قصيده :مكتوبلى احبك ومكتوبلك تنسانى

مقدرش احب غيرك ولا عمرى هحب تانى
بحاول انساك ليله بس مش قادر انسى ثوانى
حطيت النسيان امنيه من الامانى
يظهر مكتوب عليا احبك ومكتوبلك تنسانى
حقيقى دلوقتى بستنى ثانيه تغيب عن بالى
مش قادر افارق حضنك فى احلامى ولا فى خيالى
نصيبى اعيش كده فى اسهر فى حبك واعد الليالى
حظى اكون كده تنسانى واندهلك واقولك ارجع يا غالى
نفسى اقولك واحشنى يا روح القلب يا هاجرنى
نفسى اقولك بحبك واضمك تانى لحضنى يا اسرنى
مليون سلام بهديك وبرمش عيونى اغطيك يا جارحنى
فى عيونى شايلك وبجفونى بحرسك يالى فى قلبى طاعنى
بحلم بيك يوماتى ضحكتك بتحول اهاتى وبتخطفنى لدنيتك
بتجينى فى سهر ليلى واتخيلك بتاخدنى وامسح دموعى واروح لجنتك
فارق يا غالى وبكره هتجينى تمسح دموع عينى
ترجعلى ايامى وتعوض حرمانى وتشيل بايديك انينى
بحبك وهفضل احبك يالى خطفت قلبى وسجنته فى قلبك
انساك ؟مستحيل هنساك ده انتا حفرت فقلبى هواك