المستقبل السياسى لمصر

ما هو موقفك من الانتخابات الرئاسية الجديده

انا ع نفسى هرشح الرئيس محمد حسنى مبارك

ليه هو انت عاجبك الوضع اللى احنا فيه؟
دى البلد بايظة
لازم نكون ايجابيين ونحس بالناس
مش علشان انا مرتاح يبقى ينعل ابو الناس لا !!!!

انا عن نفسى مع التغيير

تم نقل الموضوع

انا بردوا مع التغيير مش مع حسني بااشاا
ناوي ارشح البرادعي ونفس الوقت انا متاكد ان لو مبارك اترشح حيفوز او حتي ابنه
شكرا ع التوبيك رونالدو

يسقط حسني وأعوانه فسدو البلد وخربوها كل اللي عمله جمال عبد الناصر رحمة الله عليه ضيعو في ثواني رجع الاحتلال بطريقه بارده وباع الارض

خلينا واقعين احنا بنعبر عن راينا بشوية كلام
شوفوا اللى طلعو عملو مظاهرات عملو فيها اية مسحو بكرامتهم الارض
وجمال هو اللى هيمسكها برضانا او غصب عننا
اساسا البلد خربت خلاص الكبار هما اللى واكلينها وسرقين خير البلد
كل سنة عدد المصريين اللى تحت خط الفقر بيزيد بملايين

tena كتب:

وجمال هو اللى هيمسكها برضانا او غصب عننا

فعلا

بس لازم نقول كلمتنا
ونكون ايجابيين

جااااامده هوه ده حاالناا اللي يخرب بيتك يا مبارك

ع فكره العيش اللي اتسمم كان ف النجع اللي اناا فيه الا اذا كان فيه عيش تاني اتسمم بالرصااال

كلمات راقصة

بقلم جلال عامر ١/ ٢/ ٢٠١٠

■ أكتب.. قصة شاب تخرج فى الجامعة بتقدير «امتياز» موضحاً أسباب انتحاره.

■ عندما تولى السيد الرئيس عام ١٩٨١ كان عمرى «٢٩» سنة وفاكر يومها كنت أرتدى بلوفر سماوى وبنطلون جينز.. من يرانى يتصل بالجريدة.

■ مساحة الحرية تساوى حاصل ضرب «عرض المواطن» فى «طول الضابط».

■ البعض يريد مصر بدون حدود شرقية «مربع ناقص ضلع».

■ لغز الزيادة السكانية.. نحن نزيد مليوناً وربع المليون كل عام وهو مرتب «إبراهيم سليمان» كل شهر.

■ المصريون تجمعهم اللغة والدين والعادات والتقاليد وممكن يعملوا دولة.

■ آخر أخبار «الضبعة» إنها رجعت لجوزها «الضبع».

■ بدأت أقتنع أن احتياطى «اللاعبين» فى المخازن واحتياطى «القمح» يجلس على الدكة.

■ «السمكة» تفسد من رأسها.. هذا فى عالم البحار، أما فى عالم الأنهار فالذى يفسد هو «الصياد».

■ أصبر شوية.. بعد ما يخلص «إعلان» حالة الطوارئ هييجى الفيلم.

■ استفتاء أحسن مذيع واستفتاء أحسن ممثل واستفتاء أحسن مطرب.. كل هذا فى التعديل الجديد سوف يكون بالانتخاب.

■ مرة سمعت الدكتور «فتحى سرور» يقول (واحد ميت أو اتنين ميتين أو تلاتة لا يؤثرون على نتيجة الانتخابات) ومرة سمعت الممثل «عبد المنعم مدبولى» يقول (شيلوا الميتين اللى هنا).. أصدق مين؟!

اقتربت الانتخابات وربنا يستر
بعد اللى حصل فى الشورى
صح؟؟؟؟؟!!!!!!!!!!

أنا هقول رأيي بصراحه يا جماعه
السبب الرئيسي ورا كل اللي بيحصل في بلدنا هو احنا قصدي (المصريين) ,لو كل واحد فينا عمل اللي عليه وميقولش (يعني انا هصلح الدنيا) . الموظف اللي بياخد رشوه ده مواطن مصري واللي بيدي رشوه مصري واللي بيسرق ده مصري واللي بيرمي الزباله في الشارع ده مصري ........ يعني باختصار احنا المصريين مسؤلين عن حياتنا .....
وفي الاخر مين اللي بينتخب اكيد احنا . فالمفروض ننتخب النظام الصح...

مش معقول التغير يكون علي يد الاخ المتامرك دا

[b]