قصيده حكايه غير كل الحكايات

قصيدة حكاية غير كل الحكايات للشاعر احمد صلاح محمود


حكاية غير كل الحكايات
مالك ياقلبى حيران ليه
بتدور ع الكلام مش لاقيه
ايه مالك
طاير من عينيك النوم
من سنين طويلة
وانت كل ليلة تنام

اشمعنى اليومين دول سهران
ووخداك الحيرة وشداك الظنون
وتقول لنفسك لا مش معقول ده جنون
انا مستحيل اكون مفتون
اول مرة ترفض تعترف ان القمر جميل
اول مرة تحبس كلمة جواك
وتحس انك اسير

اه يالى كنت فاكر نفسك فى الحب ملك
وفى العشق امير
ليه دلوقتى حاسس ان الوقت ممل وطويل
مع انك لما تبقى معاها فى ثانية يطير
وتحس انك بعيد بعيد قوى
عن حلم نفسك فيه ومش طايله

حبيبك نفسك تشوفه وتقوله
ايه يا قلبى فى ايه مضايق ومش على بعضك
قولى بس راح فين صبرك
مين لخبط حالك مين شغلك
وانت فاضى من سنين
فجأة كده يدق بابك الحنين

مش عارف اقولك ايه
هوانت يعنى جديد ع الاهات
ما انت بينك وبينها عشرة وذكريات
وياما خدت منك رقات
وياما خدتك لحم وسابتك فتات
وياما صاحبتها وصاحبت بنات
بس دى بنت غير كل البنات
دى بنت حكاية
وحكاية غير كل الحكايات



منقوووووووووووول

شكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

مرسي يا نور

ميرسي يا نور