سؤال هام : ايه هو معنى الحب الشريف فى مجتمعنى الشرقى ؟

اخوانى وأخواتى الافاضل اعضاء المنتدى :

عندما يحب شاب فتاه ما وصرح بهذا الحب لاهله او لاصدقائه فلا احد يستطيع ان يعيبه او يقول له هذا خطأ ؟؟

وعندما تحب فتاه شاب ما لاتستطيع الافصاح عن حبها الا لفتاة مثلها ان أمكن ذلك ؟؟؟

سؤالى ينقسم لعده اقسام :

الاول ؟؟

هل الحب الشريف فى مجتمعنا الشرقى عيب كبير ؟
الثانى ؟؟

هل من حق الشاب ان يحب ويفصح عن حبه وليس من حق الفتاه ان تحب وتفصح عن حبها ؟؟

الثالث والاخير ؟؟

هل عاداتنا تسمح للرجل ان يحب
ولا تسمح للمراة ان تحب

اطلب التفسير لهذا التناقض ؟؟؟؟

شكرى لكم وفى انتظار ارائكم

لا طبعا الحب هو اجمل واحلى واطعم شئ فى الدنيا دى كلها.
لو انت بتحب اكيد هتكون سعيد لو انت بتحب هتحب الناس كلها لو انت بتحب هتحب
فيها كل حاجه لو انت بتحب صحيح هضحى علشانها بحاجات كتير.

الحب ما اروعه لو فضلت اتكلم عن الحب كتير طبعا مش هاقدر انا ولاغير هنفسره

فى مجتمعات فى مصر فيها البنت ممكن تعبر عن الحب لاخوها او والدها

والاعتراف انك بتحبى شخص دى شئ عادى مدام انك زى ما بقولوا ماشيه مع الاصول يعنى الاخلاق
والدين ......

اما الولد بيحب عادى ويعترف للكل انوا بيحب والكل يعرف بكده والكلام ده فى اى مكان

بس البنت بتكون صعبه شويه...........ز


واى راجل لما بدور على واحده عاوز يجوزها بدور على تاريخها كله يعنى:
كانت تعرف مين؟
مين اصحابها من البنات؟
هل كانت بتحب واحد تانى اقبل كده ؟
وبعد كده بدور على الجمال والنسب؟؟؟


وزى الناس هنا فى الصعيد بيقولوا البنت عامله زى عود الكبريت لو .......... يبقى انتهى ويترمى فى اقرب
سله زباله !!!!!!!!

موضوع رائع شكرا لكى

طبعا الكل عارف ان البنت رقيقة وتقيله دى القاعدة العامة في مصر كلها والوطن العربى :-
لو البنت صرحت لأى حد بحبها هيتقال عنها كلام كتير هي في غنا عنه وخصوصا ان مجتمعنا ضيق وتنتقل فيه الأخبار بسرعة .
ومن الناحية التانية لو حبت واحد بجد وصرحتلو بحبها اي عرفها ان مش هيستغلها ويلعب بيها ولو جرحها مش هتغفرلو ابدا ولا لنفسها غير ان الجرح ده مش هيتلم بسرعة .
عشان كده البنت بحتفظ بحبها لنفسها ونادر ما بتصرح لحد بالحب ده مش عشان هو عيب ولا حرام بس عشان تحمى نفسها




وفى الأخر
معرفش انتى متعمدة ان تكون معظم مواضيعك فيه ابواب حوار ولا لأ
وياريت تكونى قاصده ده عشان ده شي جميل ومواضيع جادة بتناقش قضايا هامة وياريت البقية يشاركونا الآراء


تقبلى مرورى

فعلا متعمدة
ومرررررررررررررررررررسى على مرور معالى الملك فاروق

يصى يا عفاف هو بصراحة السوال صعب
بس يعنى انا بعتقد انو ممكن البنت تقول لامها انها بحب بس فى حاجه
انو الخجل والحئ الى تتمتع بيها المراء الشرقية ميسمحلهاش بكد
ودا افضل ليه
وبعدين الحئ شعبة من شعب الايمان

ممتازه موضوع رائع ... هو حاليا ان البنت تتكلم وتقول دا بقى شئ عادى
مدام الامر داخل نطاق الاسره دى عادى , وبعدكده البنت لما تتكلم مع افراد الاسره
شئ جميل...

بدل ما تتكلم مع حد تانى والحد التانى ممكن ياخد الكلام ده يحكيه لحد تانى
وتبقى مصيبه والدنيا كلها تعرف

السلام عليكم
مع احترامى لكل الآراء المذكوره خصوصا ان الموضوع من فتره
حاليا مبقاش فيه مجتمع غربى و مجتمع شرقى فى الحب
الحب واحد راح ولا جه
و مبقاش صعب البنت تعترف لان الواحد م بيصدق يلاقى حب فعلا يستاهل
الاكيد المجتمع بيسمح للمرأه و الرجل بالحب لان الراجل لما بيحب بيحب انثى


الحـــــــــــــب مش عيب ابدا ابدا 0000العيب ان الواحد ميعرفش يتوج حبه بطريقه سليمه

الموضوع عجبنى علشان كدا جبته من الاخر و رديت000شكرا لطرحه اختى عفاف

احمد صقر كتب:

طبعا الكل عارف ان البنت رقيقة وتقيله دى القاعدة العامة في مصر كلها والوطن العربى :-
لو البنت صرحت لأى حد بحبها هيتقال عنها كلام كتير هي في غنا عنه وخصوصا ان مجتمعنا ضيق وتنتقل فيه الأخبار بسرعة .
ومن الناحية التانية لو حبت واحد بجد وصرحتلو بحبها اي عرفها ان مش هيستغلها ويلعب بيها ولو جرحها مش هتغفرلو ابدا ولا لنفسها غير ان الجرح ده مش هيتلم بسرعة .
عشان كده البنت بحتفظ بحبها لنفسها ونادر ما بتصرح لحد بالحب ده مش عشان هو عيب ولا حرام بس عشان تحمى نفسها




وفى الأخر
معرفش انتى متعمدة ان تكون معظم مواضيعك فيه ابواب حوار ولا لأ
وياريت تكونى قاصده ده عشان ده شي جميل ومواضيع جادة بتناقش قضايا هامة وياريت البقية يشاركونا الآراء


تقبلى مرورى

مع احترامي رايك بس ليه كده ؟؟ ليه البنت مظلومة في اجمل حاجة في الدنيا؟؟