بصراحة تختار مين : هو ولا هى؟

كل واحد فينا ممكن يعمل اللى هو عاوزه من غير ما حد يعرف سواء كان ولد او بنت بس يا جماعة أكيد فى حدود بس للولد. لأن ببساطة البنت مينفعش تتأخر اوتخرج فى أى وقت وبالرغم من كده أن فى مناصب بتعمل فيها البنت ومثلا فى احصائيات بتقول ان المرأة عموما ممكن تنجح فى تدبير أمور المنزل أكثر من الرجل واحنا لما حد فينا يشوف أى بنت مع ولد فى الجامعة ممكن يطلع عليها سمعة زى الزفت مع ان ممكن تكون مجرد زمالة وعلى فكرة الناس مبترحمش بصراحة أنا شايف أن لو كل واحد بقى فى حاله ممكن نبقى أحسن ناس فى الدنيا كلها. الكلام دى مش معناه انى مع الولد وضد البنت بس كل واحد فيهم عليه مسئوليات فى المجتمع وفى حاجة أسمها حدود مينفعش يتخطوها .يا ريت كل واحد فيكم بيعت لى الرد

ماينفعش كل واحد يبقي لوحده لان الواقع اني الناس عايشين مع بعضهم وماينفعش ده يتغي
الشاطر اللي يقدر يرضي نفسه ويرضي الناس في نفس الوقت

هو كلام جميل بس الدنيا لازم يبقى فيها خير وشر اهم حاجه نظره الشخص اللى قدامك ليك

الانسان اجتماعى بطبعه مايقدرش يكون فى حاله ابدا

البنت ممكن يكون ليها زمايل فى حدود الاحترام مش معنى كلامك ان البنت تقعد لوحدها مع الولد واللى يشوفها ميتكلمش ده منطق غريب لان البنت سمعه اكيد لماتكون فى وضع زى كدة كل اللى هيشفها هيتكلم عليها
ودة رايى
اما بالنسبه للبنت وقدرتها على التفوق فده شئ طبيعى لانها بتتحدى ذاتها فى ان تثبت نفسها وبالتالى ممكن تتفوق على الولد

على فكر يا زيزى انا رأى اللى بيعمل حاجة ومقتنع بيها ميهمهوش رأى الناس ونظرة الناس ليه
لأن لو انتظرت رأى الناس فى كل شئ بعمله أكيد فى حاجات كتير مش حعملها ويمكن أكون مش حعمل ولا حاجة . لأن الناس انوا كل واحد بينظر الى الموقف بشكل يختلف عن الأخر

مع بداية دخول الجامعة يسأل كل طالب وطالبة ماهى الأسس التى على اساسها اختار اصدقائى وكيف اكون محبوبا وقادر على استمرارهذه الصداقة وما مدى علاقتى بزميلاتى وزملائى ؟
يجب ان يكون لدى كل شخص ذكاء اجتماعى اثناء اختيار اصدقائه فيعرف طبيعتهم كزملاء وميولهم واخلاقهم وبيئتهم ثم يسأل نفسه هل يستطيع التكيف مع هذه الشخصية ثم يبدا تحويل هذه الزماله الى صداقة بعد فترة زمنية تراكمية ليست بقصيرة مع ضرورة تقبل الصديق كما هو بمزاياه وعيوبه .
ويجب التحلى بروح التسامح واظهار ما بداخلك تجاه صديقك سواء من فرح او ضيق دون كتمانها وكذلك اهمية تصويب مشاعر الحب والأمان والثقة تجاه الصديق واشعاره بأهميته ومحاولة تصحيح اخطائه حتى لا يستمر بها .
وكذلك تقبل نقده كنوع من النصح ومشاركته احزانه قبل افراحه والمحافظة على الصداقة شامخة راسخه تتطلت الصبر وبعد النظر وحب المساعدة ة والاخلاص فكلما كنت صديقا وفيا فتاكد ان اصدقاءك سيكونون كذلك معك وعليك ان تقدم المعروف دون انتظار المقابل وننصح كل شاب وفتاة بعدم الخلط بين الزماله والحب فى العلاقة بينهما ومعرفة ان هناك خطوط حمراء يجب عدم تعديها وان تكون النظره بينهما اخويه داخل مجموعة الزملاء وليست انفراديه او خارج الحرم الجامعى
اما اذا حدث توافق فلا مانع من ذلك ولكن على ان يكون اختيارهما لبعض مبنيا على العقل وليس القلب فقط
كذلك ان العشرة تدعم مفهوم الصداقة التى تعتبر ضرورة من ضروريات الحياه وسرا من اسرار النجاح فيها
ما رايكم اصدقائى هل هذا هو مفهوم الصداقة لدينا ؟

براي:
للصداقة عدة مفاهيم و لكل منا تفكيره و رايه بالنسبة للصداقة
ولكن
كما سبق و ذكرت ان حرم الجامعة و الزمالة لها حدود و علينا ان لا نتعدى الخط الاحمر و هذا من جهة نظرك و هي الوجهة الصحيحة برايي ايضا و لكن معضم الشباب و الصبايا لا يفهمون ان تلك الابتسامة ربما او الدردشة هي مجرد زمالة لا غير بل يسارعون لتطويرها لشيء اكبر من رغم عدم التفاهم او الانسجام لان كل ما يجول في خواطرهم هي العلاقة الاكبر من الزمالة و الصداقة

اما بالنسبة لاختيار الصديق فهو شيء صعب حقا و انا من جهتي احافظ على الزمالة فقط و اما الصداقة فلي من الصديقات ما يكفيني ولن احاول ايجاد صداقات اخرى سوى الزمالة بيننا و في حدود الاحترام و التقدير .في وقت المرح نمرح و وقت الجد فهو جد
ايضا بالنسبة للزميل يصعب ان تقاسمه همومك و افراحك من اول جلسة اولقاء اما الصديق فالعكس لانه قبل ان يكون صديقك كان اكثر من الزميل

اولا :- لا للتفرقة العنصرية هههههههههههه
ثانيا:- نكلم جد شويه يا شباب احنا في مجتمع شرقى فلازم نعمل حساب للناس وخصوصا ان البنت سمعة يعنى لازم تكون محافظة على نفسها

قبل ما اناقش الموضوع

ممكن سؤال بسيط

ايه علاقة الموضوع بكلية تجارة؟؟؟

احنا مش علشان فى كلية تجارة يبقى لازم نناقش كل حاجة عنها