تفكير شباب وبنات تربيه رياضيه الغريب !!!!!!!!

بسم الله الرحمن الرحيم :-


انا هتكلم بجد يا كباتن واسف جدا لو قولت حاجه زعلت حد لاكن انا كل قصدى فى الموضوع ده هو(مقارنه معامله البنات والشباب لبعض فى تربيه رياضيه/بالكليات الاخرى)
انا عارف ياكباتن ان احنا صعايده وجامعتنا صعيديه جدا جدا!! لاكن مفروض تكون المعامله بين الشباب والبنات فى الكليه متمدنه شويه*حتى نحاول نقلد كليات بحرى ونتعلم منهم كيفيه التعامل والاستفاده معا.
مثلا؛لو شاب حاول يوقف زميله معاه فى الكليه عشان ياخد منها محاضره او يسالها عن مكان محاضره.الرد التقليدى؛معرفش.ده لو ردت عليه اصلا.وتفضل بقى طول الليل تفكر ليه سالنى انا بالذات وممكن ماتنمش كمان وتفكر ازاى تبعده عنها عشان فلان مايخدش فكره غلط عنهم.
وانا كده مش بلوم البنات بس/بل الولاد مشاركه فى المعامله دى*لان لو اى بنت وقفت ولد فى الدفعه (مش هينام بالليل) وده بصراحه هيعيش بقى فى الاحلام وانها خلاص هو الوحيد اللى بتكلمه في الدفعه.
ده بالاضافه لحجات كتير طبعا وشغل المدرسه ده مش قادرين ينسوه.
انا عارف ان فى ناس هتتخنق منى كالعاده.وعلى فكره انا مش عارف ايه السبب اللى خلى الدفعه تقول عنى مغرور.انا يمكن اكون مكلمتش اى بنت فى الدفعه بس ده عشان انا واثق انها هتكسفنى وليه هتقولك شمع انا بالذات.
واخيرا انا اسف على صراحتى ولاكن انا اتخنقت البنات فى ناحيه والولاد فى ناحيه واكننا اعداء.
انا نفسى الدفعه تعرف انى مش مغرور وتعرف انى عمرى ماهكسف ولد او بنت اذا احتاجلى ولا كن انا بحب اقعد فى حالى بس مش مغرور.
ارجو الرد من دفعه اولى.
(فتحى)toty
lovely boy

طيب ياباشا اولا الكلام دا اللى معاليك بتقوله مش صحيح ومين قال كده لاننا والحمد لله كليه ميت فل والحمد لله بس تلاقيك انت اللى مقضيها نكد واهو انا دفعتى دفعه تانيه تماس على طول انت بس المر ه الجايه ابقى شوت كويس وهى هتضرب فى العرضه على طول واحب أفكرك
ما تتكلمشى بصراحه قوى كده
والمواضيع دى ما تنفعشى كده تتقال وتتكتب فى المنتدى
يعنى موضوع زى دا كان عايز تقوله لواحد أكبر منك دا على أساس انك فى اولى على حد علمى
واهو ربنا يوفقك دايما يا رب على طول
واى استفسار انا تحت امر وخدمه سعاده معالى الباشا حضرتكم
واهو انت كويس انك بتتكلم
وللمتابعه يا باشا اتبع الرابط دا
www.alltime4htm.blogspot.com
أو الميل دا
tabarak_ahlamy@yahoo.com
وعلى فكره اسم الميل زى اسم المدونه بتاعتى او الرابط اللى فوق يعنى


هاااا
منتظرك

سلاااااااحف

واضح ان مش البنات بس
لا كمان الصبيان عايزين يغيروا تفكيرهم كمان

يا جماعه يعنى هو الاحترام وحش


اهم حاجه ميبقاش فى تناكه من البنات

لكن يا ريت البنات كلها تكون محترمه ومتكلمشى الاولاد

وجامعات بحرى مش مميزه علشان كده

لكن انت يا عم فتحى شكلك عاوز تعمل دعايه ان انت مش هتكسف حد


ويا عم الله يسهلك

مشكور لرئيك لفلى بوى بس الجامعة فيها قيود بعض الشيْ بس مش كل الحاجات اللى فى جامعات بحرى كويسة احنا من بحرى وبنشوف اللى انت فية دة نعمة مش فى اى جامعة تانية بس دا ما يمنعش ان كلة يتعامل مع بعضة كزملاء عادى جدا

ربنا يكملك بعقلك يا بنتى

مريض مين يا عم صلى على النبى

مريض مين


هو الاحترام ميعجبشى يعنى


ويا ريت كل واحد يحط اخته فى الوضع المقابل ويتصرف على هذا الاساس


وفعلا انت غلطان ان انت عرضت الموضوع ده

على فكرة دة مش موضوع يتعرض للمناقشة وعيب بجد وعندك حق مانشستر انت وبيرو وربنا يكملكم بيعقلكم يا رب وانا اقول القسم بتاعنا مفيهوش كدة ليه غير باقى الاقسام طبعا لاننا فى قسمنا بنخاف على بعضا طبعا

طبعا يا روبا

الاحترام حلو

واحنا كلنا اخوات

ويا رب يديم المعروف

صح مانشستر واللة قسمنا الوحيد اللى فى كله محترم وبعدين البنت الكائن الوحيد اللى لازم تكون بتتكسف يا اما تكون ماعندهاش دم حتى لو كانت تعرف حد بردوا عيب الا فى حدود طلب منها حاجة او هى مستجدعها وبردوا كلنا والله كلنا احباب فى الله واخوات كمان

الكل فهم موضوعى انه عدم احترام.
هى الزماله الطاهره بقيت كده.
انا اسف انى مقدرتش اوصل وجهت نظرى اللى اقصدها.
القصد هو:
( المعاونه)
شكرا.واسف على مشاركتى الغير محبوبه.
اللى يفهم غير التعاون يبفى مريض لان مش لازم الاختلاط يبقى بالحب.التعاون على التقدم
(عندما تنام كل العيون تظل عين الحب وحدها ساهره)
)lovely boy(

مصمم ان اللى يفهمك غلط يبقى مريض ليه مش العكس

وعلى العموم الله يسهله

ويا روبا ربنا يكملك بعقلك مش عارفين من غيرك الكليه كانت مشيت ازاى

مرسى والله على المجامله دى مانشستر دة بس عشان انت محترم وكل زملائك زيك طبعا بالنسبة لحاجة اوجها لبيسو مش كل البنات بتفكر بالطريقة اللى بتقول عليها ان البنت بتقلب الصداقة لحب لا طبعا انا معاك انى فى كدة بس ربنا يهديهم

وصلت الرساله يا روبا يا اروبه


وعلى العموم ربنا يكملك بعقلك

عندك حق وبالتوفيق للجميع

السلام عليكم ورحمة الله وبركاته ....
مع احترامى ليك ياأخ فتحى ومع احترامى لكل الاعضاء بس انت بتقول فى مشاركتك انا مكلمتش اى بنت فعلى اى اساس انت عملت نظريتك دى على فكره بنات كليتنا كلية التربيه الرياضيه من احسن البنات فى الجامعه ككل فمتجيش انت تقول عليهم كده العيب فيك انت مش فيهم ومعلش لو كنت تعديت حدودى دى بس وجهة نظر ....شكرا

ممكن بردو

هاقولكووو كلام اهو من الاخر او بمعنى أصح كلام كلام انا شايفه انه هو الللى مفروض انه يتقا ل

كفايه بقى موضوع بنات وأولاد واللخبطيشن دا بقى احنا ايه احنا نسينا الاسلام بيقولنا ايه وربنا وربنا تانى مره كلنا عارفين انه موضوع انك تكلم بنت او بنت تكلم ولد من الاساس حرام
وربنا وربنا تانى مره حرام وما تحاولوش تقنعونى ابدا ابدا
مهما يكون ومهما يحصل
سيدنا محمد قال وكلنا طبعا لازم نؤمن ونصدق كلامه وإلا بقى نبقى ........... انتوا عارفين نبقى ايه
قال ما اجتمع رجل وأمرأه الا وكان الشيطان ثالثهما
طيب ونتوا بقى عارفين سيدنا الشيطان بيعمل ايه اذا كان هو بيولع فى الميه من غير حتى عوده كبريت واحده

وفى حاجه تانيه اللى شايف اى حاجه صح ما بيخفشى من الناس لكن انت وبتكلم اى بنت او ماشى معاها طالما بتخاف او بتنكسف او بتنحرج من الناس يبقى الموضوع دا من الاساس خطأ وحرااااام
وما تحاولوش تقعنونى وتقولوا صداقه ومش عارف
لانه بالبساطه كده ما حدش يرضه اخته تعمل كده ابدا اذا كان الواحد بيغير على اخته لما بتكلم خطيبها فى التليفون
صدقونى
دا رأى اللى من قلبى حقيقى
واللى كان فى الاول دا كلام شيطان
ربما اصحابى فعلا الى الان بيقولولى ياشيطان لكن اهو اعمل ايه لقب وأطلق عليا

انا قولت اللى كان قلبى نفسه يقولواااااااااا
والباقى عليكواااااااااا
وعلى ربنا



يا خوفى من بكره لما يجى هيبقى ايه

بسم الله الرحمن الرحيم
الف شكر على مشاركتك ياmanchester والف شكر لك ياalltime وعلى فكره انت فى كليه التربيه الرياضيه كمان وشكلك كده اكبر مننا كلنا يعنى منكم نستفاد وكل كلامك صح والله بس كام واحد مطبق الكلام ده كله عارفه بس مين مطبقه واتمنى نتعرف على بعض مادمنا فى كليه واحده على فكره انا فى دفع اولى واسمى محمد عاطف شعبه 5 .....شكرا

أنا اللى اشكرك ( شكرا أخر حاجه ) بس الشكر الاول علشان انت شاركت فى المنتدى وفى القسم بتاعنا بتاع تربية رياضية لانى انا فى اول كلام كتبته هنا قولت انى ان شاء الله هاخلى القسم دا ينور المنتدى بالكامل وبما انك بتكتب اهو يبقى فى مشاركات واتمنى المزيد منك يا رب انا بأحاول على ما اقدر اكتب واتكلم فى القسم بتاعنا علشان نفيد ونستفيد من بعض وبينى وبينك كمظهر برضه كمظهر يعنى انه اهو القسم فيه مشاركات وفيه وفيه

لانه وللأسف اغلبيه الناس وخاصه زملائنا فى باقى الكليات واخدين فكره غلط قوى عننا وعن تربية رياضية عموما


والاهم بقى رأى فى الموضوع اللى فتحه زميلنا العزيز الحمد لله انا قولته او قلبى قاله وخلاص

ربنا يوفقك ويوفقنا جميعا يا رب دايما



من النهارده أنا شخص تانى هتعرفوه لا هتقدروا تبيعوا فيه ولا تشتروه وان كان على طيبه زمان دا كان زمان وانسوه والنبى والنبى انسوه

عندكم حق يا شباب وربنا يهدى الجميع

انا بشكر كل من شاركنى رايه*
واعتزر لوكان الموضوع طرح عليكم بصراحه زياده عن الزوم او فهم من ناحيه وترك من ناحيه اخرى/
وتوقعو منى العديد من المواضيع العاطفيه

شكرا لمن جرحنى لانه جعلنى ارى الدنيا بعين الواقع


lovely boy

يا اخوانا الراجل مش غلطان احنا المفروض نتمدن شوية ونفكر صح انا مش بقول ان احنا ننطلق بشكل مبالغ فيه بس المفروض اننا زملاء ف الجامعة قبل الكلية و المفروض نساعد بعض ونتعلم ان مش اي ولد وبنت واقفين مع بعض يبقى فيه بينهم حاجة


ودة رأيي المتواضع
rossoneriboy