هتعملي ايه لو مخطوبة لواحد زي ده؟؟؟

خطيب بارد جدا جدا




هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .
هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس
هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اسمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى



هتعملي ايه لو مخطوبة لواحد زي ده؟؟؟

ياريت كل اللي تدخل تقول لو كانت مخطوبة لواحد زي كد حتعمل اية

انا مش هاتكلم

ههههههههههههههه
ميرسي لردك بردوا

ههههههههه
نو كومنت

ههههههههههههههههههههههه
ال نو كومنت ال
لالالالالالالالالالالالالالالا
عايزين نعرف حتعملي اية ؟

هههههههههههههههههههههههههههههههههههه
هارمية فى اول زبالة تعدى عليا
ههههههههههههههههههههههههههههههههههه

هههههههههههههههههههههه
تصدقي احسن حل
ميرسي ليكي يا تينا يا قمر

مفيش فى قلبنا رحمة
هوصله لاخر الشارع طبعا
غلابة قووووووى الناس دى
ههههههههههههههههه

هههههههههههههههههه
هو فين بس الراجل اللى زى كدا فى الزمن دا
انتوا هتتبلوا علينا
ربنا على المفترى
هههههههههههههههههههههههههه

طيب والله دمه خفيف جدا وماله هكمل معاه علشان افضل اضحك

الراجل خايف عليكى(المراكب بتغرق اليومين دول ) وكمان مش مغرور وعايش عيشت اهله ومفهمك الفول من اولها(منين ياحسرة .. ماانتى عارفة الكانز وغطاه ) وكمان صادق لابعد درجه(إمبارح دخلت السينما مع بنت حلوة ) دم خفيف(أنا مش شامم ريحه شياط يعني ) وفى الاخر الراجل عايز يديكى ثقه ويعاملك بمساواه ويخليكى تعتمدى على نفسك( هو إنتى ماتعرفيش تروحي لوحدك ) شفتى انتوا ظلمتوا الراجل ازاى اتاسف بقه .......... وبعدين انتوا لاقين يعنى

توتى كتب:

مفيش فى قلبنا رحمة
هوصله لاخر الشارع طبعا
غلابة قووووووى الناس دى
ههههههههههههههههه

احنا احسن منهم بردوا يا توتي
ميرسي لردك

lover boy كتب:

هههههههههههههههههه
هو فين بس الراجل اللى زى كدا فى الزمن دا
انتوا هتتبلوا علينا
ربنا على المفترى
هههههههههههههههههههههههههه

هههههههههههههههههههههههه
انتوا حتكدبوا كلكم كد هههههههههههههههههه
ميرسي يا لوفر ع ردك

ريما كتب:

طيب والله دمه خفيف جدا وماله هكمل معاه علشان افضل اضحك

فعلا يا ريما حتفضلي تضحكي للصبح
ميرسي لردك

Law abiding citizen كتب:

الراجل خايف عليكى(المراكب بتغرق اليومين دول ) وكمان مش مغرور وعايش عيشت اهله ومفهمك الفول من اولها(منين ياحسرة .. ماانتى عارفة الكانز وغطاه ) وكمان صادق لابعد درجه(إمبارح دخلت السينما مع بنت حلوة ) دم خفيف(أنا مش شامم ريحه شياط يعني ) وفى الاخر الراجل عايز يديكى ثقه ويعاملك بمساواه ويخليكى تعتمدى على نفسك( هو إنتى ماتعرفيش تروحي لوحدك ) شفتى انتوا ظلمتوا الراجل ازاى اتاسف بقه .......... وبعدين انتوا لاقين يعنى

هههههههههههههههههههه
انت حقوق علشان كد بدافع عنهم
بس لالالا بردوا مش مقتنعة
هههههههههههههههههه
ميرسي لردك

طيب احكموا انتوا هى عايز كل حاجه ع الجاهز ( عايزة اشرب) هى مستغله( تجيب ليا حاجة ساقعة) .(ومين اللي هيحاسب ؟؟

هي : أنت طبعاً .) مفيش روح المشاركه هى مبزره (كفاية إزازة مية ساقعة (معدنيه يعنى) ) هى مش محترم خطبها (يابنى أنت مابتحسش ) عينها ع فلوسه(يا سلام!! .. ماأنت كان معاك إمبارح ) داخله ع طمع. تانى مش مؤدبه(إنت اللي بارد ) وكمان اكيد هى اللى طلبت تخرج فى الوقت دا يعنى مش رومانسيه خالص يبقه مين اللى مستحمل مين ها ها ها ها الراجل غلبااااااااااااان

ههههههههههههه
طيب اعمل ايه
والله مكانش معايا فلوس
ههههههههه
وبعدين المفروض انها تحن عليا شويه حرام انا مش بنك ماشي معاها
انتم البنات كده فين بقي المساواه

ههههههههههههههههههههههههه
بردوا ما اقتنعتش
هههههههههههههههههههههه
ميرسي ع المرور

mohamed_someone كتب:

ههههههههههههه
طيب اعمل ايه
والله مكانش معايا فلوس
ههههههههه
وبعدين المفروض انها تحن عليا شويه حرام انا مش بنك ماشي معاها
انتم البنات كده فين بقي المساواه

يســـــــــــــــــــــــــــــــــــــــــــلام
انتوا بخلة وتقولوا بنك
ههههههههههههههههههههه
ميرسي ع المرور

برحتك بس انتى لو منصفه ومش متحيزه ها ها هتقتنعى

ههههههههههههههههههههه
ال مش متحيزة ال
طبعا متحيزة
هههههههههههههههههههههههههه
بهزر

انا الصراحه اتخنقت منهم الاتنين
وميرسى على التوبيك

ههههههههههههههههههه
ميرسي لمرورك

هو اللى يتعامل مع بنات لازم تكون عنده القدره فى التحكم فى اعصابه لانهم دايما مستفزين
ماهو يا كده يا يجيلو الضغط والسكر لذلك احسن سلاح ان الراجل هو اللى يستفز البنت نظام اتغدى بيه قبل ما يتعشى بيا
نايس توبيك وتقبلى مرورى

ههههههههههههههههههههههههههه
ميرسي لمرورك