مساعدة

السلام عليكم .... ياجماعة انا النهاردة هتكلم فى موضوع خاص جدا بيا وعايزكم تساعدونى .... انا معجب ببنت معايا فى الدفعة وهى جميلة جدا وبرضوا محترمة جداااجدااا ومش عارف اكلمها ازاى وانا حبيتها جدا ....لو حد عنده طريقة اكلمها بيها من غير اى احراج لنفسى ممكن يساعدنى وانا هعملها ....بس هى عمرها ما بصت على ولد ولا شفتها بتتكلم فى التليفون ولا بتقعد مع ولاد خااااااااالص هى من عندينا من قنا اصلا بس انا مش عارف اعمل اية .... هستنى ردودكم وهستنى رد محمد عادل امير روما

ايوة حبيتها اوك وهى جميلة تمام ومؤدبة زى الفل
هتكلمها وبعدين................؟؟

انت فى 2 كلية فكر الاول عايز منها اية؟
ولو عرفت انت عايز تتقرب منها لية وناوى على اية ...روح كلمها وهيحصل كل خير ان شاء الله

اوكى حلوة وعجبتك كلااام جميل
بس قبل ماتكلمها فكر لو كانت اختك مكانها وزى ماتقول هيا بنت مؤدبه
هتحب ان حد يكلمها
وانت حر في اختيار قرارك طبعا

لو حبيتها اخطبها

يا جماعة انا ممكن اوعدها بالزواج مش بالخطوبة بس بس انا ازاى اقولها الكلام ده

انا ممكن اوعدها بالزواج مش بالخطوبة وبالنسبة لاخواتى انا مش هلعب بيها علشان حد يلعب باخواتى ياجماعة انا عايز طريقة اكلمها بيها وممكن اول ما اخلص كلية بعديها بيوم اخطبها...لانها تستاهل كل خير وهى بنت ناس

انا راى انك تصبر وتقعد على حيلك لحد لما تخلص كلية وبعد كده اللى فيها الخير يقدموا ربنا وهى مدام زى ما انته قولت مودبة ومش بتتكلم شباب يبقى اكيد لو عملت اى حاجة مش حاتعبرك اصلا انته اصبر وربنا يسهل بعد الكلية ولو تقدر تخطبها دلوقتى اخطبها
دى رائى
تقبل مرورى

ياعم الحج انت
انت بتقول مؤدبه يعنى لو عملت لالى مش هتعرف تكلمها ياعم انفض
وخليك فى حالك الكام سنه دول وفى رابعه اتعرف اللى عايز تتعرف عليه ياعم
انا اقولك حاجه روح كلمها عشان تصدقك عشان تاخد عنها فكره حلوه
معلش فى كلامى ياعم الحج اصل ده مش حوار عايز تعرفه

يا عم حابس نملة انت انا مش عايز حد غيرى يكلمها البنت العين عليها كتير انا خايف حد يكلمها ويلف دماغها وانت عارف شباب الجامه

انا من رائى يا ابو عبدالله انك تحسسها بيك الاول تخليها تلمحك ف كل مكان لحد ما تلاقها بستنى انها تشوفك وبعدين ادخل عليها داخله صاددقة يعنى لو نفسك تجوزها قولها اد اية انت بتحبها ونفسك تكملو عمركم مع بعض