لمن يجرؤ فقط

- ما نظرتك للبنت ذات الملابس الخارجة على الادب ....

*بصراحة مش بحترمها ,, مهما كانت هيا كويسه ,, بس ده ما يرضيش ربنا ياجدع ,, والحكاية دى زادت عن حدها اليومين دول ,, والشباب تعبانه اصلا ,, فحرام كدا والله ...



- هل تحكم على اي بنت بمجرد النظر الى لبسها وما هو حد الحشمة عندك ...

* اكيد طبعا ,,, فى بنات تحسها كويسة ,, وعلى فكرة اللى من النوع دة بتلبس اللبس دة ومش بتبقى مقتنعة بيه ,, يعنى بتحس ان الناس كلها بيبصولها ,, تخيل يا جدع لما البنت تكون مش راضية تلبس اللبس ده واهلها بيضغطوا عليها ,,, بأمانة دة يرضى ربنا ... الحشمة عندى ,, البنت نفسها تكون محترمه نفسها من داخلها ,, يعنى محترمة اصلا واكيد الاحترام النابع من جواها هيفرض عليها ما تلبسش اللبس اللى ملفت للنظر ..


- عندما تقف امام بنت محتشمة الملابس وتحس انها فرضت احترامها عليك ماذا يكون رايك فيها
* بصراحة والله والله تانى انا ما بعرف انطق ولا اتكلم اصلا ,,, وبجد والله بحترمها اوى اوى اوى ,, يا راجل دة انا لو محتاج مساعده منيها بتكسف ما اقولها ...


- عندما تتحدث معك فتاة ولا تربطك بها علاقة خطبة او اي شيء اخر , وتراها تمازحك بطريقة مبالغة , فتمسك يدك وتدفعك وبهذه الطريقة , ماذا يكون رايك بها؟
* بصراحةنظرتى ليها مش كويس


- عندما تتربط بعلاقة صداقة مع فتاة معينة , وتتكلم معها في الهاتف .. تعال وضع نفسك في موقف اخر , ان يتحدث شخص اخر مع اختك مثلا , فما موقفك ؟
* اكيد لا ,, بس انتة لو فى نيتك ان الحكاية دى مش لعب او كدا يعنى ناوى ترتبط بيها ان شاء الله يبقى لازم بردوا حد من البيت يعرف ,,, وبعدين الحكاية دى عرفتها متأخر للاسف ...
لان الحب اللى فى الضلمة عمرة ما بيدوم


- عندما تتعرف على فتاة ( على فرض هي المذنبة لانها قبلت ذلك وهي التي توجهت اليك) وتقبل على نفسك بان ترتبط بها بهدف التسلية ومع الوقت ارتكاب الاعمال المخلة للشرف , الا تخاف ان يحدث ذلك مع اختك مثلا ؟
* اكيد اخاف طبعا ,,, ولازم الواحد يراعى ربنا فى كل حاجة بيعملها مش لازم ,, بنات يتعرف عليهم ولا كدا ,,, وانا ما اعترفش أى صداقة بين البنت والولد ,,, اخوها لاما بلاش مها اصلا ...


- لماذا تقبل الشر للبنات عامة ولا نقبله على انفسنا ؟
* بجد والله انا ما بقبل كدا ,,, وسعات كتير اوى بتصعب عليا البنت اللى الاقى الشاب من دول يضحك عليها بأسم الحب وبجد نفسى اقتلة ,, بس رجع واقول هيا اللى هبلة ,, سورى فى اللفظ ,,,وهيا اللى راضية وانا مالى بكدا ,,, يا راجل دة والله اعرف واحد صاحبى ,, قال لبنات على فكرة انتو حكاية صحوبية البنات والاولاد دى مش صحيحة ,, البنات راحت اشتكت لصاحبة وقالو ,, ازاى صاحبك يقولنا الكلام دة ,, يعنى حتى النصيحة مش قابلينها ,,, تخيل كدا ؟؟!!!!


- لماذا تخاف على شرف بيتك ولكنك لا تخاف الله , فتعتدي على شرف جيرانك او غير ذلك؟
* بصراحة كلامك ما فهوش عيب خالص وانا مش لاقى رد غير ربنا يصلح حالنا


- كيف تقبل على نفسك بان تقول لفتاة معينة احبك وانت تعرف بينك وبين نفسك انك مكار؟
* والله عمرى ما قولتها لحد ,,, لان اصلا عارف اخرة دة اية ,,, وبعدين بجد هحس نفسى صغير اوى وما استهلش اى احترام حتى من نفسى لو حصل كدا منى ...
وما قولتش كلمة بحبك غير بجد للى حسيت انى بعشقة مش بحبة بس ..

كلها اسئلة لم يجد الشباب الاجابات الملائمة لها. يبقى الحال على ما هو عليه. ولا نتحدث عن كل الشباب بالطبع.
ياريت اشوق اجابات للموضوع ده وكلنا نشارك .. بالرأي

من يجرؤ فقط .. اسئلة حساسة الى اقصى درجة للشباب !!
قبل ان نبدا بطرح الاسئلة الشبابية التي اعدت للذكور فقط , نرجو ان يتقبلها الشباب برحابة صدر وروح رياضية عالية. ودعونا هذه المرة نسمي سلسلة الاسئلة التي ستطرح الان , لمن يجرؤ فقط .. فمن يجرؤ , يجب ان يتحمل..

يا عم احنا بنخاف بس انت قول يا رب




- ما نظرتك للبنت ذات الملابس الخارجة على الادب


ممكن تكون مؤدبه بس دا مجرد عيب او غلط عندها لو نصحتها او اقنعتها تقتنع وتتغير واللى بيعمل كدا من البنات واخداها بحسن نيه وفاهمه ان دى شياكه وكدا وفى اللى بتعمل كدا من البنات وهى اساسا فى الضياع وربنا يهديها ودى خساره فيها النصيحه

- هل تحكم على اي بنت بمجرد النظر الى لبسها وما هو حد الحشمة عندك


من خلال ردى على سؤالك الاول اكيد تفهم ان اللبس مش مقياس بس هو اكيد غلط وكلنا متفقين عليه بس فيه اللى بتلبس كدا بس مفيش اتنين يختلفو على اخلاقها ودا بيكون مجرد عيب ولو نصحتها هاتقتنع ام حد الحشمه عندى اا نا ان اللبس ميكونش ضيق وميكونش قصير اما حكايه تلبس ازدال او خمار فادى انا مقتنع تماما ان دا بينها وبين ربنا وهى حره فى االاختيار

- عندما تقف امام بنت محتشمة الملابس وتحس انها فرضت احترامها عليك ماذا يكون رايك فيها

انا تعجبنى جدا البنت اللى احس انها بتجبر اللى قدامها بالاحترام ومش بانها تقولك انها بتضايق من كذا او كدا لا باسلوبها وشخصيتها ودى انا احترمها جدا الشخصيه اللى كدا بس فى ملحوظه انا قصدى اللى تعمل كدا من غير غرور او الاطه على اللى قدامها


- عندما تتحدث معك فتاة ولا تربطك بها علاقة خطبة او اي شيء اخر , وتراها تمازحك بطريقة مبالغة , فتمسك يدك وتدفعك وبهذه الطريقة , ماذا يكون رايك بها؟


بص برده فى حتتين هنا هاتكلم عنهم نوع من البنات اللى تعمل كدا بس مش بيكون مع اكتر من واحد لاء مع واحد اعتبرته اخوها وبتعزه زى اخوها وهو كمان يعتبرها اخته وبتكون عامله زى الطفله فابتعمل كدا دى بقى مش وحشه او مش مؤدبه بس تفكيرها محدود او مش يتفكر كويس اما النوع التانى اللى مع الكل كدا والحياه ايزى والدنيا لوز العنب معاها ودى ربنا يهديها

- عندما تتربط بعلاقة صداقة مع فتاة معينة , وتتكلم معها في الهاتف .. تعال وضع نفسك في موقف اخر , ان يتحدث شخص اخر مع اختك مثلا , فما موقفك ؟


بص دا عيبنا احنا الشباب ومعرفش كل شاب فينا عنده الحته دى حاسس انه الملاك اللى واثق فى نفسه ويقف مع البنات ويصاحب ويعتبرهم اخواته بس لو فكر ان البنت اللى مرتبط بيها او قريبته بتعمل كدا بيرفض المبدا دا ولو اتسال هايقول انا واثق فى نفسى بس ماثقش فى اللى هاتقفى معاهم

- عندما تتعرف على فتاة ( على فرض هي المذنبة لانها قبلت ذلك وهي التي توجهت اليك) وتقبل على نفسك بان ترتبط بها بهدف التسلية ومع الوقت ارتكاب الاعمال المخلة للشرف , الا تخاف ان يحدث ذلك مع اختك مثلا ؟

الحمد لله عمرى ما فكرت امشى مع بنت علشان كدا واللى يعمل كدا او مجرد التفكي انه يمشى مع بنت علشان كدا يبقى حيوان وشهوانى حقير


- لماذا تقبل الشر للبنات عامة ولا نقبله على انفسنا ؟



ياعم مين اللى فهمك كدا يا غلبان دول اكثر اهل النار تقولى احنا الشر يابنى البنات دول هما اللى بيقبلو الشر لينا بس الفرق بينا وبينهم اننا نستحمل ونقدر ننسى انما البنات صعب عليا اى موقف مجرح فهمت
- لماذا تخاف على شرف بيتك ولكنك لا تخاف الله , فتعتدي على شرف جيرانك او غير ذلك؟

ربنا يعلم ان اى بنت جران ليا اختى وخصوصا ان اغلبهم ليهم اخوات ودول اصحابى وواكل معاهم عيش وملح اما حكايه انى اخاف على شرف بيتى ومش خايف من ربنا دا محصلش انا اخاف من ربنا الاول ولو خوفت من ربنا ومعملتش الحاجه دى ربنا هايحمى بيتى


- كيف تقبل على نفسك بان تقول لفتاة معينة احبك وانت تعرف بينك وبين نفسك ان مكار؟

الحمد لله عمرى ما لعبت ببنت وربنا يعلم بس اللى بيعمل كدا دا انسان مريض وربنا يشفيه


كلها اسئلة لم يجد الشباب الاجابات الملائمة لها. يبقى الحال على ما هو عليه. ولا نتحدث عن كل الشباب بالطبع.
ياريت اشوق اجابات للموضوع ده وكلنا نشارك .. بالرأي