معلش لازم تشارك برايك وتكون معانا ............

بسم الله الرحمن الرحيم
يجماعة والله دة حرام اللي بيحصل في الجامعة طبعا انتوا عايزين تعرفوا اية اكيد طبعا هي الكفتيريا بتاعة الجامعة فية حد يرضية الحال اللي هيا فية هما بس يدوب ضحكوا علي الناس اول لما نزلوا بالورق واللبس الموحد وبيكيسوا الاكل وكانت الاسعار كويسة نوعا ما عن اسعار الكفتيريا القديمة بس تعالوا شوفوا دلوقتي بقي الاسعار ساندوتش الكبدة بكام (2.25ج) ماشي لو كان يتاكل بس والله انا لسة اول امبارح دفعت الفلوس للكاشير اولا فوجئت بالسعر قلت يبقي خلاص هاكل ساندوتش من حتة زي ماكدونالدز مثلا شوفوا بقي الساندوتش والله العظيم حلفان يحاسبني علية ربنا اولا العيش زي بتاع الطعمية مفيش فرق ثانيا دي مش كبدة اصلا والفلفل كتيرررررررررررررررر
والله ماكلتش غير حتة كدة يعني قلت لا اكمل كنت جعان يوميها بس والله ماقدرت ده مثال شوفوا بقي الحاجات الباقية كلة اتفعت اسعاره كلة كلة ............بجد يجماعة لازم نوقف وقفة بجد عايزين نشتكي يعني الواحد لما يكون في الجامعة اليوم كلة ياكل من فين يطلع برة الجامعة ولا يطلب دليفري يعني .......... انا عارف اني طولت عليكم بس انا اسف موضوع يستحق

انا مش بتكلم فى السياسة
وشكرا ليك على كل حال

عندك حق
المشكلة ان مفيش غير كافتيريا تجارة او اداب والاتنين صاحبهم واحد يعنى لازم تشترى منهم والحل انك تقاضطع مش هيحصل

حسبى الله ونعم الوكيل

عندك حق دى بقت حاجة تقرف وياريت الاكل غالى وكويس ونظيف لا
لازم نشوف حل للموضوع دى شكرا ليكى يااحمد انك طرحت المشكلة دى

ساندويتشاتك جيبها من برة قبل ما تيجي
اما الشيبسي والبسكويت
جيبة الجمعية التعاونية اللي عند الجامع
وبكد
نعمل اضراب ويمكن تجيب نتيجة

معاكي حق بالنسبة للشيبسي والبسكوت علي الرغم من انه بعيد جدا لطلبة كلية التجارة اما بالنسبة للسندوتشات لينا احنا الشباب ان الواحد يجيب معاه ...دة صعب جدا علي ماأظن علي العكس من البنات اللي ممكن تجيب معاها في الشنطة .... بس هو حل كويس مبدئيا .....

عندك حق
وانا مع سااااندي في حكايه الاضراب
نااايس توبيك

اممممممممممممممممم
بس يا جماعه المضطر
بس بجد هو موضوع مهم بس فهمونا عايزين تعملوا ايه بالظبط
واللي فيه الخير يقدموا ربنا

انا من هنا يا جماعة هفتحلى كشك صوغير كدة جنبك المسرح لو حد محتاج ساندوتش جبنة ولا حاجة

جبنة بس ,, اللى هيقولى هوت دوغ والكبدة والكلام الفاضى دة انا هطير وراه ...


والله يا عم دة استهبال ,, يعنى الواحد لما يحب ياكل وهوة جعان وماعهوش فلوس يعمل اية ازا كان اقل حاجة 75 قرش

بس بجد زى ما قالت ساندى اللى محتاج اكل يجيبة من برة قبل ما يدخل اوفر وانا عن نفسى هبيع شنط عشان اللى محتاجها وكدة يعنى بردوا فى الكشك دة ويبقى ضربنا عصفورين بحجر

تسلم وتقبل مرورى

انا سمعت انى العمال هما اللى بيزودو الاسعار من تلقاء نفسهم
الاضراب اهم حاجة
لكن صاحب الكافيتريا اكيد عارف انى ماحدش هيقدر يعمل اضراب فبيغلى براحتة

اوك يجماعة يعني انتوا من رايكم الاضطراب بس كام واحد هيعمل اضطراب مش كلة يعني احنا عايزين حل يكون ينجح 100 في المية

نفسنا نقف وقفه بجد فى حياتنا
الكلام حلو بس تيجى تنفز تلاقى الكل يهرب
احنا كده نشتم من بعيد ولكن بدون جدوى
لو حابين بجد الدنيا تتغير لازم نكون احنا اصحاب التغيير

طيب اقترحوا بقي حل تاني غير الاضراب واحنا معاكوا