ممكن ترتبط ببنت ليها ماضى

لو المراة تعاملت زى ما قال الاسلام صدقنى مش هنحتاج نتكلم عن حاجة...البراه

فعلا عندك حق بس هى فين المراة اللى اتكلم عنها الاسلام
مش شابفة بنات المسلمين شكلهم ازاى وشهم كلة ميك اب ولبسهم حاجة تكسف
قبل ما تطلبوا المعاملة بالمثل مع نساء المسلمين راعوا انتوا الاول ربنا فى نفسكم وفى الشباب اللى بياخد ذنوب بسببكم

ع فكرة التعميم غلط وانا عارف كدة كويس بس فى النقطة دى بالذات انا بعمم وبعمم وبعمم 3 بعمم

تصدقوا حتى البنات المؤدبة لبسهم مش كويس دى حاجة غريبة ونفسى الاقى ليها تفسير


بعد الفراق
ياااااااااااااااااااااااااااااااااااااااااااااااااااااااااااااااااااااااااااااااااااااارب تقوم بألف سلامة يا أحمد لان بجد وحشتنا ردودك خف بسرعة بقى

يارب يسمع منك ومن
ا الدنيا من غير احمد ولا ليها طعم خالص صحيح كل يوم بشوفة بس بردة مدايق جدا من غيرة وع فكرة هو فرح جدا لما قلتلو انكم بتسلموا علية وهو كمان بيمسى عليكم

وبعدين هي لو حد قلها ان دا حرام اكيد هترجع عن كدا
مفيش حد بيعرف ان اللي بيعملو دا حرام وبردة لسه بيعملو اكيد هيتغير

انتى ابيض ياورد وطيبة قوى ههههههههههه

ههههههههههه
ايه ابيض يا ورد دي ؟
ازاي بتاخدو ذنوب بسبب البنات في "غض البصر"

اللى يقول جملة زى بتاعتك دى لازم يبقى ابيض يا ورد

فى ناس كتير قوى قوى بتعرف ان دة حرام وبتكمل فية وفى ناس بتدور ع الحرام علشان تعملة انتى عايشة فى كوكب تانى لوحدك واصلا اللى زيك خلص

قال اية اقول خلى بالك دة حرام وهو بقى هيبعد عنة يااااااه ع الرومانسية ههههههه

ثانيا غض البصر موجود بس لما يبقى فى حدود المعقول بذمتك بيعجبك منظر البنات فى الجامعة وانا مش بجيب اعذار بس بجد والله حتى لو بصيت فى الارض لازم عينى هتيجى على بنت وبردة ذنوووووووووب

يلا ربنا يهدى

شكرا بعد الفراق

اضحك براااااااااحتك يا فارس
بس فعلا في بنات مش تعرف ان الحجاب فرض
زي ما في ناس والله والله والله مش بتعرف تصلي
علي فكرة احنا عندنا بنات في الجامعة مسلمين ومش لابسين حجاب
واللي بيدور عالحرام ويعملو حرام يتقال عليه مسلم
المهم دلوقتي احمد عامل ايه غيابه طول اوي؟

احمد تمام اتخضينا علية وتاكسى وملاكى وناس بتجرى ومستشفى واشعة وبينى وبينك مصاريف ونشيل ونحط فى والحمد لله فى الاخر رجلة كويسة مفيهاش حاجة الحمد لله

بهدلنا معاه وعامل فيها تعبان بجد وسايق الهبل علشان بندلع فية وشغااااااااال اكل

وكفاية كدة علشان خرجنا عن الحوار احسن يجى المشرف يحذف الموضوع انتى باقى ليكى 4 مساهمات وتقدرى تبعتى مسج

شكرا بعد الفراق

ثانيا غض البصر موجود بس لما يبقى فى حدود المعقول بذمتك بيعجبك منظر البنات فى الجامعة وانا مش بجيب اعذار بس بجد والله حتى لو بصيت فى الارض لازم عينى هتيجى على بنت وبردة ذنوووووووووب

يلا ربنا يهدى

[/quote] ممعاك حق يا فارس فى كل كلمة قولتها عن بنات الجامعة ، لكن انا مش معاك فى غض البصر لانها حجج مش قوية ، شوف قد ايه سيدنا يوسف تعرض لموقف صعب مع زوجة ملك مصر بالرغم عن كده قاوم انا مش بقول للاولاد اعملوا زيه لانه نبى، بس ياريت يكون قدوة لينا وافتكر ان مفيش موقف اصعب من ده ،وعلى فكرة غض البصر مش كلمة نقولها ديه لازم تكون جوانا وايمانا يكون بها قوى حتى لو تعرضنا لكثير من الفتن مدام ايماننا قوى ربناهيحمينا وانا اعتقد الايمان هو اللى بيفرق

ronaldo7 كتب:

لو ربنا تاب عليها ممكن

مع احترامى لرأى حضرتك البنت ديه اكيد مش مسلمة لو كانت مسلمة يبقى خانة الديانة مكتوب فبها مسلمة فقط لا غير وانا بطلب المعاملة بالمثل، واحنا ما شاء الله عندنا نماذج كتيرة من مسلمات فعلا شكلا وجوهر بس للاسف احنا بطبيعتنا بنشوف اللى مش كويس ونترك الكويس وربنا يهدى الجميع

معاك حق يا فارس فى كل كلمة قولتها عن بنات الجامعة ، لكن انا مش معاك فى غض البصر لانها حجج مش قوية ، شوف قد ايه سيدنا يوسف تعرض لموقف صعب مع زوجة ملك مصر بالرغم عن كده قاوم انا مش بقول للاولاد اعملوا زيه لانه نبى، بس ياريت يكون قدوة لينا وافتكر ان مفيش موقف اصعب من ده ،وعلى فكرة غض البصر مش كلمة نقولها ديه لازم تكون جوانا وايمانا يكون بها قوى حتى لو تعرضنا لكثير من الفتن مدام ايماننا قوى ربناهيحمينا وانا اعتقد الايمان هو اللى بيفرق.........البراه

ع فكرة احنا مش معصومين من الخطأ...سيدنا يوسف علية السلام كان ممكن ان يقع فى الخطأ لانة بشر

بسم الله الرحمن الرحيم
ولقد همت به وهم بها لولا ان رءا برهن ربه كذلك لنصرف عنه السوء والفحشاء انه من عبادنا المخلصين
صدق الله العظيم

تعرفى لية كان ممكن يقع فى الخطا لان الضغط والاغراء على سيدنا يوسف زاد جدا
فالمراة جميلة جدااا وسيدة القصر يعنى مال وجمال وهو شاب بس رحمه ربنا وارادة الله ابعد عنه السوء

بالك بقى بينا احنا اللى بالعافية بنصلى وسط كل الاغراءات دى والله الشباب كتر خيرة والبنات مش فى دماغهم غير انهم يظهروا حلوين ومزز معرفش بيستفادوا اية من كل دة
وبالتاكيد مش كل البنات بس للاسف الاغلب مش كويس

وللاسف الشباب دلوقتى يتقال علية مسلم فقط لكن درجة الايمان اعتقد انها مفقودة بنسبة كبيرة وبردة مش كل الشباب بس للاسف الاغلب

ربنا يهدى شباب المسلمين

شكرا البراه

السلم عليكم
بست مان بيحيكم بسم الله ما شاء الله ع الكلام
انا مش هعلق لانى مش هلاقى كلام يقضى مدى اعجابى بالمناقشات

البراءة .......بعد الفراق لو كل البنات زيكم بتفكر مكنشى فيه بنات غبيه بجد انتو رائعين

فارس وانت فارس لان فيك ملامح الفرسلن

ف الشكل الطباع وكل حاجة فيك

بجد انت نعم الصديق ربنا يخليك لاهلك واصحابك

مش عارف اشكرك ازاى ومش عارف اقلك ايه

الصمت احيانا يكون ابلغ من الكلام

لالالالالالالالالالالالالالالالا دة كتير على والله

انا اتثبت واتمسمرت مكانى ياراجل ارحمنى من كلامك واسلوبك دة خلتنى اتكسف من نفسى

ياريتك كنت سكت والصمت احسن من الكلام بس انت قلت كلام انا مش استاهل حتى ربعة

شكرا يا احمد والف سلامة ونورت يا نجم

[quote="First Best Man"]السلم عليكم
بست مان بيحيكم بسم الله ما شاء الله ع الكلام
انا مش هعلق لانى مش هلاقى كلام يقضى مدى اعجابى بالمناقشات

البراءة .......بعد الفراق لو كل البنات زيكم بتفكر مكنشى فيه بنات غبيه بجد انتو رائعين[/quote ميرسى ليك يا بست مان على كلامك ومناقشاتنا الجميلة خرجت بفضل موضوعك الجميل ميرسى ليك مرة تانية والحمدلله على سلامتك والحمدلله ربنا استجاب لدعانا

موضوعك حلو يا بست مان

بص يا سيدى لو انسانة كويسة انا ممكن ارتبط بيها لانك صعب تلاقى واحدة او واحد مالهمش ماضى فى الحب ...

بس انتة بتتكلم عن الوحدة اللى ليها ماضى كويس يعنى كانت بتحب وما حصلش نصيب للى بتحبة دا ...

لكن لو انتة بتتكلم عن واحدة مش كويسة اصلا دا انا بفكر فيه شوية ,, ومش معنى كدا انى مش ممكن ارتبط بيها بالعكس لو الانسانة دى هتبقى كويسة او هيا قررت انها تتغير للاحسن ودا على ايدى يبقى خلاص انا ارتبط بيها واية المانع ...

فى ناس كتير اوى مظلموين فى حياتنا ,, بس هما فى الاصل جواهر الواحد يتفاخر بيها قدام الناس ....

تسلم ايدك يا برنس الليالى ....

شكرا لملك روحى بس انا بست مان مش برنس الليالى
ع فكرة انا حتى الان مقلتش راى

بس هقوله

ان البنت زى البنبوناية كل ماتكون محفوظة ومحدش لوثها بتكون قيمتها فيها

وكل ماتكون مكشوفه و الدبان بيتلم عليها

سورى ف التشبيه بس دى الحقيقة لازم البنت تحافظ ع نفسها ومشاعرها البنت بتفقد كتير من حياءاها واحترامها لزاتها لما بتحب ولد من ورا اهلها

انا بفضل ان البنت اللى ممكن ارتبط بيها تكون اتخطبت واتفسخت احسن ما يكون ليها قصة حب فاشلة

لانى عارف الشباب بيعمل ايه لما يتعرف ع بنت يبقى عايز يفترسها من غير ضمير ولا شعور

انا بتكلم ع معظم الشباب مش كلهم لذالك ده راى

وممكن اعرف رايكم ف راى

بست مان

يفترسها ؟؟؟!!!! على فكرة دى صفة غير ادمية يا بست مان

فى شباب كتير ممكن يكونوا مش كويسين او عاوزين يتعرفوا على البنات او يحبوها عشان غرض زبالة من اغراصم بس فى االاكتر ولاد ناس ومحترمين وبيراعوا ربنا فيهم ,,, هتقولى دا كلام شيطان هقولك فى ناس اعرفها وكانو كويسين جدا على اللي بيحبوهم وبيخافوا عليهم اكتر من اى حد ...

صدقنى يا حج بست مان فى ناس كتير اوى بنات كمان بتقدر تحافظ على نفسها مع اى شاب بتحبة ,,, ودا يرجع للبيئة بتاعت البنى ادم للى بتحبة ,,, لو هوا ابن ناس هيخاف عليها ,, لكن لو هوا وحش مش هيخاف عليها وهيفترسها زى ما انتة بتقول ...


هقولك حاجة كمان بالنسبة لحكاية انك تفضل البنت تكون مخطوبة على انها تحب واحد من ورا اهلها ,,, انتة ما تعرفش نصيببك هيوديك لفين يا بست مان ,,, سيب دا على ربنا ,,, ممكن ترتبط بانسانة حبت قبل كدا من ورا اهلها بس هيكون اللى حبتة دا علمها معنى الحب معنى التضحية معنى الخوف على اللى بتحبة ....


انا مش بقولك كدا عشان ابرر حكاية الحب من ورا الاهل دا ,,,, الحب دا بيدخل القلب على طول من غير استأزان الشخص نفسة ,, يعنى مش هيستنى الاهل يوافقوا عليه كمان ...

صدقنى انتة لو حبيت بجد هتعرف اللى انا بتكلم عنه دا اية ....

شكرا لتوضيحك

على فكرة انا مع راى اسماعيل بس احب اضيف حاجةانت مش حتعرف البنت حبت قبل كدا غير لو هى قالتلك
وانت مش تختار واحدة وخلاص اكيد حتروح تسال عنه وعن اهلهاولا اخلاقهامش كويسة مش حترتبط بها
مفيش حد يقوللك انى دى حبت قبل كدالان محدش يعرف ان هى بتحب

"Maliek Ro7y@ كتب:

يفترسها ؟؟؟!!!! على فكرة دى صفة غير ادمية يا بست مان

فى شباب كتير ممكن يكونوا مش كويسين او عاوزين يتعرفوا على البنات او يحبوها عشان غرض زبالة من اغراصم بس فى االاكتر ولاد ناس ومحترمين وبيراعوا ربنا فيهم ,,, هتقولى دا كلام شيطان هقولك فى ناس اعرفها وكانو كويسين جدا على اللي بيحبوهم وبيخافوا عليهم اكتر من اى حد ...

صدقنى يا حج بست مان فى ناس كتير اوى بنات كمان بتقدر تحافظ على نفسها مع اى شاب بتحبة ,,, ودا يرجع للبيئة بتاعت البنى ادم للى بتحبة ,,, لو هوا ابن ناس هيخاف عليها ,, لكن لو هوا وحش مش هيخاف عليها وهيفترسها زى ما انتة بتقول ...


هقولك حاجة كمان بالنسبة لحكاية انك تفضل البنت تكون مخطوبة على انها تحب واحد من ورا اهلها ,,, انتة ما تعرفش نصيببك هيوديك لفين يا بست مان ,,, سيب دا على ربنا ,,, ممكن ترتبط بانسانة حبت قبل كدا من ورا اهلها بس هيكون اللى حبتة دا علمها معنى الحب معنى التضحية معنى الخوف على اللى بتحبة ....


انا مش بقولك كدا عشان ابرر حكاية الحب من ورا الاهل دا ,,,, الحب دا بيدخل القلب على طول من غير استأزان الشخص نفسة ,, يعنى مش هيستنى الاهل يوافقوا عليه كمان ...

صدقنى انتة لو حبيت بجد هتعرف اللى انا بتكلم عنه دا اية ....

شكرا لتوضيحك

قال صلى الله وعليه وسلم 0000ليس البر ان تاتوا البيوت من ظهورها ولكن البر من اتقى وأتو البيوت من ابوابها ...صدق رسول الله

انا بتكلم ع معظم الشباب انهم معندهمش ضمير يعنى ف قلة يمكن انت منهم الله اعلم

انا بتكلم بصفة موضوعية وليست شخصية

لذلك رايى جرئ ومتير للجدل بس دة رايى

الاختلاف ف الراى لا يفسد للود قضية
انا لو بحب بنت هاروح لاهلها 00ولو مش قادر اتجزها هاتليه ع عينى وهابعد عنها ده انا كمان ممكن ماصرحاش بحبى ليها لانى غير كده هربطها جنبى


وبكده هكون انانى والحب تضحية مش انانية ممكن تكون وجة نظرى متعجبش الكتير بس انا كده بشرب سبريت هههههههههههههههههه

معلش ياصديقى اصل بحس
انك جاى تلعب ف ملعبى انا ابو النقاش وممكن اثبتلك الشئ وعكسه ف نفس الوقت
يعنى ممكن العبلك ف دماغك ومتركزش يا مان علشان داخلين ع امتحامات
وانا مش خسران لانى كل ما بتناقش واتحاور بنمى مهراتى لكنك هضيع وقتك ماعايا
المهم سيبك ومتخدش فكرة عنى من النت ده اسمه نت وممكن نكون اصحاب
بيس يا يامان

الحب احلى واجمل واسمى كلمه فى الوجود وفيها سر الوجود واستمراره
الانسان اللى بيحب بجد بيعرف يسامح مهما كان الغلط من الانسان اللى هو بيحبه
بس فعلا اهم حاجه ف ده كله الصراحه الكامله
بخصوص الماضى اللى هو خطوبه واتفشكلت مظنش انها فيها اى حاجه عيب ولا غلط لان ده نصيب ف الاول والاخر
اما بالنسبه للماضى الغير برئ فانا مش فاهم ازاى يعنى
اهم واول حاجه فيه التاكد من صحته قبل كل حاجه لان اللى شاكك غير اللى سامع غير اللى شايف
اما اذا حاجه زى كده عرفتها من الانسان اللى انا بحبه انا بكامل قوايا العقليه مش هتردد لحظه فانى استمر معاه او انى اغير مشاعرى ناحيته لانه يكفى صراحته معايا وثقته فيا والا مكنش قللى حاجه زى كده
تقبل مرورى احمد
ونايس توبيك بجد

IMPOSSIBLE

صلو ع النبى
ما هو يا جدعان ماضى عن ماضى يفرق
وحب عن حب يفرق
لانى القاعده اللى متفقين اغلب الشباب تقريبا عليها
ان البنت اما بتحب صعب تحب تانى ولو حصل وحبت صعب برده تنسى الحب اللى فات دا
وانا عن نفسى معرفش الصراحه موقفى ايه لان تفكيرى دلوقتى اكيد هايختلف وهايفرق
كتير اما اوصل لمرحله الارتباط
لان اكيد كل سن وكل فتره فى العمر ليها تفكيرها وردود افعالها
تقبلو رأيى واللى مش قابله معلش اخوكم برده

كرا لمرور وتعليقات الجميع

"Maliek Ro7y@ كتب:

First Best Man كتب:

معلش ياصديقى اصل بحس
انك جاى تلعب ف ملعبى انا ابو النقاش وممكن اثبتلك الشئ وعكسه ف نفس الوقت
يعنى ممكن العبلك ف دماغك ومتركزش يا مان علشان داخلين ع امتحامات
وانا مش خسران لانى كل ما بتناقش واتحاور بنمى مهراتى لكنك هضيع وقتك ماعايا
المهم سيبك ومتخدش فكرة عنى من النت ده اسمه نت وممكن نكون اصحاب
بيس يا يامان

على فكرة يا بوب اى واحد عندو اى مهارة زى ما بتقول مش بيتكلم عنها
وبصراحة مش لاقى رد على كلامك

لا تعليق

الى عنده مهاره ومش بيتكلم عنها يبقى مش عارف قيمتها ولا عارف نفسه

اما انا الحمد لله عارف قدراتى وامكانتياتى وبنميها

وعارف كمان نقاط ضعفى وبقويها