على سلامه ومعرفش ليه

معرفش ليه تنحت للدنيا كده
وفجأه لقتنى مسكون بالملل
لا عندى رغبه فى البكا
ولا فى الكلام ولا عايز انام
ولا حتى بسال ايه دا ايه
واخرتها ايه وايه العمل
حاله كده واخاف اقول لاى حد
لاحسن يقوم يقلبها جد
حد صاحبى ينزعج
يمد ايده جوا قلبه من باب الكرم
علشان يشاركنى الالم
او يستلفلى من لئيم حبة امل
حاله كده حاله كدا معرفش ليه
ساعات تزورنى فى الشتا
فى الربيع وفى الحر وفى عز الشتا
وتجيب حاجات لا فيها روح ولا ميته
حاله كدا لا معاها ينفع كلمتين ولا غنوتين
ولا لقطه من البوم صور
الاقى قلبى فى الهوا ويا الكور
واخاف اقول لاى حد
لاحسن يقوم يقلبها جد حاله كدا معرفش ليه
لكنى برجع منها بعد السكات
فاكر شويه فاهم شويه فى اللى فات
حاسس اوى بحضن الصحاب
محظوظ انا ساعات بشاور ينفتحلى الف بااب
لكنى برجع وبغلط فى الحساب
ومعرفش ليه تنحت للدنيا كدا