ايه رأيك في لصوص المقابر؟؟؟

طبعاً الناس مش عارف تثبت على رأي في اللي بينبذهم وفيه اللي نفسي يبقى ذيهم أنت تتمنى إيه؟؟؟.((((أحمد صقر))))

بجد انا مش عارفه اختار

لانها كلها صعبه

كانت عايزه اجاوب بس مش عارفه اختار

طبعا في الأول أحب أقول شكراً علي أطلاعكم الكريم .......... الغرض الأساسي من وضع ذلك الأستفتاء ليس الأختيار ولكن كيفية الأختيار , كيفية مواجهة للموضوع , كيف نكون مشاركين في حل هذا الموضوع لأن طبعاً هذا الموضوع آثار جدال واضح في الفكر ولكن السبب الرئيسي في عدم قدرة العضو الكريم علي عدم معرفة الأختيار الصحيح هو قلة خبرته في شأن هذا الموضوع ولذلك وضعت هذا الموضوع في قسم كلية الآثار ..........((( وفي البداية والنهاية ليس الغرض من الأستفتاء الإجابة ولكن إبداء الرأي وهذا هو الأهم .)))

دى قضيه صعبه جدا ,,,,, والاثار شئ جميل جدا
ولو فى يدى قطعه هحاول مش عارف ؟؟؟

المهم اكيد هاعمل الصح

طبعا المفروض تعمل الصح دا أنتا المصري.وشكراً علي مرورك

26 مشاهدة ومفيش غير 4 ردود ليه
المنتدى ما يستاهل نضيع فيه وقتنا

على فكرة فى ناس بتقول انو الى يلقى الاثار تبقا بتاعتو ويعنى بيحللو فلسها وبيقولو انها موش سرقة
على العموم انا عن نفسى نفسى يكون فى قانون يقول انو الى يدل على مكان اثار ليها حتى لو 10% من دخل الاثار دى فى السنة
وبكد هنقدر حد من سرقة الاثار يعنى الواحد هيفكر قبل ما يبيعها لحد اجنبى يقدمها للحكومة وهيكسب اكتر لنو هيكون دخل ثابت يستفيد منو دايما موش مرة واحدة
وشكرا ليك يا احمد على الموضوع الرائع دا

انت عارف ياتامر ان فيه بعض الفقهاء اعتبروها اموال لقطاء حلال بإخراج زكاتها وهى العشر

تعرفوا انا بتني بيبعد عن معبد هابو حوالي 400 متر ودي مسافة بعيدة يعني مفيش اثار تحت البيت والله لو كنت شاكك للحظة ان في اثار تحت البيت والله متأخر

ولو لقيت اثار في اي مكان طبعا حخدها وخلوا بالكم انا قلت اي مكاااااااااااااااااان

تامر بيتكلم صح
بس انتا تعرف انى احد دكاترة كليه الاثار اكدلى ان فى اثار فى المتحف المصرى مش متسجله عارف دى مصيرها ايه اتباعت ذى غيرها سرقه عينى عينك وعظيمه يامصر يارض اللوا

يا جماااعة سرقة الاثار في البلد حاجة عادي ومفيش اسهل من كده وع فكرة في دكاترة كبييييييرة في جامعات بحري بتاجر في الاثار وتجار الاثار في كل مكان

بس العيب فينا احنا اذا كان بلاد بره بتهتم باثارنا اكتر مننا
احنا نايمين فى الخط ليهم حق يسرقوها

طبعا أكيد أبلغ عنهم عشان نرتاح منيهم..
مشكوووووووور أخى أحمد على الموضوع الجميل...

أنا من رأيي توعيتهم بأهمية الآثار فأن لم يقتنعوا وده الي هيحصل
يتم التبليغ عنهم

اشكرك اخي احمد علي الموضوع الهايل ده بس انا ملاحظ انه في ناس استحلت سرقة الاثار طب خليكم معايا انت هاتسرق اثار بلدك مش انت يعني انا اقصد انت يا مصري ياللي بتحب بلدك الاثار دي شوف بتجيب للبلد دخل كام وشوف بتفيد البلد في ايه شوف يا باشا انت لما الاثار بتاعت بلادنا تتباع للدول الاخري انت بتبيعها بكام بنص مليون ... بمليون .... باتنين مليون ... ؟ دي بتجيب مليارات الدولارات للي بيشتراها ولو قعدت في بلدك هاتجيب اكتر لما تبيع اثار بلدك كانك بتبيع قوتك وقوت اولادك .
وبالتالي انا اايد تجريم سرقة الاثار في مصر واتفق مع الراي القائل انها محرمة شرعا لان الاثار من حق الشعب كله مش انت لوحدك لو جدك سابلك انت واخواتك تركة هاتاخدها لوحدك ولا لازم تقاسم باقي اخواتك حسب شرع الله والاثار نفس النظتام من حق الشعب كله لانها من اجدادنا الفراعنه ومن حق كل مصري مش من حق واح ولا اتنين .
انا عارف اللي هيقلي ان كتير من اللمصريين مش فراعنة دول عرب والكلام اللي بنسمعه دا كله هارد عليك واقلك انا ياخي اصلي فرعوني ماتاكلش حقي انا عايز انتفع بالتركة اللي سابوهالي اجدادي لو عايز تنتفع منها معايا اهلا وسهلا لو مش عايز براحتك .
دا يا جماعة لاقناع اللي بيستحل سرقة الاثار وعموما انا اشكر الاخ احمد صقر واشكر كل من شارك بصوته واتمنا لكم التوفيق .

هشام عامر

نايس توبيك ..

اشكرهم وابوس ايدى شعر ودقن واقولهم الى الاماااااااااااااام __ويبقى انت اكيد فى مصر(انا بهزر)

الاول ازيك ياعم احمد....واحشني
تاني حاجه انته عارفني انا طبعا....هشتغل معاهم عشان حاجه ملهاش حل ع فكره وفلوسها حلوه بدل المحامها فلوسها ع ادها
ولو اتمسكت تبقي تطلعني بقي

بينى وبينك يا صديقى

الحاجة دى بتكون اقرب مايكون لامتلاك اموال ملهاش اول من اخر

ومفيش واحد فينا مش نفسه انه يكون غنى او معاه فلوس

بس عارف
كلمه حق تتقال

هتصدقنى لو قولتلك انا قدامى مليون سكه علشان امشى فى الموضوع دة

بس كفايه

احساسك ان الحاجة دى مش ملكك
وملكش حق تتاجر فيها

لو اى انسان بيخاف من ربنا بجد
ثق تمام الثقه ان الموضوع ده مش هيكون له وجود

والحمد لله على كل حال

اشكرك اخى على طرح هذا الموضوع ولكن ان هذة القطع الاثرية تعنى تاريخ شعب وحضارتة من يسمح ببيع تاريخة نعم هناك ثغرات فى القانون 117 الذى جرم حيازة واتجار الاثار ولكن الاهم الضمير اليقظ

اللى يسرق يسرق هو احنا اللى هنحسبه