جاوب واكسب فى مسابقة الموت.......حصريا ع المنتدى

بسم اللة الرحمن الرحيم

أهلا بيكم فى مسابقتنا "مسابقة الموت"

*مسابقتنا غير كل المسابقات اللى شوفتوها قبل كدة على القنوات الأرضية والفضائية
*مسابقتنا أسئلتها خالص بس يا ترى ها تقدر تجاوب عليها نبدأ المسابقة ونشوف
*مسابقتنا النهاردة بعنوان "ماذا يحدث لو"

........... ماذا يحدث لو...........
1-حرامى سرق جنية من واحد واتمسك وهو نازل من الأتوبيس ؟
**حرامى سرق مليون دولارواتمسك فى المطار وهو راكب الطيارة اللى طالعة على سويسرا ؟

2-سواق ميكروباس عدى على لجنة وما كانش رابط الحزام ؟
**ابن وزير عدى على لجنة وفى ايدة سيجارة حشيش ؟

3-واحد راكب عجلة ومن غير ما يقصد صدم البوبى بتاع الهانم مرات الوزير ؟
**ابن وزير سايق عربيتة وهو بيتكلم فى الموبايل فراح صدم رجل عجوز غلبان كان بيعدى الطريق ؟

4-طالب قرر الالتزام دخل الجامعة وفى ايدة المصحف الشريف علشان يقرا قرآن فى أوقات فراغة ؟
**طالب صايع دخل الجامعة وفى ايدة مجلة "حريتى" علشان يقرا فيها فى أوقات فراغة ؟

5-طالب أبوة راجل غلبان اتخرج من كلية الحقوق بتقدير "امتياز"
**طالب أبوة مستشار اتخرج من كلية الحقوق بتقدير "مقبول"
فى رأيك مين فيهم هيدخل نيابة؟؟

***لو ما قدرتش تجاوب على الأسئلة دى قدامك وسيلة مساعدة واحدة وهى
-انك تتصل بالمسئولين فى الدولة .

*تحذير هام:: أنصحك ما تتصلش والا هاتكسب جايزة من جوايز مسابقتنا وهى

1-رحلة لمدة 25سنة فى سجن أبو زعبل شاملة الاقامة وتذاكر الطيران
2-اقامة دائمة فى مستشفى العباسية غرفة 5stars
3-تذكرة طيران مجانية للقبر هيجيبهالك عزرائيل بنفسة لغاية عندك

أوعى تتصل وكل ما تسكت وتحط لسانك جوا بقك هاتزيد فرصك فى الحياة
واستنونى فى حلقة تانية من "مسابقة الموت"

عندك حق فى كل حرف قلتة

تصدق ان واحد ع البوابة منعوه من دخول الجامعة بلاب توب

تصدق دى.............اموت واعرف لية؟؟

لكن لو فى ايدة مزة ولابس سلسلة ومسقط البنطلون يدخل ويتربع كمان

بجد ياريت حد يقولى لية اللاب توب ممنوع والعربية ممنوعة والتاكسى ممنوع وكله ممنوع
لييييييييييييييييييييييه؟؟؟؟؟؟؟

حب ارد عليك يا فارس
العربية ممنوعة لان الحوادث كتير بسبب هزار الشباب
واظن كل الجامعة عرفت بالحادثة الاخيرة
اما التكوسة ممنوعة لانها كلها حوادث

موضوعك جميل سلوم

فارس
انت في مصر بلدك لا بد من تمنعك الجامعه الست في بلدك
ولا بد ان يكون هذا رد المشرفه والا سوف يسحب منها الاشراف
المعذره ساندي
وانا اعتقد ان كلامي واقعي وملموس

في السعوديه بتدخل الاماره يعني الي هي المحافظه بالعربيه وفي السفاره المصريه ممنوع