هعتب واقول للايام كلام
هلوملها على الجراح والالام
هلومها ليه عملت بينى وبين الفرحه خصام
هعاتبها ليه مشفتش طعم النور وعايش فظلام
هقولها عايز اكون حر طليق مبقاش عايش والسلام
يمكن تسمعنى وتداوى جروحى
يمكن ترجعلى حبيب روحى
هقولها تسامح حبيبى ومتخلصش تارى
انا فعلا لسه بحبك بس لازم اخبى وادارى
هقول للايام كفايه الام كفايه حزن وليه الظلم؟
كفايه عزاب كفايه وهم وغش حرام نعيش الندم
هقول للايام تعوض حبيبى حزنى انا فرحه ليه
تديله فرحه اد دموع عنيه تحققله كل امنيه
انا يا زمانى بشيل بداله الامه متقساش عليه
اوعى يا زمان تجرح قلبه وتبكى دموع عنيه
كفايه انا مش جمبه مين هيسانده مين هيداويه
هفرح لفرحك وهنسى جرحك لانى حبيبتك
هعيش ايامى وهنسى الامى يا ريتنى كنت جمبك
هقول للايام متنسهوش حضنى متنسهوش ايامى
هقول للايام متعيشهوش يأسى متوريهوش ظلامى
انا قدك يا دنيا سبيه فحاله ودمرينى مكانه
حاولى يا ايام ترجعيه لقلبى ويسكن احضانه
عارفك يا دنيا غروره وزى الطاحونه دواره
تجرحى الناس بالدور عملتى للحزن حضاره
انا مش هموت ولا اسكت على حالى
لازم يا ايام ارد جرحك ليا
فعلا بلومك ومش راضى بلى بيجرالى
هعاندك يا ايام وملكيش حق تلومى عليا
هقول للايام انا مش ضعيف انا اقوى من الجبال
لو حد غيرى داق عزابى كان قلبه اتفتت زى الرمال
هغير حياتى واقلب عالوش التانى
مش هفضل طيب لا هبقى انانى
مش هسمح للزمان يداوينى ده هو الى بكانى
ولا هضعف ليه عشان ميعملش فيا جميل ويقولوا هو نسانى
هنسى لوحدى كل ماضيا وهعيش باقى حياتى ليا
وان يوم حبيبى رجع ليا يبقى حزنى فتره لعب الزمان بيها وبيا
هصبر على دمعى وبكايا وهستنى على حزنى وشقايا
هستنى يوم حبيبى يكون معايا وهواه يحضن هوايا
لو مكنش منه يكون من غيره وهرسم معاه كل احلامى الجايه
لو الزمان هيصالحنى يرجعلى حبيبى وانا اسيبله احلى هديه
هحلفلك يا زمان هكتب عنك فقصايدى واغانيا
هكتب على طيبتك وقوستك كانت تمثيليه هكتب عن الحنيه
حاسس وشايف زمن جديد شايفه مع حد شكله هو الحبيب
هيرجع بشكل وطعم جديد وعلاقه قويه اقوى حتى من النصيب
علاقه تتحدى الدنيا والزمان والايام
علاقه انسى بيها كل جراح والام
مستنى قريب بكره لما يجى اكيد هفرح
بس عمرى فى يوم ما هفكر فغيرى اجرح
الى داق طعم العزاب عمره ميرضى يعزب غيره
وحبيبتى لما ترجع هتوجها على قلبى ملكه واميره
انتظر اوان رجوعنا يا محبوبتى
اوعى توقفى بينا تانى يا دنيتى
بقلم/فادى رومانى
قاهر الاحزان
موضوع: هتعب على الايام 
الجمعة فبراير 19, 2010 5:29 pm
