طلبة الدبلومة العامة

وعليكم السلام ورحمة الله وبركاته.
أنا هتكلم بصراحة من على هذا المنبر لعل الرساله تصل الى القلوب الرحيمة وأصحاب الفضيلة.
أنا استلمت كتبى كامله ولله الحمد لكن بعد عناء شديد ونحن ننتظر كل نصف ساعه يخرج ولد من الطابور فى حين يخرج العشرات من باب الغرفه المغلقه حاملين الكتب لابناء العاملين وجيران العاملين وجيران جيران العاملين فى حين يقف الشباب تحت لهيب الشمس وكلنا يعرف حر تلك الصحراء فى صيف هذه الايام.

ثانيا:أن الفرق بين طابو العيش وطابور الكتب هو ان طابور العيش قصير وفى النهاية هتاخد عيش وتروح مبسوط اما طابور الكتب ممكن تنتظر ساعات وانت فى الشمس ثم ترجع بخفى حنين.

ثالثا اتمنى يكون هناك أمن عند هذا الطابور الكبير حتى ينظم الاخوة والاخوات بأن يجعل طابور للبنات وطابور للاولاد لانى رأئيت من شخص بعينه يوميا يأتى متعمد الدخول فى صف البنات ويلتصق فيهم وذات مرة استدعى احد الاخوة الامن لينظموا الطابور لان شخص اظنه مريض نفسيا كان يدخل متعمدا بين البنات فى الزحام ولا اظنه يريد كتب بل اعرفه من زمن ويوميا اراه امام الشباك وانا صورت هذا الرجل لو يسمح لى المنتدى اضعها حتى يحذره الاخوات لفعلت.

ثم اخيرا اقترح على اخوانى واخواتى الحصول بطريقه سهله على الكتب هى كما قال لى الاستاذ عبد الصمد أحسن وقت تستلم فيه الكتب الساعه 4 لان الشباك بيكون فاضى...وفق الله الجميع لما يحب ويرضى

وانا باضم صوتي ايضا للاراء السابقة فالذي حدث كان مهزلة بمعنى الكلمة كما انني اريد ان اعرف اي شيء عن كتب الدبلومة نظام العامين فلا يوجد هناك اي حس او خبر

السلام عليكم ورحمة الله.
هلا فيك امير كتب الدبلومة نظام العامين يمكنك استلامها هذه الايام ويمكنك حجزها ب175 جنيه بس تشوف اليوم المخصص ليكم فى الاسبوع.

بارك الله فيك يا ابو عمر والف شكر مشششكككككككور

انا كمان بضم صوتى ليك دا لدلوقتى فى ناس كتير مستلمتش الكتب

ازيك ياسما انا عايزه اتعرف عليكى علشان نتكلم فى الدبلومه ممكن

انا كمان بضم صوتى ليك دا لدلوقتى فى ناس كتير مستلمتش الكتب بس انا اخدتهم كاملين بس بواسطة هي دي مصر ام الدنيا والواسطة

ياريت لو حد عارف الموقع بتاع محاضرات الصحه النفسيه يبعتهولي علشان ضاع مني

ياريت لو حد عرفه يبعتهول بليز انا محتاجه

سما ياريت لو تساعديني في المحاضرات لاني بشتغل في الغردقه ومش بحضر فرجاء لو ممكن اعرف اي سكه ليهم وفي طريقه ياريت اعرف

اذيك يامحمود والله انا ايضا بشتغل ومش مداومة على الحضور

ياجماعة من الاسبوع اللى جاى تسليم بحث الدكتور ياسر ودا من يوم االسبت القادم وعلى مدار الاسبوع كل يوم 10 مجموعات من مجموعات العملى

طيب ايه العمل ياسما مفيش اي حل ممكن تقترحيه

المنتدى باين عليه حيشتغل كويس!!!!!!!!!!!!!

اتا لست من هواة تصوير المحاضرات او كتابتها فانت ممكن تروح الجامعة وتشوف حد من الاخوة المداومين على الحضور وتصور منه المحاضرات وياعم هو احنا فاضين نذاكر فى الكتب هنذاكر كمان محاضرات

الى جميع الزملاء في الدبلومة نظام العامين ابتداء من الاسبوع القادم السبت 2010/4/24 سوف تبدأ امتحانات العملي وسف تنتهي يوم الخميس .

السلام عليكم ورحمة الله وبركاته
حياكم الله إخوانى وأخواتى
أنا بحضر فى الدبلومة العامة كتير
بالنسبة للدكتور ياسر يا جماعة كثير من الناس بيخافو منه ومش عارف إيه السبب بس يا جماعة ليس من رأى كمن سمع أنا عرفت الدكتور ياسر من خلال المحاضرات وعرفت الدكتور من قريب ومن بعيد
والله الذى لا إله إلا هو اللى يعرف الدكتور ياسر من قريب هيحتقر نفسه الدكتور ياسر ملتزم جدا ويعرف ربنا أيعقل أن يظلم أحدا أو أن يبخس الناس أشيائهم بل الدكتوراة بتاعته فى (الوعى الدينى فى القران) ؟
يا جماعة الدكتور ياسر لو شق علينا فى أمر البحث ألا تعلموا أنه يريد مصلحتنا ونجاحنا أولا؟ يا جماعة الدكتور ياسر هينجح كل الطلبة اللى تعبت وكتبت الأبحاث حتى لو فى مادة الأمتحان بنتاعته مش هتحل كويس اليس هذا من مصلحتنا؟
يا جماعة الدكتور ياسر أقل تقدير عنده جيد جدا...
اللى شاف وكلم الدكتور من ياسر من قريب هيعرف حقيقته الدكتور متواضع جدا اليس الدكتور يحثنا على قراءة القران وأذكار الصباح والمساء فى كل محاضرة تقريبا؟ هل من ورأء ذلك الا وجه الله
يا جماعه أحسنوا الظن بهذا الدكتور ولا تظلموا الناس أشيائهم

أمس بعد الظهر حيث الجو الحار ومن داخل مبنى كلية التربية ..دخلت مكتب الدكتور ياسر لأنى كنت أريد أسلم بحثى وبعض الأبحاث رغم أن موعد تسليم بحثى قد فات منذ يومين....ألقيت عليه تحية الاسلام..فأجابنى بأبتسامة وكان وجهه يظهر فيه ملامح الإيمان..وكان بمفرده فى المكتب يستلم الأبحاث بنفسه من كل طالب ويشكره على مجهوده...نظر إلى الدكتور وأبتسم وقال لى: من أرسلك لتسلمنى هذه الأبحاث؟ فانا حديث التخرج من الكلية ويبدو للناظرين أننى كطالب فى الفرقة الأولى. قلت بأبتسامة يا دكتور انا فى دبلومة عامة معكم ومواظب على حضور محاضراتكم..ثم قاطعنا أحد الموظفين بالكلية وطلب خدمة من الدكتور فقضاها له فى الحال. ثم دخلت عليه بنت ويبدو أنها ألحت عليه كثير فى أن ينظر فى بحثها المكتوب بخط اليد قبل طباعته هل بحثها صح ام خطأ؟ فقال لها بأبتسامه عريضة وبكل هدوء أعطنى بحثك أكتب عليه الدرجة أمامك ووضع لها درجة أمامى. ثم قال لى موفق أن شاء الله وانصرفت من عنده.
هذا هو الدكتور ياسر لمن عرفه حقا.

أما بالنسبة عن محاضرة الاسبوع هذا كانت عن موضوع الذكاء وانواع الذكاء وقد سجلت المحاضرة بالصوت واخذت من الدكتور ملف البور بوينت المتعلق بموضوع المحاضرة...وياريت لو حد متابع معى أقدر افيدكم ان شاء الرحمن..

السلام عليكم ورحمة الله وبركاته خلصنا امتحانات الدبلومه نظام العامين وبالنجاح والتوفيق للجميع انشاء الله .....

تحية خاصة الى جميع القائمين على المنتدى .. فهو رائع و مفيد جداً الف شكر....

ايه اخبار النتيجة لو حد سمع حاجه يقول وشكراً[b]