يــــــاتري ميـــــن ضيفنا الجاي

قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

حمامة زاجل استقرت على نافذتك تحمل رسالة من مجهول فمن تتمنى ان تكون...؟؟

ما هو أفضل كتاب قرأته حتى الأن...؟؟

من هو توأم روحك

مالذي يشعرك بأكثر قدر من الحرج

ما هي التجربة التي لا تتمنى تكرارها..؟؟

ماهي التجربه التي تتمنى تكرارها

ملك يا ملك انت ياوااااااااااااااااااااااااااااد رد......يااااااااااااااااا ملك

فى هنا 80 سؤال عايزين اجابات........يالا ربنا معاااااااااااااااك

mohamed_someone كتب:: بسم الله
1- اجمل سنه دراسيه عشتها ... 3 كلية
2- اجمل بنت شوفتها مين .. حبيتى ومش بشوف غيرها
3- اجمل ولد شوفته مين ... بس يالا اية اجمل ولد دة احنا رجالة وهنعيش طول عمرنا رجالة
4- اجمل اغنيه سمعتها كانت ايه .. وعدتك عمرو كساب
5- اجمل هديه حد ادهالك كانت ايه ... ساعة
6- اجمل كلمه سمعتها كانت ايه ومن مين ... بحبك ,,, حبيبى
7- اجمل لحظه في حياتك كانت ايه ... اجمل ايام عمرى قضيتها وياه
8- اجمل ذكري في حياتك ... حبيبى
9- اجمل قصه سمعتها كانت عن ايه ... الحب
10- اجمل عضو في المنتدي مين ... الواد محمود بعزة اوى لله فى الله
11- اول كلمه حب كانت من مين او كانت لمين .. من حبيبى ولحبيبى,,, عمرى ما قولتها لحد غيره
12- اول بنت تعجب بيها مين .. حبيبى
13- اول صاحب ليك احكي عنه ... والله اصحابى كتير بس منهم احمد محمود ,,, حبيب قلبى واد محترم وجدع اوى , ورجيل يعنى تعتمد عليه بمعنى اصح ...
14- اول حلم ليك كان ايه ... ارتبط بالانسانة اللى حبيتها
15- اولاول دمعه تجرحك كانت من مين .... كانت من حبيبى
16- اول شعور بالذنب كان عن ايه ... لما حسيت انى ما عملتش حاجة مقابل حبها ليا
17- اول شعور بالظلم كان من مين ... من حبيبى
18- اول مره تحب كان امتي ...3 كلية
19- اول كلمه نفسك تقولها دلوقتي ايه ... مش هنساك بسهولة
20- اول شئ بتفكر فيه بعد ما تصحي ايه .... ادخل المنتدى
21- اول مره تحس بالخوف كان من ايه .... الانسانة اللى حبيتها تتأزى بسببى
22- بتحب الفضول ... يووووووووة كتير بس لما اعرف اللى قدامى بيستفزنى ولا كأن فى حاجة
23- لو رجع بيك العمر عشر سنين هتعمل ايه ... هقعد العب كورة لما اشبع
24- بعد عشر سنين نفسك تكون ايه .... اكون انسان ناجح بمجهودى
25- اتمني عشر امنيات ...
ربنا يشفى ابويا وامى
يرحمنى من نفسى
ارتبط بانسانه وما اندمش على كدة
ابقى محبوب ومحدش يكرهنى
اى حد اقدرة يقدرنى
ربنا يشفى بن اختى زياد
اخلص سنتى على خير من غير اى مشاكل
يا ريت الناس ما تعتقدش انى بتظاهر فى حاجة مش جوايا
تسود المحبة والسلام
تحرير فلسطين
26- اكتر اسم بتحبه .... مى
27- اكتر اسم بتكره .... عطعوط
28- اول ولد ليك نفسك تسميه ايه ... محمد
29- اول بنت ليك نفسك تسميها ايه .... روبا
30- اسم الدلع بتاعك ايه ... سيمو
31- لو كان لازم انك تفارق حبيبك تختار انت اللي تبدي بالفراق ولا لا ... لا ما اقدرش اعمل كدة
32- علق علي الكلمات دي (الغرور الكبرياء العند) .. الغرور بيخسرك كل الناس ,,, الكبرياء مش محبوب ,, العند بيوديك فى ستين داهية
34- ايه الصفه اللي نفسك متبقاش فيك في يوم من الايام اختار صفه واحده من (الكذب النفاق الخيانه) مينفعش تختارهم كلهم النفاق
35- تختار تبقي (شيطان انسان ملاك) .... انسان
36- اكتر ذنب عملته ونفسك ربنا يغفرهولك .... كتير ورينا حليم ستار
37- نفسك تضحك علي مين ... بضحك على نفسى
38- مين اكتر انسان ضحك عليك ... ما اعرفش الصراحة
39- احكي عن العائله .... عيلة عادية يعنى متوسطة ,, امى ربة منزل وابويا على المعاش ,, كان مدير مدرسة سابقا ,,, معايا اخوات بنات متجوزيين الحمد لله ومعايا اخويا الصغير ابراهيم ونفسى يطلع احسن منى ...
40- رايك ايه في الجمله دي (لا شئ يخدع اكثر من حقيقه واضحه )
يعنى الانسان الحقيقة بتكون قادمة وبيكدبها عشان يصدق العكس ,,, موهوم على راى خالد سليم
41- ايه اكتر حلم حلمته وكان نفسك متصحاش منه .... الحب
42- اول شخص بتحب تشوفه علي المنتدي مين ... بلاش عشان ما حدش يزعل منى
43- اختار مبلغ يكون معاك دلوقتي ( 100 جنيه 1000 جنيه 10000 جنيه ) وليه اخترت المبلغ ده ...
10000 محتاجهم فى الوقت دة او بالظبط محتاج 12000 ,, معلش مسألة شخصية
44- ممكن تحب شخص مشفتهوش قبل كده ... ممكن ولية لا بس مش حب بمعنى الحب ,, ممكن معزة
45- اكتر اختبار مريت بيه واتعلمت منه ايه ... التضحية فى الحب
46- اجمل لعبه لعبتها كانت معا مين .... مع حبيبى واصحابى
47- لعبه نفسك متلعبهاش ... لعبة الحب
48- بتحب مين اكتر بابا ولا ماما ... امى
49- البنت بالنسبه ليك ايه ... انسانة رقيقة ,,, غبية بدرجة غير معقولة ,,, مش بتفهم مين بجد بيخاف عليها ومين اللى مش تفرق عنده ... ومش بتقدر اللى يخاف عليها ...
50- معاك لوحه والوان تحب ترسم فيهم ايه ... اسيبها فاضى ,,, وهيا دى حياتى
51- معاك قلم وصفحه فاضيه هتكتب فيها ايه ... وخلصت الحكاية
52- ايه رايك عن الصعيد .... بحبة وما اقدرش ابعد عنه ,, طيبه ,, اصالة ,, كرامة
53- كام شخص تعرفه في المنتدي واتكلم عنهم كلهم عيوبهم ومميزاتهم
يخرب بيت مطنك دة انا اعرف كتير يا لهووووووووووووووووووى ,, ولا انا صدعت
انا هتكلم عن ميزاتهم وعيوبهم بعدين
روءة :: انسانة محترمة ومهذبة ورقيقة جدا .
محمود :: واد عسولة وراجل ..
ساندى :: بنت جدعة وسعات بتفهمنى ..
زمالكاوية :: انسانة كويسة ومحترمة جدا ..
عازفة :: بنوتة عسولة وجدعة جدا ..
Brave Heart :: صاحبى واكتر من اخويا ..
حابس نملة ومطلع عينيها :: واد جدع وكمان محرتم جدا ..
تيتو الغردقة :: واد رجيل ومية مية ...
محمد سم ون :: واد بيطلع عينين اللى يقعد على الكرسى دة والله لاكسرهولك ..
مؤمن2010 :: جدع اوى وبيحب اوى يصاحب ناس محترمة ..
بيسو 2010 :: جدع اوى وواد دمة عسل ..
اعزرونى اغبية الناس هنا اصحابى واحبابى بس اعملك اية الزهيامر شغال يا ولدى
54- ايه رايك في الصداقه بين البنت والولد ... اخوة بينهم ويا ريت الاتنين يحترمو دة ومش معنى كدا انه يتكلم معاها فى التليفون ويقولها انا ممكن اساعدك فى المذاكرة ,,, كلام كدب
55- ممكن تضحي بكبريائك من اجل حبيبتك ... اكيد
56- من يدين يدان ايه رايك في المقوله دي ... مقتنع بيها اوى وبحاول اعمل بيها
57- ايه اكتر 3 صفات بتكرها في شخصيتك ...
طيبة ,, فضول شوية ,, بنصح اى حد ومش عارف انصح نفسى
58- لما بتبص علي المرايا بتفكر في حاجه ... بفكر فى نفسى
59- بحبك اول ماقريت الكلمه دي فكرت في ايه ... ما عملتش حاجة غير انى كنت هطير من الفرحة ولفيت الورقة فى محفظتى من يوميها معايا .. اصلها بعيد عنك اتكتبت الاول
60- غمض عنيك خمس دقايق فكرت في ايه .. هولع فيك ازاى

فاصل ونواصل
كان معكم محمد صم من قناه منتدي جامعه جنوب الوادي

ولا انا مش عاوز اشوفك تانى ولا اعرفك اسألتك حلوة بس طويلة وخلتنى اعصر دماغى فى حجات اول مرة افكر فيها

تسلم يا محمد

Faris A7med كتب:: 1- لو خيروك بين سؤالين ايهما تختار ولية؟

انسان يحبك ويخونك ام انسان يحبك ويموت؟

انسان يحبنى ويخونى ,,, عشان بجد مش هستحمل بعديه

2 - بتحب نفسك يا مستر اسماعيل؟

محدش مش بيحب نفسة ,, بس فى فرق فى انك تحب ذاتك ومصلحتك اولا او انك تبدى غيرك ...

3 - ماذا لو سمح لك بإجراء اخر مكالمه فى حياتك !!

لمن ستكون ؟؟
لحبيبى
ولمــاذا ؟؟

شخص واحد فقط

هقوله انى عمرى ما حببيت حد قبلة ولا بعدة وانى الدنيا من غيرة مش حاسس بيها
وانى هموت وانا بحبة زى ما وعدته

4 - اختار حاجة اعترف بيها قدام كل الناس؟؟

انا تعبان اليومين دول من حجات كتيرة اوى بعملها غلط فى حياتى ولازم تتصحح بإذن الرحمن

5 - ممكن تحب من النت يا ملك؟؟
ما اظنش

6 - هتحضر فرح البنت اللى حبتها؟؟
مستحيل انا اهون عليا اموت ولا انى اشوفها

7 - راضى عن نفسك؟؟
مش راضى خالص عن نفسى ,, عشان فيا حجات لازم تتغير

8 - لو معاك مليون جنية هتعمل بيهم اية؟؟
هعمل منهم مشروع وامن حياتى وحجات شخصية ما ينفعش اقولها

9 - شفت البنت اللى حبتها فجاة......قولها اربع كلمات بس ..هتقول اية؟
صدقينى انا حبيتك بجد

10 - امتى كان نفسك تقول مفيش فايدة بصوت عالى ؟؟
لو الغلط ما اتصلحش
11 - اخر مرة ضحكت من قلبك بجد كانت امتى؟؟
من قلبى كانت من محمود فى حوار كدة حصل بينى وبينة

12 - النتيجة بتمثلك اية؟؟

فيلم رعب ولازم يتسمع

13 - ملك ظالم ولا مظلوم ؟؟

افضل مظلوم على انى ابقى ظالم

الظلم دة مش بحبه وبحاول كتير انى اتجنب انى اظلم حد

اسألتك حلوة اوى يا فارس

sandy38 كتب:: قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟ اشخبط عليها واكتب تحتها ,, هذا هو حالى

حمامة زاجل استقرت على نافذتك تحمل رسالة من مجهول فمن تتمنى ان تكون...؟؟
حبيبى

ما هو أفضل كتاب قرأته حتى الأن...؟؟

انا الصارحة مش بقرأ كتب بس ممكن احسن كتاب استفدت منه كتاب الترجمة للدكتور احمد عنانى

من هو توأم روحك
صاحبى

مالذي يشعرك بأكثر قدر من الحرج
ان واحدة تحرجنى ,, بس سيبك انا بعرف ارد ,, بس بردوا بأتحرج

ما هي التجربة التي لا تتمنى تكرارها..؟؟
الحب

ماهي التجربه التي تتمنى تكرارها
الشات يرجع تانى

ما هو سبب إختيار هذا الأسم ((ملك روحي)) ؟؟

مين أقرب عضو ليك في المنتدى ؟؟

مين العضو الي حابب تتعرف عليه ؟؟

اية هي اكلتك المفضلة

ما هي حكمتك المفضلة في الحياة ؟؟

ما هي هوايتك المفضلة

كم مرة عملت مشااكل في المدرسة

هل انت كنت مشاغب ام مهذب قول الصراحة؟

هو برجك ؟؟ وهل تؤمن بالأبراج ؟؟ ولماذا ؟؟ فسر لو سمحت

وحلي بدول لغاية بكرة

sandy38 كتب:: ما هو سبب إختيار هذا الأسم ((ملك روحي)) ؟؟
عشان دة اسم حبيبى اللى انا سميتهوله و كنت بنادية بيه

مين أقرب عضو ليك في المنتدى ؟؟

اقرب عضو ليا هنا محمود

مين العضو الي حابب تتعرف عليه ؟؟
اللى حابب اتعرف عليه اكتر زيموا

اية هي اكلتك المفضلة
الكرومب والباشاميل

ما هي حكمتك المفضلة في الحياة ؟؟
كون نفسك

ما هي هوايتك المفضلة

سماع الاغانى الهادية والحزينة

كم مرة عملت مشااكل في المدرسة
هههههههههههههه كتير اوى ,,,, لا بالعكس والله انا كنت ولحد دلوقتى الحمد لله مؤدب فى المدرسة ,,, هيا بس مشكلة مع بنت وخليت الناس تضحك عليها وطلعو عليها اسم صواريخ كمان ...

فاكرها يا محمد انتة ومؤمن هاهاهاهاهاهاههاهاهاها

هل انت كنت مشاغب ام مهذب قول الصراحة؟
لا والله مش بشاغب بس مش بحب الاقى حاجة غلط واقعد ساكت زى الاهبل كدة ,, بتغاظ عشان كدة تلاقينى بشاغب او زى ما انتو بتسموها

هو برجك ؟؟ وهل تؤمن بالأبراج ؟؟ ولماذا ؟؟ فسر لو سمحت

القوس ,,, سعات بس مش كتير ,,, الابراج دة مرتبط بعلم الفلك وعلم الفلك واسع ومحدش قدر يوصل لحقيقة مؤكدة ليه
وحلي بدول لغاية بكرة

هههههههههههههه

ماشى يا عثل ادينى حليت اهه

الناس بطلت تسأل لية انا مستنى اهه ومش بتعب

يااااااااااااااااااه ايه دا كل دا الناس قامو بالواجب

ربنا يعينك

ده انا اتشندلت النهردة وطلع عينين ابويا يا شيخة

انا بعد ما اخلص هكسر الكرسى دة بلا كلام فاضى

يلا معلش كلنا لها
بس لو الكرسي اتكسر هجيب غيره

1- اكتر كلمه ممكن تجرحك ؟
2-لو مكنتش دخلت اداب كان نفسك تتدخل ايه ؟
3-لو حبيبك خانك وانت بتحبه اوي ممكن تسامحه وتصفي ليه ؟
4- بتحكم ع الناس من خلال المظاهر ؟
5- حاجه بتعملها وندمانه انك بتعملها ونفسك مش تعملها بس مش قادر تبطلها ؟
6-اكتر اغنيه بتحب تسمعها ؟
7-انت قولتلي انك بتحب السويس ... فياريت اعرف اكتر اماكن حبتها عندنا وكمان حاجه مش لطيفه شوفتها ؟
8-ممكن ترتبط بواحده اكبر منك ف السن ؟
9-انت مؤمن بمقوله .. الغايه تبرر الوسيله .. ؟؟؟
10- حاجه بتحبها ف الجلمعه حاجه بتكرهها ؟

جاوب دول ع ماافكر ف غيرهم

zamallekawaya 4 ever كتب:: يلا معلش كلنا لها
بس لو الكرسي اتكسر هجيب غيره

1- اكتر كلمه ممكن تجرحك ؟
اكتر حاجة ممكن تجرحنى ,,, لو بحب حد وخايف عليه وهوه ظنة وحش فيا

2-لو مكنتش دخلت اداب كان نفسك تتدخل ايه ؟
كان نفسى ادخل سياحة وفنادق

3-لو حبيبك خانك وانت بتحبه اوي ممكن تسامحه وتصفي ليه ؟
خيانة انا مش بستحملها ومش هقدر اصفى بسهولة مهما حصل

4- بتحكم ع الناس من خلال المظاهر ؟
لا بالعكس انا اكتر حاجة تعجبنى فى الانسان شخصيتة مش مظاهر وبس ,,, لان فى ناس كتير اوى بتلبس هدوم بقا وتتشيك وهيا اصلا من جوه ولا حاجة ,, وبتكون ناس تافهه ..

5- حاجه بتعملها وندمانه انك بتعملها ونفسك مش تعملها بس مش قادر تبطلها ؟
مش هقدر عشان انا قولت هجاوب بصدق

6-اكتر اغنيه بتحب تسمعها ؟
اليومين دول "زعلان" خالد سليم ,," هنساك" عمرو كساب ,,"سعات" حمادة هلال ...

7-انت قولتلي انك بتحب السويس ... فياريت اعرف اكتر اماكن حبتها عندنا وكمان حاجه مش لطيفه شوفتها ؟
انا اكتر اماكن حبيتها هيا النمسا وبورتوفيق والاربعين بردوا ,, بصى تحسى ناسها طيبين اوى وبتاعوت اكل عيش بس عارفه الناس الكبيرة بس ,, ومش بيقطعوا فى بعض فى الرزق دة عن تجربة معاهم فى مرة ,,, بحب منطقة الغريب ,, بحب البحر والهوا ,, بجد والله بلد جميلة يا ريت اسكن فيها وان شاء الله هيحصل دة,,
اللى مش بحبة فيها ,, على الرغم من اهلها كويسين وكدة بس اغلبية شبابها فاقد الوعى ,,, يعنى تحسية كدة تايه وفى طبعا شباب زى الورد فيهم ,,, بس المشكلة هناك لازم يحصل موت اما بقة ضرب بسنجة او ضرب بسكينة ,, خراب خراب يعنى ,, فى بردوا اغلبية البنات اللى هناك متنقبين ,, مش عشان هما مقتنعين بدة ,, لا عشان هما مجبرين على كدة ... وللاسف دة بيجيب عكس ...
الناس هناك لاما متعصبين اوى لدينهم لاما ما فيش اصلا ,,, واكيد انتى فاهمانى ...
بس يا ستى بس بجد امتع بلد رحتها هيا السويس ,,كفاية انتى منها يا عم ولا اية

8-ممكن ترتبط بواحده اكبر منك ف السن ؟
لا ما اظنش خالص كمان

9-انت مؤمن بمقوله .. الغايه تبرر الوسيله .. ؟؟؟
اه ممكن بس مش فى كل الاوقات

10- حاجه بتحبها ف الجامعه حاجه بتكرهها ؟

الحاجة اللى بحبها فى الجامعة انها عرفتنى على ناس وشباب زى الورد محترمين اوى وافتخر انى فى يوم من الايام انى اتعرفت عليهم ,,,, والحاجة اللى بكرها فى الجامعة اللبس الضيق بتاع البنات لان المفروض دى رايحة تتعلم مش رايحة تقابل خطيبها ...

جاوب دول ع ماافكر ف غيرهم ..... فكرى براحتك انا مبسوط من الكرسى دة

يا ريت ما اكونش خبط فى الكلام بس انا جاوبت بمنتهى الصدق والله

-وجه رسالة لشخص لا يعرفه إلا أنت ؟
-شايف ايه اللي يميز منتدانا عن باقي المنتديات?

-شايف ايه ناقص في المنتدي بصراحه?
-لو زهقان و مخنوق بسبب حاجة بتعمل أية و ليه ؟

-وجه الكلمات لأي شخص"بالمنتدى" :

- مثلك نادر الوجود :

- للأسف ماتوقعتها منك :

- أنت غريب الطباع :

- دمك خفيف :

- أنت مبدع :

- الله يحقق اللي في بالك :

- فقدناك :

- يهمني رأيك :

- قلمك رائع:

- انت متميز:

- لك مستقبل :

- الله يهديك :

- الحمدلله على السلامة :

- عايز اتعرف عليك أكثر :

- أنت اللي فاهمني :

- أحبك في الله :

- طيبت قلبك ساحرة :

- يفتخر المكان بأمثالك :

- الله يخليك لنا :

- اتمني رضاك :

- أنت نشيط:

تعجبنى صورتك الشخصية :

لا تعجبنى صورتك الشخصية :

-لمن تهدئ هذه صفات :-

الصدقة:

الوفاء:

العاقل:

محبوب:

الرحمة:

العاطفة:

رومانسي:

أخلاق و أحترام :

الغامض :

مرح:

حب حياة:

مثقاف :

دم خفيف :

أخلاص:

طيبة :

عاشق للمساعدة الناس :

صاحب مكان :

زوق :

- ما هو أكتر قسم مهتم بيه ؟
قسم أول ما تداخل تشوفه ؟

كلاكيت تانى مره

*ايه اللى نفسك تعمله دلوقتى؟

*نفسك تحب تانى ؟

*وهل لو حبيت تانى عايزحبيبتك زى حبيبك الاولانى ؟

*ايه الافلام اللى اتشديت ليها وكنت عايزتعمل زيها؟اوتبقى بطل الفيلم ؟

*لوخيروك بين المال والصديق تختار ايه ؟

*لوحياتك باقى عليها يوم واحد وتنتهى؟نفسك تعمل ايه فى اليوم ده؟

*لوحصلت قدامك حادثه فظيعه ايه اللى فى ايدك تعمله ؟

*لوسمعت ان صديقك بيذمك من وراك اويعنى بيتكلم عليك ؟هتعمل ايه ؟

*ايه اكترحاجه نفسك فيها فى الدنيا دى كلها ؟

*نفسك ترضى مين من بين كل الناس؟

*ايه اللى نفسك تصلحه فى الناس مع ان ده مش معقول ؟

*لوباذن الله اتجوزت انت نفسك يكون اول مولود ليك ايه؟بجد؟

*لوكانت الشركه بتاعت التليفون بتاعك ادتلك يوم ببلاش نفسك تكلم مين فى اليوم ده؟

*ايه اكترمكان حبيته فى الدنيا ؟

*اكترمكان نفسك تروحه ؟

*كان نفسك تكون فى اى جامعه فى مصر؟

فينك يا ملك
انت زهقت ولا اية

zamallekawaya 4 ever كتب:: -وجه رسالة لشخص لا يعرفه إلا أنت ؟
لواحد اتعرفت عليه قريب واتخميت فيه ,, يا ريت تتغير بجد عشان ما حدش يكرهك

-شايف ايه اللي يميز منتدانا عن باقي المنتديات?
ما حاجة غير ان اغلبية الناس او الاعضاء اللى بتدخل بتكون من نفس البلد

-شايف ايه ناقص في المنتدي بصراحه?
ناقص حجات كتير ..
اولا :: الاهمال ... لوحة الشرف اللى مش عارف دى هتتعلق امتى !!!!!!
ثانيا :: فى مواضيع كتيرة اوى مالهاش لازمة وبتقعد بردوا
ثالثا:: شايف ان راى المشرفين ولا ياجى حاجة فى رأى الادارة
رابعا :: فى مواضيع كتيرة لحد دلوقتى ومسابقات لحد دلوقتى انا مش عارف هيعلنوا عن الفايزين امتة وبيقولك الموضوع مقفل ,, يعنى انتة بتضحك على الاعضاء ولا بتضحك على نفسك ..
خامسا ::فى مواضيع كتيرة اوى مهمة ,,بس للاسف مش بتاخد وضعها ,, لية عشان بتبقى طويلة وما حدش بيبقى فايق للقراية ...
سادسا :: حجات كتيرة اوى بس الواحد توى صاحى ومش مركز

-لو زهقان و مخنوق بسبب حاجة بتعمل أية و ليه ؟
بقعد مع نفسى ومش بتستحمل اى حد حتى يمشى جنبى ,,, او بمعنى اصح لو حد جخ نكشنى بأنفجر فيه ,,,, ما اعرفش دى طبيعتى ويا ويلها اللى هتكون من نصيبى ...

-وجه الكلمات لأي شخص"بالمنتدى" :

- مثلك نادر الوجود :
فوكس تيتو

- للأسف ماتوقعتها منك :
كاسبر

- أنت غريب الطباع :
ساندى

- دمك خفيف :
محمود حبيب قلبى

- أنت مبدع :
مش لاقى حد

- الله يحقق اللي في بالك :
زمالكاوية

- فقدناك :
تيتو الغردقة

- يهمني رأيك :
زمالكاوية

- قلمك رائع:
بسنت عمار

- انت متميز:
بسنت عمار

- لك مستقبل :
روءة

- الله يهديك علينا :
ساندى

- الحمدلله على السلامة :
زمالكاوية

- عايز اتعرف عليك أكثر :
اى انسان محترم فى المنتدى

- أنت اللي فاهمني :
محمود

- أحبك في الله :
محمود

- طيبت قلبك ساحرة :
روءة

- يفتخر المكان بأمثالك :
اى انسان كويس ومحترم

- الله يخليك لنا :
الادارة

- اتمني رضاك :
الناس كلها

- أنت نشيط:
ما حدش يزعل مش لاقى

تعجبنى صورتك الشخصية :
عازفة على اوتار الحب

لا تعجبنى صورتك الشخصية :
مش عارف الصراجة

-لمن تهدئ هذه صفات :-

الصدقة: مش عارف

الوفاء: مش لاقى

العاقل: الكينج

محبوب: لواحد صاحبى

الرحمة: لاى انسان

العاطفة: امممممممم والله مالاقى

رومانسي: اه ممكن ايهاب صاحبى

أخلاق و أحترام : ايهاب

الغامض : محمود

مرح: واحد صاحى

حب حياة: مش عارف

مثقف : Bo-Nasr

دم خفيف : زباين بتطلع عينيا

أخلاص: محمود

طيبة : روءة

عاشق للمساعدة الناس : تيتو الغردقة

صاحب مكان : اصحابى

زوق : واحد صاحبى

- ما هو أكتر قسم مهتم بيه ؟ انا بحاول اهتم بالقسم بتاعى ,, بس مش لاقى حد يساعدنى ,, ومش عارف المشرفين اللى فى القسم بيروحوا فين ,,, بجد مش عارف

قسم أول ما تداخل تشوفه ؟
الاشراف عشان لو فى حاجة جديدة

منورانى يا زيموا

حابس نمله ومعذبها كتب:: كلاكيت تانى مره

*ايه اللى نفسك تعمله دلوقتى؟
نفسى اجيب لاب

*نفسك تحب تانى ؟
لا ولا عاوز اشوف الحب دة تانى كفاية كدة ,, لو تعرف قد اية عذابة هتعرف لية رديت كدة,,, مش عذاب الحب لا عذاب الفراق ..

*وهل لو حبيت تانى عايزحبيبتك زى حبيبك الاولانى ؟
اكيد

*ايه الافلام اللى اتشديت ليها وكنت عايزتعمل زيها؟اوتبقى بطل الفيلم ؟
يوووووووووووة كتير اوى منها Titanic < Romeo & Guliet >Romeo Must Die>90دقيقة

*لوخيروك بين المال والصديق تختار ايه ؟
الصديق ,, المال دة ممكن اعملة لكن الصديق عمرى ما هقدر اعوضة

*لوحياتك باقى عليها يوم واحد وتنتهى؟نفسك تعمل ايه فى اليوم ده؟
نفسى ابقى جنب امى وابويا

*لوحصلت قدامك حادثه فظيعه ايه اللى فى ايدك تعمله ؟
اى حاجة اقدر اساعد بيها ,,, لو نقل دم ماشى ,, يعنى اى حاجة

*لوسمعت ان صديقك بيذمك من وراك اويعنى بيتكلم عليك ؟هتعمل ايه ؟
ههدى شوية ,, لو جة وكلمنى وقالى انا قولت فى حقك كذا وكذا وكذا ,,, هسامحة ,, لكن لو ما قلش انا هصفى واروحلة واقولة انتة قولت كذا وكذا فى حقى وانا ما غلطتش فى حقك ..هعاتبة واطلع عينين ابوة يعنى من الاخر

*ايه اكترحاجه نفسك فيها فى الدنيا دى كلها ؟
ابقى انسان ناجح ومحترم من ذاتى

*نفسك ترضى مين من بين كل الناس؟
نفسى ارضى ابويا وامى

*ايه اللى نفسك تصلحه فى الناس مع ان ده مش معقول ؟
هههههههههههههه اى حد غلطان يعترف بغلطة لان دة مش عيب واللى عيب انك تتمادى فيه ومنهم انا .

*لوباذن الله اتجوزت انت نفسك يكون اول مولود ليك ايه؟بجد؟
والله اى حاجة ,, انا بموت فى الاطفال بنت ولد اى حاجة ,, يعنى ولد يطلع عينيا ولا بنوتة كدة شقية وحلوة ...!!!!!!!!

*لوكانت الشركه بتاعت التليفون بتاعك ادتلك يوم ببلاش نفسك تكلم مين فى اليوم ده؟
اكلم مصر كلها مش ببلاش يا حج

*ايه اكترمكان حبيته فى الدنيا ؟
السويس

*اكترمكان نفسك تروحه ؟
السويس

*كان نفسك تكون فى اى جامعه فى مصر؟
فى عين شمس

سيبك انتة والله منورنى

كلاكيت تالت مره :::

*انت كان امنيت حياته انك تدخل كليه ايه ؟

*وليه فكرت فيها ؟وليه كمان كان نفسك تخشها؟

*ايه اللى مش عاجبك فى نظام كليتك ؟

*اكل البيت تحبه اكترولا اكل بره؟

*بتحب الاماكن الهاديه ؟وليه ؟

*وايه اللى بيعجبك فى الاغانى الحزينه ؟بس هى روعه؟

*ايــــــــــــــه رايك فيا ؟هل انا عصبى اويعنى بدايق حدمنى؟

*وايه رايك فى المنتدى دلوقتى ؟

*هل كان الاول احسن ولا دلوقتى ؟

*ايه الحاجه اللى نفسك تعملها ومكسوف ؟ليقولوا الناس عليك اهب.....؟

*هل نفسك تتعرف على اعضاء المنتدى كلهم ؟

*مين اللى حاسه خنيق غير مانش.......سورى ؟

*ومين اللى حسه مرحه كدا وبيحب يهزر؟

*ومين اللى حاسه متكبر ؟واللى متواضع فى نفس الوقت؟

*ايه اللى نفسك تكون عليه نظام كليتك ؟

*اذا اخدت توكيل الجامعه اعمل ما بدالك فيها ايه احسن حجات تعلمها فيها؟

وكفايه عليك كدا عشان شكلك اتخنقت منى

حابس نمله ومعذبها كتب:: كلاكيت تالت مره :::

*انت كان امنيت حياته انك تدخل كليه ايه ؟

سياحة وفنادق

*وليه فكرت فيها ؟وليه كمان كان نفسك تخشها؟
عشان افتكرت ان السياحة شغلها حلو وفية فلوس وكدة بس اتضحلى ان فلوسها مش بتقعد

*ايه اللى مش عاجبك فى نظام كليتك ؟
مش عارف ,, فى دكاترة كتيرة اوى مش بتحب بعض وبتهاجم بعض كمان ودة مش حلو

*اكل البيت تحبه اكترولا اكل بره؟
اكل البيت طبعا

*بتحب الاماكن الهاديه ؟وليه ؟
اكيد طبعا بحبها ,, انا تلاقينى رطاط اوى ,, بس بحب الهدوء

*وايه اللى بيعجبك فى الاغانى الحزينه ؟بس هى روعه؟
بتوصف حالى ,, اكيد روعة طبعا ,, وتحسسك ان فى ناس تانى غيرك مجروحة

*ايــــــــــــــه رايك فيا ؟هل انا عصبى اويعنى بدايق حدمنى؟
يووووووووووووة ,, انتة مش بيعجبك العجب يا راجل ,, س واد رجيل يا عم وعسولة ,,, انتة لما تضايق بتقعد ..... تيت ,, ها فاهمنى طبعا

*وايه رايك فى المنتدى دلوقتى ؟
مش حلو وممل اوى

*هل كان الاول احسن ولا دلوقتى ؟
لما كان فى الشات ,, عمل فيه روح حلوة ,, وحتى من غير الشات بردوا ممل

*ايه الحاجه اللى نفسك تعملها ومكسوف ؟ليقولوا الناس عليك اهب.....؟
هههههههههههه نفسى اتعلم السباحة

*هل نفسك تتعرف على اعضاء المنتدى كلهم ؟
يا ريت ابقى مبسوط ,, بس الناس الكويسة بس

*مين اللى حاسه خنيق غير مانش.......سورى ؟
ههههههههههههه بلاش لا حد يزعل

*ومين اللى حسه مرحه كدا وبيحب يهزر؟
محمود

*ومين اللى حاسه متكبر ؟واللى متواضع فى نفس الوقت؟
زمالكاوية

*ايه اللى نفسك تكون عليه نظام كليتك ؟
الدكاترة توصلنا المعلومة ,,, وتفهمنا ازاى توصلهالنا

*اذا اخدت توكيل الجامعه اعمل ما بدالك فيها ايه احسن حجات تعلمها فيها؟
اغير من شكل الكلية الممل ,,, يبقى فى مسابقات بين الطلبة ,, اخلى الناس بدل ما هيا بتاجى الجامعة عشان تقعد على الكافيتاريا ,, اخليهم ياجوا عشان يتعلموا ,, احبب الناس فى المواد ,,, ما اعقدش الطلبة بكلام فاضى ولا فايدة منه ,, حجات كتيرة اوى ,, بس انتة مسكهانى هههههههه

وكفايه عليك كدا عشان شكلك اتخنقت منى

ولا اتخنقت ولا حاجة يا باشا انا قاعد على الكرسى وطلع عينين ابويا بس ما يهمش

ايه الغلطة الى عملتها ومش مسامح نفسك عليها حتى الان؟؟؟

مين احسن صديق ليك ؟؟؟

مين اقوى فى نظرك البنت ام الولد ؟؟؟

العدوان الاسرائيلى فى نظرك متى ينتهى ؟؟؟

ماذا يمثل لك المنتدى واعضاه ؟؟؟؟؟

تفضل البنت ام الولد للصداقة ؟؟؟؟؟؟؟

ما رايك فى صداقة النت وحب النت ؟؟؟؟؟؟

شخصيتك عنوانها 3 حاجات ايه هما ؟؟؟؟

تابعت مسلسل ايه فى رمضان ؟؟؟؟؟؟
وللاسئلة بقية

sandy38 كتب:: ايه الغلطة الى عملتها ومش مسامح نفسك عليها حتى الان؟؟؟
انى جربت الحب عشان فراقه

مين احسن صديق ليك ؟؟؟
اصحابى كلهم بحبهم معزة واحدة فى منهم القريب منى اوى ومش هقدر اقول عشان الباقى ما يزعلش منى

مين اقوى فى نظرك البنت ام الولد ؟؟؟
الولد

العدوان الاسرائيلى فى نظرك متى ينتهى ؟؟؟
لما حد يدلق مايه على العرب ويصحوا

ماذا يمثل لك المنتدى واعضاه ؟؟؟؟؟
بيتى التانى ,, بس البيت دة لو ما بقاش كويس مش هبيت تانى ..

تفضل البنت ام الولد للصداقة ؟؟؟؟؟؟؟
الولد اكيد

ما رايك فى صداقة النت وحب النت ؟؟؟؟؟؟
فاشلة 100%

شخصيتك عنوانها 3 حاجات ايه هما ؟؟؟؟
مجرد انسان عادى ......... شوفتى الجملة دى فظيعة صح

تابعت مسلسل ايه فى رمضان ؟؟؟؟؟؟
مسلسل الادهم ,,, الرحايا ....

وللاسئلة بقية

اسألتك جميلة ,, عاوز من دة تانى

عضو نفسك تشوفه فى الحقيقة؟

عضو مميز فى ردوده وكتاباته؟

_عضو ذكى؟

عضو اخد الاشراف ولم يستحقه؟

موضوع اثر فيك؟

- موضوع دخلت شوفته اكتر من مرة ؟

- موضوع عجبك ؟

- موضوع دايقك ؟

- موضوع استفذك ؟

- مين اصدقائك فى المنتدى ؟ ومين اقربهم ليك ؟؟

- عضو بتحبه ؟؟؟

- عضو كرهته؟؟؟

- عضو تحب تتدخل موضوعه لمجرد اسمه موجود تحت الموضوع ؟؟؟؟

- عضو عملت معاه مشكلة ؟؟؟

- عضو احرجك ؟؟؟؟

- عضو تفرح لما يرد على موضع ليك ؟؟؟؟

- اجمل توقيع ؟؟ لمين ؟؟

اجمل صورة فى التوقيع ؟؟

القسم اللى بتفضله فى المنتدى ؟؟؟؟ وليه

مين اول شخص قابلته فى المنتدى

عضو لم يصبح مشرف ويستحق الاشراف؟

ايه اكتر موقف محرج وقعت فيه و كان نفسك تقتل نفسك

ايه هى الصفه التي تعتبر عائق بينك وبين الشريك أو الحبيب

لو حصل نزاع بينك وبين الحبيب هل ستبادر بالصلح حتى ولو كنت مخطئ ولا

امتى بتحس انك اتظلمتى؟؟؟

يلا سلك بدول لغاية ما يجي الفرج
هههههههههههههه

sandy38 كتب:: عضو نفسك تشوفه فى الحقيقة؟
انتى وزيموا

عضو مميز فى ردوده وكتاباته؟
بسنت عمار ,, بيعجبنى اوى ردها فى اى موضوع

_عضو ذكى؟
مش عارف

عضو اخد الاشراف ولم يستحقه؟
عشان محدش يزعل منى

موضوع اثر فيك؟
اى الم مش سهل يروح عندى

- موضوع دخلت شوفته اكتر من مرة ؟
اى موضوع ليا بحب اقراه مرة واتنين وتلاتة

- موضوع عجبك ؟
موضوع الادمن بتاع ملف شخصى لكل المشرفين

- موضوع دايقك ؟
مواضيع اللى بتحصل اليومين دول فى المنتدى

- موضوع استفذك ؟
ان يتقفل موضوع من غير اى سبب مقنع

- مين اصدقائك فى المنتدى ؟ ومين اقربهم ليك ؟؟
Lonley Mody 4 Ever ,, محمود ,, حابس نملة ومعذبها ,,Brave Heart ,, مؤمن 2010 ,, محمد صم ون ,, وناس تانية كتير عذرا لو نسيت حد

- عضو بتحبه ؟؟؟
محمود

- عضو كرهته؟؟؟
بلاش

- عضو تحب تتدخل موضوعه لمجرد اسمه موجود تحت الموضوع ؟؟؟؟
اى موضوع حلو ببدى رأيى فية بصراحة واللى مش بيعجبنى بدخل ومش برد

- عضو عملت معاه مشكلة ؟؟؟
هههههههههههه
كتير منهم انتى وزيموا والعسيلى وناس تانية كتير

- عضو احرجك ؟؟؟؟
انتى

- عضو تفرح لما يرد على موضع ليك ؟؟؟؟
اى حد بحبة

- اجمل توقيع ؟؟ لمين ؟؟
اى توقيع twilight

اجمل صورة فى التوقيع ؟؟
:: Lonely Moody 4 Ever ::

القسم اللى بتفضله فى المنتدى ؟؟؟؟ وليه
المدرج العام ,, فى مواضيع حلوة

مين اول شخص قابلته فى المنتدى
Mr magic

عضو لم يصبح مشرف ويستحق الاشراف؟
:: Lonely Mody 4 Ever ::
ومش تثبيت او عشان هوة صاحبى بالعكس ,, محمد بجد لو مسك الاشراف فى اى قسم بجد هتشوفو الشغل اللى فى المنتدى ولو ما حصلش حاجة جديدة او ما عملش حاجة جديدة فى مدة اسبوع بس ,, انا هتنازل عن الاشراف ومش هبقى مستحقة ...

ايه اكتر موقف محرج وقعت فيه و كان نفسك تقتل نفسك
انى اصغر فى عين اى حد بحبة وبعزة

ايه هى الصفه التي تعتبر عائق بينك وبين الشريك أو الحبيب
الصراحة مش عارف

لو حصل نزاع بينك وبين الحبيب هل ستبادر بالصلح حتى ولو كنت مخطئ ولا
انا اللى هتأسف ليها عشان دى حبيبتى ومهما كان ,,, حتى لو انا مش مخطئ ... دى حبيبتى انتى عارفة يعنى اية حبيبتى ,,, بس بعد ما نصفى كدة ههزأها واطلع عينين اللى جابوها عشان ما تعملش كدة تانى

امتى بتحس انك اتظلمتى؟؟؟
لما يكون حد بحبة او بعزة ويظن ظن سوء

يلا سلك بدول لغاية ما يجي الفرج
هههههههههههههه

ههههههههههههه

الاسئلة والله عسل يا ساندى مستنى كتير على فكرة

لما بتبقى متضايق مين أول شخص بتترمى فى حضنه علشان تشكى همومك

ايه أكتر أكله بتحبــها ؟؟؟؟؟ و ايه أكتر أكله بتكرهــها

لو بكره عيد ميلادك .... ايه الهديه اللى تبقى مبسوووووووط لو جيت فى وسط الهدايا أكتر من غيرها ؟؟؟؟؟

جملة تبتسم لها و لو كنت تبكي؟؟؟ ما هي ؟

ما هي السعاده من وجهة نظرك ؟ ومتى تكون سعيد

لو معاك انك تهدى 5 وردات ل 5 أشخاص فى المنتدى
ياترى هما مين ؟؟؟؟؟

بتشرب سجاير ولا لأ؟؟

لو خانك صديق بتعمل معاه ايه ؟؟؟ وازاى بيكون تصرفك ناحيته ؟؟؟؟

اظرف موقف من صديق ؟؟؟؟

اوحش موقف من صديق ؟؟؟

موقف ظريف واخر محرج عملته مع صديقك ؟؟

لو صديق فى محنة وحلها بيتعارض مع مصلحتك بتتصرف ازاى

ايه اجمل ضحكة كانت من قلبك ؟؟؟

وامتى ضحكت وبكيت فى نفس ذات الوقت ؟؟؟ امتى وليه وعشان ايه ؟؟؟

كلمات وردود

خسارة :

ندم :

وحشتنى :

عطف :

حنين :

كره:

اتمناك :

محتاجلك:

ضعيف :

من االشخص الذي تلجأ االيه في وقت الضيق؟

ايه هي مميزاتك ؟ ايه هي عيوبك ؟

اجمل نكتة سمعتها وضحكتك من قلبك ؟

وللاسئلة بقية باذن الله

sandy38 كتب:: لما بتبقى متضايق مين أول شخص بتترمى فى حضنه علشان تشكى همومك

فضل اكون مع نفسى احسن ,, عشان مش بستحمل حد سعتها

ايه أكتر أكله بتحبــها ؟؟؟؟؟ و ايه أكتر أكله بتكرهــها
انا بحب الكرومب وبحب الباشاميل والاكلة اللى مش بحبها اممممم مش عارف

لو بكره عيد ميلادك .... ايه الهديه اللى تبقى مبسوووووووط لو جيت فى وسط الهدايا أكتر من غيرها ؟؟؟؟؟
وردة رقيقة

جملة تبتسم لها و لو كنت تبكي؟؟؟ ما هي ؟
اديك متر زغازيغ

ما هي السعاده من وجهة نظرك ؟ ومتى تكون سعيد
صعبة تتحق ,,, اكون سعيد لما ببقى راضى ربنا سبحانه وتعالى وحاسس من جوايا انى مبسوط

لو معاك انك تهدى 5 وردات ل 5 أشخاص فى المنتدى
ياترى هما مين ؟؟؟؟؟

عصفورة الجنة
عازفة على اوتار الحب
محمود
:: Lonely Mody 4 Ever ::
Brave Heart

بتشرب سجاير ولا لأ؟؟

لا يا عم سجاير اية ,, فلوسها الس بيها احسن

لو خانك صديق بتعمل معاه ايه ؟؟؟ وازاى بيكون تصرفك ناحيته ؟؟؟؟
بسيبة لحد ما يجى هوة ويعتذر لكن لو صدر الطرشة ,,, بروحلة وانفجر فيه
ممكن اسامحة وممكن لا ,, نفسى مش بتبقى قابلاه

اظرف موقف من صديق ؟؟؟؟
فى مرة صاحبى بعتنى ,,, كنت ماشى كدة انا وهوة وفجأة جه بيقولى ان فى واحدة فى الدفعة بتنادى وتقولك يا اسماعيل وانتة ما سمعتهاش ,, روحت رجعتلها بقولها نعم ,,, وهيا نظرتها استغراب وبتقول فى نفسها مالوا دة ,,, هاهاهاهاهاهاهاها

اوحش موقف من صديق ؟؟؟
لو باعنى فى موقف محتاجة فيه

موقف ظريف واخر محرج عملته مع صديقك ؟؟
الموقف اللى ظريف انى بعت واحد صاحبى وقلدت صوت بنت ,,, وخليتة اتثبت تثبيتة بنت اية ...
ومحرج مش فاكر والله

لو صديق فى محنة وحلها بيتعارض مع مصلحتك بتتصرف ازاى
مشكلة صاحبى هيا مشكلتى ومش هقولك انى افضلة هوة على نفسى بس دة صاحبى يعنى انا

ايه اجمل ضحكة كانت من قلبك ؟؟؟
مش فاكر بصراحة والله ,,, بس لما بيكون فى زبون غبى بضحك ومش بقدر امسك نفسى قدامة

وامتى ضحكت وبكيت فى نفس ذات الوقت ؟؟؟ امتى وليه وعشان ايه ؟؟؟
فى نفس ذات الوقت !! سؤال عجيب والله ههههههههه
لا انا لما ببكى صعب اضحك

كلمات وردود

خسارة : اى واحد مش بيعرف حقيقتى

ندم : كتير اوى ومش فاكر

وحشتنى : حبيبى

عطف : امى

حنين : امى

كره: ممكن يكون غيظ بس مش توصل لكره

اتمناك : حبيبى

محتاجلك: حبيبى

ضعيف : يا رب قوينى

من االشخص الذي تلجأ االيه في وقت الضيق؟
ببقى مخنوق بجد وكان اول حد بحب يعرف انى مضايق او مخنوق كانت حبيبتى وكنت لازم اقولها ,, سعتها بجد كنت برتاح

ايه هي مميزاتك ؟ ايه هي عيوبك ؟
مميزاتى :: انسان
عيوبى :: ممكن انخدع فى حد بسهولة بس بعلم عليه
بزعل من اقل حاجة ,, حتى لو اللى قدامى ما قصدش او دة طريقة كلامة وعادى يعنى
وعيوب تانى كتيررررررررررررررر

اجمل نكتة سمعتها وضحكتك من قلبك ؟
بتاعت الصعيدى اللى زور الفلوس
وللاسئلة بقية باذن الله

ياباشا ادينى اهه مستنى باقى الاسئلة