طلبة انتساب لا تشتروا الكتاب الجامعي

بسم الله الرحمن الرحيم

اخوتي طلبة الانتساب الموجه احب ان اوجه ابصاركم الى اهمية عدم شراء كتاب الجامعه الباهظ الثمن والله يا اخوتي نحن من اعطى اادرارة الجامعه العشم في انهم يحرمونا من اقل حقوقنا الا وهي الحضور وذلك لعده اسباب اتعلمون اننا في جامعه جنوب الوادي ندفع اغلى ثمن في الكتب الجامعيه وبما اننا لن يشرحوا لنا الكتب التي يبيعونا اياها وكما تعلمون ان هناك كتب مطلسمه لا تفهم الا بعد الشرح لذلك ارى انه من المفيد لطلبة انتساب الا يعتمدوا على الجامعه ولا على كتب الدكاتره ويتوجهوا الي الملخصات والكورسات الخارجيه وليعلموا ان هذه بتلك فمن الظلم اننا نقوم بشراء الكتب التي لن تشرح لنا وبالنهايه يساووننا بالطلاب الذين شرح لهم من جهة ورقة الامتحان وطبعا الكل يعلم ان طلبة الانتساب يتعرضون للتشديد في التصحيح وذلك للحفاظ على دخل الجامعه
فاا انصحكم بان لا تشتروا الكتاب الجامعي لانه لا يفيد شرائه في حاله عدم فهم محتواه اي بدون شرح

ولكم الاختيار ولمن اراد ان يقتي الكتب فليصورها ولا يقوم بشرائها حتى يرفعوا الظلم الواقع علينا

احترامي
اخوكم

انا مش معاك في الفكره دي لان كون انك انت متجيبش الكتاب علشان مش حتحضر يبقي بتضيع عليك فرصه انك تنجح وتعدي السنه دي وتخلص منها انما لو جيبت الكتاب في احتمال كبير انك تفهم علي الاقل 50% من المنهج وتخلص نفسك ده رأي

انا مقدر مشاعر طلبة انتساب بس احب اقول ملا حظة صغيرة
مش موضوع شراء الكتاب او لا
فعلا في تشديد في تصيحيح انتساب انا معاك و حتخرب اكتر لو مجبتش الكتاب و الكلام مجرب قبل كده
. بالنسبة لقرار منع انتساب ده قرار مركزي يعني من الوزارة من مش من الجامعة .. السلام عليكم .

انا مش معاك مش معنى انى فى ظلم انى منجبش كتب لانى ممكن عدم شراء الكتب ووجودها فى المخزن والاستعانة بالكورسات يعمل نتيجة عكسية على الدفعة كلها ودة راى thnx

ifimtm كتب:

انا مش معاك في الفكره دي لان كون انك انت متجيبش الكتاب علشان مش حتحضر يبقي بتضيع عليك فرصه انك تنجح وتعدي السنه دي وتخلص منها انما لو جيبت الكتاب في احتمال كبير انك تفهم علي الاقل 50% من المنهج وتخلص نفسك ده رأي

ما انا قلت لك الي عايز يقتني الكتاب يصوره لكن مش يروح يدفع للجامعه الي حارماه من اقل حقوقه
وبعدين الكتاب مش هوه الي بينجح يعني انا عن نفسي مواد كتير اشتريت كتبها في اولى وتانيه وكتب جديده عمري ما فتحتها


مشكورعلى المروور

mohammed Aboud elrawy كتب:

انا مقدر مشاعر طلبة انتساب بس احب اقول ملا حظة صغيرة
مش موضوع شراء الكتاب او لا
فعلا في تشديد في تصيحيح انتساب انا معاك و حتخرب اكتر لو مجبتش الكتاب و الكلام مجرب قبل كده
. بالنسبة لقرار منع انتساب ده قرار مركزي يعني من الوزارة من مش من الجامعة .. السلام عليكم .

طيب حضرتك بتقول ده قرار مركزي طيب
انا هضربلك مثل تجاره سوهاج عامله الخميس والجمعه من كل اسبوع لطلبة انتساب ليه الجامعه عندنا ما تعملش كدا ولا احنا علشان ما فيش حد بيتكلم يبقى عادي وبعدين طالما العمليه خربانه خربانه يبقى ليه احنا نقبضهم من غير ما يتعبوا حتى في الشرح
والله الملخصات احسن من كتبهم

احترامي وتقديري يا راوي باشا على مروورك

Mr_AcTion كتب:

انا مش معاك مش معنى انى فى ظلم انى منجبش كتب لانى ممكن عدم شراء الكتب ووجودها فى المخزن والاستعانة بالكورسات يعمل نتيجة عكسية على الدفعة كلها ودة راى thnx

في نتيجه عكسيه اكتر من اننا مش هنبقى فاهمين حاجه في المنهج وهنضطرر ندور على حد يدينا كورسات ده اذا لقينا مكان دلوقتي عند الي بيدوا من الاخر السنه دي اضربت من ناحية التحصيل فبالله عليكم لابد ان يكون لكم وقفه في هذه المهزله

احترامي لك يا مستر

super star2009 كتب:

الكتاب ملوش ذنب الطالب هو الخسران لومجابش الكتاب اسمع كلامى

الطالب خسران ليه لو ما اشتراش الكتاب طيب تصدق بالله اني ماشتريت غير 3 كتب الترم الي فات والحمد لله كان من افضل الترمات
واعرف ناس ما بيشتروا الكتب نهائي وماشاء الله سالكه معاهم باحسن مما تتوقع



احترامي

H.Lasheen كتب:

mohammed Aboud elrawy كتب:

انا مقدر مشاعر طلبة انتساب بس احب اقول ملا حظة صغيرة
مش موضوع شراء الكتاب او لا
فعلا في تشديد في تصيحيح انتساب انا معاك و حتخرب اكتر لو مجبتش الكتاب و الكلام مجرب قبل كده
. بالنسبة لقرار منع انتساب ده قرار مركزي يعني من الوزارة من مش من الجامعة .. السلام عليكم .

طيب حضرتك بتقول ده قرار مركزي طيب
انا هضربلك مثل تجاره سوهاج عامله الخميس والجمعه من كل اسبوع لطلبة انتساب ليه الجامعه عندنا ما تعملش كدا ولا احنا علشان ما فيش حد بيتكلم يبقى عادي وبعدين طالما العمليه خربانه خربانه يبقى ليه احنا نقبضهم من غير ما يتعبوا حتى في الشرح
والله الملخصات احسن من كتبهم

احترامي وتقديري يا راوي باشا على مروورك

1/ الحضور مش بيفرق معنا لاني اصلا مفيش تحصيل و انا عن نفسي انتظام مش بحضر
2/ الجامعات المصرية اذا كانت مخصصة يوم او اتنين زي ما بتقول ده لتخليص اوراق مش حضور محاضرات
3/فعلا الكتب ماليها قيمة لكن حاجة زي كتب المحاسبة لازم تشتريها لاني قيمتها بعد التخرج اكبر من الدراسة .
4/ السنة اللي فاتت دفعة سنة تالتة حققت نسبة مبيعات قليلة في شراء الكتب علشان كده كان في تصعيب في الامتحانات من معظم الدكاترة و اللي فلت من ماده او اتنين تقديرة اضرب.
تحياتي ليك مستر لاشين

H.Lasheen كتب في نتيجه عكسيه اكتر من اننا مش هنبقى فاهمين حاجه في المنهج وهنضطرر ندور على حد يدينا كورسات ده اذا لقينا مكان دلوقتي عند الي بيدوا من الاخر السنه دي اضربت من ناحية التحصيل فبالله عليكم لابد ان يكون لكم وقفه في هذه المهزله

انا معاك فى كل كلامك ومحترم وجهة نظرك لكن فى نتيجة عكسية انت متتوقعهاش وهى ان وصلتنى اخبار فى السنة الى فاتت فى قبل امتحنات اخر السنة ان د.جمال لبراهيم راح لبعض الدكاترة قالهم ان الكتب موجودة فى المخزن والطلبة ماشتروهاش وراحو ياخدو كورسات قالهم لازم نشد عليهم فى الامتحانات فى التصحيح وكمان فى المتحانات نفسها وطبعا انتا شوفت ايه الى حصل وشوفت النتيجة مش محتاجا شرح يعنى وشوفت الناس الى اتظلمت اكيد وممكن انتا تكون واحد منهم مع احترامى الكامل ليك ولوجهة نظرك ولوجهة نظر الاعضاء الاخرين Thanks

انا معاك يا لاشين بس لو كنت فاكر انك ممكن تخسر الجامعة بعدم شرائك للكب تبقى غلطان
مشكور يا لاشين

ياعم انا بشترى الكتاب كده وخلاص ومش بفتحه لاننا فى الاخر بنعتمد على الحاجات الخارجيه دى وخلاص
واهو نعمل اللى علينا ونجيب الكتاب وخلاص
وربنا يوفق الجميع
بس ياريت طلبة انتظام مايدخلوش ويقولوا حاجات تستفزنا كفايه والنبى
احنا فينا اللى مكفينا

انا مش معاكوا في الموضوع دة لاني انت ممكن تصور الكتاب لكن بيكتبوا اسماء الطلاب اللي بيشتروا الكتب