مالي انا أي ذنب

بعدك يزيد الشوق .. قربك يزيد الحب
واصبحت انا المحتار ما بين بعد وقرب

حبي يبي يزداد وشوقي يبي يكبر
تايه انا كلي مــــــا بين عين وقــــلـــب

في البعد لك اشتاق مهما تكون ابعيد
في القرب انا اهواك يا غالي واتعذب

لا تقـترب مـني ولا تبتعد عـنــي
ابقي لي لو تسمح يا عمري نص الدرب

شوقي اذا لك زاد ما اضمنه يبقى
حتى ولو هو قل .. خوفي ترى ينضب

والحب لو كثر .. زادت بي الغيرة
وان ذاب لك قلبي يمكن ترى ما حب

خلك مثل ما نته .. لا تغير اسلوبك
راضي انا ابكل شي لو أشقى أو أتعب

ارتاح وريحني ولا تشترط أي شرط
واحلامك ان ضاعت .. مالي انا أي ذنب**