وداعا الانتساب....

وداعا الانتساب .....انا قبل ان اتكلم اود ان اقول انى انتساب او من ضحايا الانتساب حتى لا يقول احد انى اشمت او استهزأ ....اننى اليوم لم اجئ لاقول (يا انتساب احنا لازم ندخل و على جثتنا) او اقولكم (يا طلاب الانتساب اتحدوا) لانه خلاص ليس له فايدة الكلام ده لاننا لم ندخل الجامعة مرة ثانية خلاص خلصت شطبنا....نحن قضى علينا وهدر حقنا واصبحنا فى تعداد المفقودين داخل الجامعة الموجودين خارجها بلا هاوية ....نحن اصبحنا طلاب موقوفون عن العمل الى اجل غير معروف وبذنب غير مألوف ،طالب الانتساب الموجه اصبح ليس له حق دخول الجامعة مثله مثل اى شخص ليس لديه مؤهل لدخول الجامعات ،اننى اقصد بالانتساب الموجه ذلك الطالب والطالبة و الخريجين من الثانوى العام الذين لم يوافقهم الحظ فى اجتياز خمس او ثلاث درجات او ربما نصف درجة فى المئة حتى يكونوا من ذوات الانتظام ذلك النظام الذى لا اعرف له ميزة للطالب غير انه يوفر له المسكن ويدعم له مصاريف الدراسة انظروا اليوم ..اليوم انقلبت الموازين واصبحنا وكاننا غير ملزمون من احد وحقنا غير مسئول عنه احد، ما ذنب طالب الانتساب الموجه الذى اختار المسافة القريبة والكلية المناسبة بمجموعه الذى عانه فيه هو واهله فى الثانوية العامة اليس من حقه كخريج ثانوى عام ان يصبح طالب جامعى محترم ، طالب الانتظام له الاولوية فى التعليم قبل اى احد حتى قبل زميله الانتساب الذى لا يفرق عنه سوى فى درجات هزيلة ،اتضح ان طالب الانتساب مثل طوق النجاة وهو اول ما يرمى فى حالة الطوارئ لينقذ به ركاب السفينة وهم طلبة الانتظام.... ويا ويلتاه ، اصبح عدم دخولنا الجامعة بسبب انفلونزا الخنازير اليوم سبب غير كفيل بان يبرهن عدم دخولنا فى المستقبل القريب والبعيد وذلك بعد ان كشفت وزارة التعليم العالى عن نواياها فى الغاء نظام الانتساب بدء من العام القادم ، اعتقد باننا اصبحنا فى منتصف طريق مجهول النهاية وصعب ان نجد له بداية ، واننا على امل ان نعود مرة ثانية للجامعات وان يعود لنا اعتبارنا ومكاننا الذى بات غير محفوظ ...................والله المستعان

يامحمدالكلام اللى قولتوا ده كله صح
واحنا جامعتنا زى ماتقول كدا(تصدق ماتلقاها) يعنى احنا ايه زنبا اننا ما نحضرش وما نخدش حقنا فى المحاضرات والسكاشن زى الانتظام
بس هما اول ما قالولك فى انفلونزا امنعوا الانتساب منعوه على طول مع ان كل طلبه الجامعه الاخرى خدت حقها وبتحضر عادى عشان واقفين ايد واحده مع بعض وقفوا وقالوا احنا لينا الحق اننا نحضر ولينا الحق ان احنا ندخل مش واحدعلى البوابه يقولك انت انتساب ماتدخلش وانت طالب جامعى محترم يعنى تعمل ايه وايه منظرك
بس ربنا يسهل ويعدى السنه دى على خير وعلى اللى ما بيحضرش
واللى ما بيقدرش يدخل بس انا الحمدلله يدخل
بس اهى سنه تعدى وهترجع الميه لمجريها عادى
هتبقى بعد كدا عادى وما فيش مشكله ان الانتساب يدخل من السنه الجايه بعون الله
وتقبل مرورى
وموضوع جميل لابداء اراء الناس

انشاء الله السنة دى تعدى على خير والسنة الجاية تكون احسن ......شكرا على المرور

ياجماعه انا فى الاول باشكر محمد اوى وكمان انا مش بحب اتكلم كتير
اناعاوز اقول حاجه وحده بس لازم نتحرك عشان احنا كدا بنكتب احنا وقعدين كدا وسكتين لالالالالالا لازم نتحرك وشكرا

خلاص نتحرك

ربنا يعينكم وتقدور تغيروا او تعملوا حاجه
وميرسي لصاحب الموضوع

يا ربيع قولتلك مفيش حاجة نقدر نعملها خلينا واقعيين ....فى حجات هتصدفنا فى الدنيا كدة منقدرش نغيرها نقف نتفرج يعنى الاولى نتحرك نحرر الاقصى ولا نتحرك نحل مشكلة الانتساب ......لو كان العرب اتحركوا وحرروا الاقصى كنت هتلاقينا احنا اتحركنا كمان وحلينا مشكلتنا ..........................وشكرا للمرور

ميرسى ليكى يا زملكاوية ...........بس لا اظن ان القسم ده مناسب لهذا الموضوع لان الموضوع بتكلم عن مشكلة عامة فى جميع الجامعات وهى تخص الطلبة ولا تخص الجامعة فقط .....ياريت الموضوع يرجع المدرج العام

[

اكيد هيرجعوا النظام زى الاول
لانى حتى فى المدارس هيلغو نظام ال3 ايام بس فى الاسبوع
وهيشتغلو الاسبوع كلة

والله بجد كرهونا ف الجامعه واللى ف الجامعه

بجد ياجماعة النظام كده مش حاينفع ويوم واحد للانتساب حراام ضغط المحاضرات والسكاشن فى يوم واحد دى انتحار وياريت بيفرقوا فى الامتحانات بين الانتساب والانتظام ولا بالعكس بيكون فى شد على الانتساب اكتر من الانتظام انا بطلب انى الامتحانات تبقى للا نتساب غير الانتظام علشان كده ظلم للطلاب اللى مش بيدخلوا الجامعة وشكرا انك طرحت الموضوع المهم دى يامحمد

معاك حق ياعبده لازم نقاوم وقوى عزيمتنا .....

للاسف يا تينا النظام ممكن ميرجعش تانى دى فرصة مش ممكن تضيع من ايديهم عشان يلغوا بيها الانتساب خصوصا ان تنسيق الانتساب هيتلغى من السنة الجاية

معاش ولا كان الى يكرهك فى الجامعة يا امير روما

شكرا على المرور KAREM

بجد نااايس توبيك
على فكرة جامعة جنوب الوادي بس هي اللي لسه متمسكة بعد دخول انتساب او بمعنى اصح اهانتهم
بجد لازم وقفة

ايوة فعلا جامعة جنوب الوادى هيا الى مصممة تمنع الانتساب مع ان جامعة اسيوط مسموح الدخول عادى جدا ...شكرا على المرور

وانت ما مسكتش ليه فى جامعه اسيوط بس ما باقى جامعات مصر بيدخلوا عادى بس احنا اللى لسه عقليتنا متخلفه حقهم يقولوا علينا ان احنا صعيد

لا والله كرهتها يا ابو جاد وكرهت موظفينها والشغالين فيها والله لو فى تحويل دلواتى يحول اى جامعه تانى اشرف من الجامعه دى

معلش يا شريف بكرة ترجع تحبها تانى !!!!

اصلى الكلام دا

اصلى جدا

يا محمد انت موضوعك كويس بس بقلك انت لوحضرت يوم واحد اول حاجة مش هتفهم حاجة وثاني حاجة ياصاحبي تعب قلب شمس وحر والجو تعبان اليومين دولة فا خليك في البيت احسن وذاكر وربنا يكرمك

كلامك صح يا ميسى وكمان لو كان الانتساب بيدخل انا ممكن مروحش بس لما يهدروا حقنا ويمنعونا من الدخول غصب عننا يبقى فى كلام تانى ....مثلا معاك منزلين وانت عايش فى منزل ومفضله على التانى لو جه حد ومنعك من دخول منزلك التانى هتقول عادى انا مبحبهوش ولا لما يبقى بمزاجك تدخله لما تحب ويبقى مكانك محفوظ ودة الى انا بقصده مبقاش لينا مكان فى الجامعة .....شكرا لمرورك