جامعه جنوب الوادى من افضل عشر جامعات على مستوى العالم

معنديش حل بصراحه مش متخيله طبعا
وبعدين احنا ممكن نبص ع الجامعات الكبرى ونشوف الفرق وساعتها هنعرف الاجابه

اولا مشكور ادمن ع طرح الفكره دي او الحلم دا

والاحلام مشروعه ومحدش يقدر يلغيها

هو احنا عشان نشوفهاكدا فدا علي المدي البعيد

ولكن احنا ممكن نكون كدا لان مش في حاجه مستحيله

وازاي نكون من افضل الجامعات فدا بقيمن خلال اننا نشوف الجامعات العشره حاليا ايه فيهم مميزات وايه اللي وضعهم فيالمكانه دي ونحاول نوجده

جامعتنا حلوة طبعا

بس الفكره تعتبر مستحيله بجد

طيب هاتلي جامعه ف مصر من احسن 10 جامعات علي مستوي العالم



مفيش


هتبقي جامعه جنوب الوادي

و غير كده اراءنا لا بتودي ولا بتجيب

بس مشكور طبعا علي طرح الفكره يا ادمن

بسم الله الرحمن الرحيم

الموضوع جميل ويتحقق ذلك بالاهتمام الجاد بكلا من الطلاب واعضاء هيئة التدريس لو اهتمت الجامعة بالطلاب اهتمام بالغ واعدت كوادر مدربة وحفزت طلابها وربطتهم بمجال العمل المناسب واهتمت باعضاء هيئة التدريس بالرقابة الجادة عليهم فى عملية اعداد الطلاب لاستطاعت الجامعة ان تكون افضل جامعة على مستوى العالم واصبح طلابها يجدون فرص عمل فى كل مكان بدلا من الحصول على الشهادة والجلوس فى المنزل
بدون وظيفة

رائع يا زهره المنتدى ,, ولكن اهميه المراقبه على هيئه التدريس وايضا رقابه
على المواد الدراسيه التى بيدرسها الطلاب , ويجب ايضا اضافه مواد دراسيه جديده
وحذف البعض , وحذف اجزاء من المواد الاخرى التى لاتفيد وهى عباره عن حواشى داخل
المواد..............

وفى ايضا حاجه مهمه هى اعطاء الطابع العملى على المواد بجميع الكليات

والله ما فيه كلام تاني بعد اللي انت قولته يا ادمن

فعلا رائـــــــــــــــــــــــــــــــــــــــــــــــــع

أنا من رأيي كمان لازم الطالب يأخد حقه في التقديرات

لأنه لو لم يشعر بالظلم سوف يبذل قصاري جهده في المذاكرة

ولازم كمان تهتم الجامعة بمدرجات الطلبة 000 في تجارة أو حقوق مثلا الطلبة بيفضلوا واقفين طول المحاضرة000 طاب بالله عليكم حيفهم إزاي الطالب كده

وكمان تعالوا في الصيف0000 تلاقوا الطلبة ماسكين كشكول المحاضرات بدل ما يكتبوا فيه المحاضرة وراء الدكتور000 لا بيستخدموه كمروحة000 وده طبعا بسبب عدم وجود مراوح أو أجهزة تكييف في المدرج000

فلازم الجامعة تعالج القصور دي أولا 000 ثم بالتدريج نلاقي الجامعة بتتطور وكمان الطلبة

حيكونوا أحسن وإمكانياتهم أفضل ومجهودهم أعلي

شكرا لكى مشرفتنا

فى المزيد بأذن الله تعالى
أدمن رائع أنت

ولا تقدم  ولا مزيد خما اخيرهم كده اصلا جامعات مصريه   ده راي  يعني 

الوردة الوحيدة كتب:

أنا من رأيي كمان لازم الطالب يأخد حقه في التقديرات

لأنه لو لم يشعر بالظلم سوف يبذل قصاري جهده في المذاكرة

ولازم كمان تهتم الجامعة بمدرجات الطلبة 000 في تجارة أو حقوق مثلا الطلبة بيفضلوا واقفين طول المحاضرة000 طاب بالله عليكم حيفهم إزاي الطالب كده

وكمان تعالوا في الصيف0000 تلاقوا الطلبة ماسكين كشكول المحاضرات بدل ما يكتبوا فيه المحاضرة وراء الدكتور000 لا بيستخدموه كمروحة000 وده طبعا بسبب عدم وجود مراوح أو أجهزة تكييف في المدرج000

فلازم الجامعة تعالج القصور دي أولا 000 ثم بالتدريج نلاقي الجامعة بتتطور وكمان الطلبة

حيكونوا أحسن وإمكانياتهم أفضل ومجهودهم أعلي

الله عليكي يا ورده........كلام جميل قوي...... ف اداب عندنا مش بنعاني غير من قصور التقديرات بس

اما الاماكن متوفره و المراوح موجوده و الحياه شمعه منوره

ما تيجوا نغير الجامعه خالص ؟؟

يا جماعة المشكلة مش مشكلة جامعة جنوب الوادى وحدها دى مشكلة التعليم فى مصر كلها لازم التعليم يتطور واهم طرق تطويرة هى اللى قالت عليه زهرة البساتين وكمان عايز اضيف حاجة لازم اللى يتعين معيد يبقى بمجهودة مش كوسة زى ما ماشية فى مصر كلها لان المعيد بيبقى دكتور والدكتور بيطلع عين الطلبة

السالم عليكم
شكرا لك ادمن على الفكرة الهايله دى
انا متخيل ان الموضوع ده سهل جدا
عارفين سهل ليه
لان فى بشر عملوه
كل المطلوب مننا نعرف ايه اللى فى الجامعات اللى وصلت للترتيب ده
نعرف ايه اللى خلالها توصل كده
بجد يا جماعه الموضوع سهل
عايز اصرار مش اكتر
انا خلصت جامعه بس نفسى اختى واخويا وجارى يدروسوا فى واحده من افضل عشر جامعات يدرسوا فى جنوب الوادى

اشكرك يا ادمن على الموضوع الجميل ده
بس كنت عاوز اقول حاجه انا قرات فى مرة مسابقة
كان مطلوب فيها تعيين طلبة كلية تجارة
تعرف كان مكتوب مطلوب خريج كلية تجارة من جميع الجامعات ماعدا جامعة جنوب الوادى
تفتكر بعد كده ممكن ناخد تصنيف على العالم ؟؟؟؟
I dont Think That

موضوعك كفكره جميل
انا قريت ردود بعض الزملاء مع اجترامى لرأى كل واحد فيه اللى افاد وفى الى كان رأيه ناقد
لكن احنا لازم تكون فى شى من الواقعيه كلنا نتمنى ان جامعتنا تكون من افضل الجامعات على مشتوى العالم او حتى اى جامعه مصريه وعربيه لكن دا يتحقق على ايدينا والاجيال اللى بعدينا مفيش حاجه صعبه ولا مستحيله احنا لما نيجى ننظر للجامعات الاوربيه والمعروفه الجامعات دى اساسا كانت بتمشى على منظومه تعليميه كانت متأسسه صح ومع مرور الزمن بقت افضل وافضل ... مفيش حاجه تتغير من غير مبادره الكلام شهل لكن فين الفعل .. احنا نتمنى ان المنظومه التعليميه اللى عندنا فى مصر تتغير للافضل ومنحاولش نطبق نظام تعليمى اوروبى زى ما حصل لما حاولت الوزاره تطبق نظام التعليم اللى فى المانيا وتطبقه فى مصر وللاسف فشلت ودا اكيد طبعا لان الناس دى متخذه نظام معين بتمشى عليه من زمان لكن تطبقه على مجتمع تكون الحاجه دى غريبه عليه مثلا اكيد مش هيتقبلها...
اتمنى اننا نتقدم ونبقى للاحسن ودا اكيد بسواعدنا احنا وبجهدنا
معا نحو مستقبل افضل ... وربنا يوفقنا جميعا
مع جزيل الشكر والتقدير

اللهم وفقنا لما تحبه وترضاه

الجامعة من اعظم الجامعات اللى فى العالم

فيها شباب بفكر وعارف هو نفس يعمل ايه



انا فعلا فخورة بمجهودك الجبار ى اختى الغالية

فى المشمش

رائع ادمن بس للاسف لو قارنت جامعة جنوب الوادى باى جامعة داخل الجمهورية بس هتلاحظ الفرق يبقى صعب اوى لما نرتبها عالميا

اكيد ده حلمى وحلمك وحلم كل طلاب الجامعه بس ده حيتقق لما الجامعه تحترم طلابها وتديهم فرصه فى الاختيار

موضوع حلو اوى يا ادمن مشكور علية
بس ياجماعة مش عيب ان الواحد يحلم ويحاول يحققة بس لو دورنا هنلاقى ان احنا لسة قدامنا كتير سواء من ناحية ادراة الجامعة او من الفكر او المنهج الى بنمشى علية او من الطلابة نفسها يعنى اهم عامل من عوامل نجاح الجامعة هما الطلابة كل ماكانو ع قدر من التفتح و الثقافة و النضج العقلى الشخصية السوية
لكن دة ممكن يكون بنسبة 40% من طلابة الجامعة والباقى طبعا انتو عارفين بيفكرو ازى

انا من راى التقدم والتطور الى فى انجلتر وامريكا والبلاد دى بتبدا من رقى الفكر والتحضر والتفكير فى كيفيت الارتقاء بالنفس البشرية
ودة مش هتلاقى غير بنسب متفاوتة لذلك صعب احقق حلم اساة مش موجود ولا اية ؟؟؟؟؟؟؟

دة رائى واختلاف الراى لايفسد للود قضية
شكرا ليك يادمن وتقبل مرورى