم كلمتنى واشتكتلى من باباها واللى بيعملوا واحنا سايبين بعض وانا قولت مش هينفع اسيبها وهى محتاجالى اوى كده لأنها كانت فعلا منهاره المهم مع الوقت قالتلى ان هى تعرف اتنين وبتكلمهم ونا قولتللها كده غلط ولازم تسيبيهم وقالتلى انا موافقه بس مش عارفه ازاى فأنا نزلت عندهم وكلمتهم طبعا بالعقل لأن دى سمعه بنت المهم وبعدتهم عنها وانا وهى بنتكلم عادى مش حب ولا حاجه بنتكلم فى مشاكلها مع باباها وكده يعنى فجه يوم خدت موبايلها وبطلب رقم واحد من اللى كانت تعرفهم فلاقيتها مسجلاه عندها بأسم بنت طبعا انا اتجننت اخر حاجه ازاى تعمل كده وانا متكلم معاه قبل كده المهم قولت اتأكد اكتر فروحت لحد بيت الولد ده واخدت موبايله وطلبت رقمها ولاقيته فعلا متسجل عنده فاتخنقت معاه ومشيت وهزءتها فى التليفون وبعدت عنها خالص فجيه يوم من حوالى 3شهور بالتحديد يوم 4-5-2009 وصحبتها كلمتنى وهى وتعيط ووالنبى انا عاوزه ارجعلك انا من غيرك هضيع والله انا قطعت كل علاقاتى بالناس التانيه دى واعمل اللى انت عاوزه وخد موبيايى كل اما تشوفنى واطلب الأرقام كلها وفتش الشنطه واعمل كل اللى انت عاوزه فانا الصراحه فكرت ورجعتلها وكان فى الفتره اللى هى سابتنى فيها قالتلى ان فى واحد اسمه ناصر بيرخم عليها فى الدرس وكان عاوز يكلمها وعلى فكره هو من عندها فى المنطقه وقالتلى انا مش اديته وش ومش رضيت اكلمه قولتلها طيب المهم عدت الأيام وانا وهى احسن من روميو وجوليت بس انا الصراحه كنت شاكك فى حاجه غريبه وكنت حاسس احساس غيب اوى بس مش كنت عارف ايه هو حتى لما كانت بتبقى معايا وفى حضنى كنت بسألها وحياه حبنا ووحياه الحضن ده انتى مش مخبيه عليا اى حاجه كانت كل مره تقولى لأ والله المهم من حوالى 10 ايام حصلت حاجه غريبه جدا كانت بتقرب الأحساس الغريب اللى عندى وهى ان كان فى واحده صحبتها هى مسجلاها برقمين فأنا بقولها هى صحبتك دى عنهدا خطين فقالتلى اه قولتلها طيب فشكيت وخدت رقم منهم كان باعتلها رسايل بس رسايل مش من بنت لبنت من ولد لبنت المهم فكلمت الرقم لاقيت واحد بيرد عليا فقلت يمكن اخو البت دى او ابوها انا استنى لحد اما اشوفها واقولها واشوف هى هتقول ايه المهم جيه اليوم اللى المفروض نخرج فيه فأنا كنت مستنيها تحت فقالتلى طيب اقفل وانا نازله فأنا قفلت ورنيت على طول فلاقيت انتظار فبقولها كنتى بتكلمى مين فقالتلى دى صحبتى اللى هى عندها رقمين فلما نزلت الرقم اللى انا اخدته هو اللى هى اتصلت بيه وهى فوق المهم فرن الرقم كذا مره وانا وهى فى المترو وانا كل ده لسه مش قولتلها حاجه خالص على الرقم فقالتلى ارد قولتلها لأ لمل ننزل فنزلنا فقولتلها اتصلى وافتحى سماعه خارجيه قالت طيب واتصلت ورد ولد وقال الو يسمع صوتها يسكت ومش يتكلم خالص يسمع صوتى انا يقفل السكه المهم كلمت صحبتها ادامى وفتحت سماعه خارجيه وقالتلها رقمك التانى مع مين دنا بتصل فى ولد بيرد عليا مين ده فقالتلها ده اللى انا بكلمه قالى انتى ليه معاكى خطين وخد منى رقم وسابلى رقم قولت ماشى عادى عديها المهم هى كانت متغيره معايا اوى وكنت حاسس انا فيها حاجه غريبه اخر حاجه فأنا مش استحملت وعملت معاها مشكله فقالتلى بص احنا نبعد يومين لحد مانصفى من بعض وبعد كده نرجع نتكلم تانى قولتلها لو ده هيريحك ماشى قالت اه قولت طيب المهم بعدت فأنا فى اليومين دول جبت الرقم وقعدت ادعبس وراه علشان اعرف ده بتاع مين فشكيت فى الرقم بتاع الولد اللى اسمه كريم اللى هى كانت بتكلمه فى الأول فلما كلمتنى بعد اليومين اللى بعدت فيه قولتلها انا عرفت ان الرقم ده بتاع كريم قالتلى بص والله العظيم تلاته ده مش بتاعه بس انا هقولك الصراحه وهقولك على كل حاجه قولتها قولى قالتلى الرقم ده بتاع ناصر فاكرينه اللى هى قالتلى انه حاول يكلمها وهى مش اديتله وش اللى هو عندها من المنطقه ده قالتلى الصراحه واحده صحبتى اديتله الرقم بتاعى وهو كلمنى وانا كلمته بس والله قبل ما أرجعلك وخرجنا مع بعض مرتين وفى الفتره اللى انا كنت معاك فيها قررت اكلمه واقوله ان احنا مش هينفع نكمل مع بعض فقالتلى بس خفت ليقول حاجه فى المنطقه وانا بنت ومش ليا غير سمعتى فكلمته وقالتله هو انا لو سيبتك ممكن تقول لحد فى المنطقه فالواد هددها بس بالطريقه قالها لأ ياستى اقول ازاى ده حتى فى واحد قالى انا انا بكلمك وانا قولتله لأ ازاى اقوله اه وانا معاكى يعنى معناها اه هقول للناس ومره تانى كلمته وسألته نفس السؤال فقالها اها انا قولت لأمى واخواتى قالتله ليه حرام عليك كده قالها عشان تعرفى انا انا ناوى اخطبك طبعا برده هو قالها كده بعد ما سألته انا لو سيبتك هتقول لحد فقالها انا قولت لماما واخواتى يعنى بيهددها والغريب بقى انا احنا رجعانا لبعض يوم 4-5 زى ما قولت وهو كان باعت رساله ليها على الخط الجديد عشان انا غيرتلها الخط يوم 6-5 يعنى بعض مارجعتلى بيومين وهى ردت عليه يوم 14-5 يعنى بعدها بحوالى اسبوع المهم طبعا انا اتجننت وقولتلها انتى ازاى تعملى كده وشتمتها وهزءتها واهى تعيط وانهارت وقالتلى لأ اوعى تسيبنى انا لو مش عاوزاك او اعاوزه اعمل حاجه غلط مش كنت قولتلك وكنت خليتك فاكر انا الرقم ده بتاع كريم زى ما انات قولت وكان ممكن اقولك اروحله انا وانت او نكلمه فى التليفون واحنا مع بعض وكان فعلا مش هتعرف حاجه لأن هو مش صاحب الرقم وكنت هتفضل كده وانا بكلم ناصر ده برده انما انا مش عاوزه اكلمه ومش عاوزه حد غيرك والله ومن غيرك هضيع المهم انا قفلت معاها على انى سيبتها والكلام ده كان امبارح بي
كده حكايتى خلصت بس انا متردد اسيبها ولا اسامحها خصوصا ان لو مش كانت قالتلى ان ده رقم ناصر فعلا مش كنت هعرف حاجه وكنت هفضل فاكر انه بتاع كريم وكنت هخليها تقابله وفعلا كانت هتبقى مظلومه لأن هى فعلا مش بتكلمه انما هى اللى قالت انه ناصر وحكت الحكايه كلها ولما سألتها جايه تقولى بعد كل ده وانا سألتك اكتر من مره ووانتى فى حضنى كمان وكذبتى عليا قالتىل كنت ازاى اقولك انا انا بكلم واحد تانى بس لما لاقيت ان الموضوع زاد وانا مش قادره استحمل اكتر من كده قولتلك لأنى فعلا انا اتغيرت ومش عاوزه حد غيرك انت وانا مش عارف اعمل ايه دلوقتى اسيبها ولا اسامحها بس انا خايف اسامحها وارجعلها هيكون الشك مسيطر عليا فى كل الأوقات وفى نفس الوقت خايف اسيبها تضيع لأن اهلها فعلا مش بيقولوا ولا رايحه فين ولا جايه منين وابوها بيضربها على طول كل يوم لازم يضربها فأنا خايف تروح تكلم شباب تانى وبالذات ان هى بنت عمتى يعنى من لحمى ومن دمى ولو حصلها حاجه كده او كده هحس بذنب كبير اوى لأن هى قالتلى ادينى اخر فرصه وجرب والله انا من غيرك هضيع كل اما افتكر الكلمه دى ارجع واقول وفيها ايه لما اسامحها وارجعلها واديها فرصه تانى واشوف وكل اما افتكر اللى عملته وانها قعدت كل ده مخبيه عليا وكانت بتكلم واحد تانى والرساله اللى بعتاهالوا بعد مارجعنا بيوم كانت رساله حب مش رساله عاديه اقول لأ طبعا ازاى ارجع لواحد زى دى
انا بجد مش عارف اعمل ايه ارجوكم كل اللى يدخل الموضوع يقولى رأيه ويركز فى الكلام كله لأن امها والعائله كلها عارفه انا انا عاوز اخطبها واننا بنحب بعض بالله عليكم اقرأوا الموضوع كويس وقولولى رأيكم بكل صراحه لأنى فعلا هعمل بيه لأن انا تعبت خلاص ولو فى حد عاوز توضيح لأى حاجه يقولى وانا هرد عليه انا كنت عاوز اسيب رقم موبايلى بس انا مش عارف ده متاح فى المنتدى هنا ولا ممنوع انا مستنى رأيكم اللى هيتوقف عليه كل حاجه ارجوكم اقرأوا الموضوع كويس وادونى رأيكم بكل صراحه

ايه ياعم انا الموضوع طويل ممكن تختصر شويه ولا ؟؟؟؟؟؟؟؟؟؟ مين كريم ومين محمد مفيش حد بالاسم ده @@@@@@@@@@@ وبعد الموضوع ده صحيت من النوم صح
تقبل مرور يا!!!!!!!!!عدنانى
الكومى