حملة توقيعات كلية تجارة قنا

بدون اي مقدمات الفترة الاخيرة في كلام اني الامتحانات حتكون 15 يوم زي الترم الاول و انا قلت قبل كده لازم يكون لينا موقف و للاسف مفيش حد اتفاعل معايا بشكل كافي عموما انا ببدأ بنفسي اولا بمبادرة فردية ...............
في طلب انا كتبته حاليا بطلب فيه من العميد يعيد نظام 3 اسابيع الامتحانات مع العلم هو عنده الامكانية دي مش قرار وزاري بتحديد 2 زي ما قالوا الترم الاول في جامعات كتير كانت 3 اسابيع .. الثاني اعادة نظام امتحانات التخلفات...
عموما الخلاصة
انا عاوز رجالة سواء شباب او بنات يقفوا معايا في حملة التوقيعات انا درجت عينة مكونة من اكثر من 100 طالب من مختلف الدفعات و محتاج توقيعاتهم و اكيد اتمني اني انتوا تكونوا من الناس دي ..
عموما دي مبادرة و اتمني تكون مفيدة خصوصا مع الجودة الاعتماد اللي هما عوزينها (يعني من مصلحتهم يوافقوا)
ياتري في حد حيقف معايا أتمني اللي عاوز يشاركني يتواصل معايا سواء في الموضوع العام او علي الخاص....

شكرا يا وائل علي التفاعل و اكيد حنتاجك معانا علي فكرة لما نتفاعل اكتر اكيد حنوفر الوقت .. اتمني اني الناس الباقية توقع و محدش يخاف
و انشاء الله في اقرب وقت حيكون انتهينا من الموضوع ..

انا معاك ياراوى
شوف ايه المطلوب وانا معاك
اامر بس
ده مستقبلنا يا جدع
لازم يكون لينا موقف
ايه السلبية اللى احنا فيها ده
هتفوقوا امتى؟؟؟؟
اما يروح عمركم وانتوا لسة فى الكلية ده؟؟
هتفوقوا امتى؟؟؟؟؟؟
فوووووووووووووووقوا بقى حرام عليكم
حددوا ولو لمرة واحدة مصيركم بايديكم
.........(ده مستقبلنا لو ماخفناش عليه مين هيخاف عليه).........

اتوكل علي الله
بس بجد نظام اسبوعين احسن بنخلص بسرعه وانت عارف بقي قلق الامتحنات والضغط الي الوحد بيكون فيه بصراحه هي اخرها اسبوع

شكرا يا man و كمان شكرا يا محمد
محمد انا مش حطول عليك كفاية اقولك انت تقدر تراجع بس مادة البحوث في يوم و احد .........
عموما يا جماعة علشان مقنولش كلام بدون جدوي انا عاوز منكم التالي ..
اللي عاوز يقف معانا يرسل بيناته علي الخاص عندي انا عاوز و احد او اتنين من كل دفعة ....دي علشان نحصل علي التوقيعات بسرعة قبل نهاية الشهر ..

انا معاااااااااااك يا رواى 100فى الميه
وبجد انا حاسه انو الطلبه عندنا البعض منهم عندهم سلبيه بعض الشئ بس الحاجه دى مش فى مصلحتناعلى فكرة انا كنت هاعمل الحركه دى ونعمل شكوى وكداا بس مغيش حد كان مشجهنى وبعدين جامعه القاهرة يعنى اساس الجامعات كانت بين المادة والتانيه 5 ايام يا جامعه واحنا مناهجنا اكبر منهم بكتيييير وهما بيدرسوا خمس مواد بس وامتحاناتهم مريحه بس انت قول ايه اللى هيحصل واحنا معاك

طبعا معاك يا راوى ده مستقبلنا ولازم ندافع عنه

شكرا يا menna و كمان همس علي التواصل .
عموما انا بطلب بس منكم أنكم تكتبوا مواعيد محاضرات دفعة تالتة عربي و انجليزي يوم الاثنين او الثلاثاء او الاربعاء علي الاكثر علشان التوقيعات تكون جاهزة و تتسلم علي يوم الخميس انشاء الله ...
ياريت علي وجه السرعة .....

انا معاك يا راوي

طبعا كلنا معاك .. وانا اولهم

معاك يا كبير واللى عايزه انت واللى احنا عايزينه حيتنفذ بالذوق ولو ما اتنفذ بالذوق حيتنفذ بالعافية يعنى هيه راحت فين فين المظاهرات واعمال الشغب واحنا مشاغبين جامدين جدا وياريت يا راوى تعتبر ان الفرقة الثانية كلها وراك وبالعدد اللى انت عايزه اوكى يا مان تحياتى

يا سلام عليك يا " راوى " دئماً جاااااااااامد
واكيد كل التأكيد < انا معاك > بس احب اعرف اكتر
كيف هنوقع وفين بالضبط وامتى
ربنا معاك يا غـــــــــــــالى

طبعاااااااااا معاك يا راوى

الحبوب كتب:

معاك يا كبير واللى عايزه انت واللى احنا عايزينه حيتنفذ بالذوق ولو ما اتنفذ بالذوق حيتنفذ بالعافية يعنى هيه راحت فين فين المظاهرات واعمال الشغب واحنا مشاغبين جامدين جدا وياريت يا راوى تعتبر ان الفرقة الثانية كلها وراك وبالعدد اللى انت عايزه اوكى يا مان تحياتى

شكرا يا علي روح الحماسية يا ( الحبوب )
لكن احنا ناس غلابة لا بتوع مظاهرات و ضرب احنا بنطالب بحقنا بشكل سلمي زي ما هو مطلوب
و انشاء الله ربنا يكرمنا و يوفقوا

شكرا يا ماجيك و كمان ليك يا ميدو علي التواصل .
انا بس بطلب مواعيد محاضرات الفرقة الثالثة و التانية حاليا يوم الاثنين او الثلاثاء و الاربعاء علي الاكثر و انشاء الله التوقيعات تتسلم يوم الخميس
اتمني اني حد يرد بسرعة و اللي عاوز يتواصل بشكل فعلي يبعت بياناته علي الخاص ..........

بص يارواى الفرقه الثالثه يوم الاتنين الساعه 11 محاضرة التفييم ويوم التلات مفيش محاضرات عندنا يوم الاربع معانا من 8 الى 12

بصراحة يعني اسمحي لي ...اقولك خطوة موفقة في انك تعمل دا..وانا عايز اكون معاك علي فكرة وياريت بقي نتغير حبة ..بس انا مش عارف حقدر اساعدك ازاي وانا مش في قنا حاليا ومش حكون هناك خلال الشهر دا....لو في طريقة اقدر اساعدك بيها ياريت تقولي او تكتب اسمي ..ابقي رد عليا بس وانا إن شاء الله موجود....
وزي ما قالوا لايأس مع الحياة ....لعل وعسي يكون العميد حي ويسمعنا

شكرا يا menna علي مجهودك و انت كده اكيد شاركتي معان.
شكرا يا احمد انت بردك اكيد صوتك و صل و جزاك الله خيرا ..

عموما انا كنت النهاردةفي الجامعة بتاريخ 26/4/2010 و في اخبار ايجابية في الاجتماع اللي حصل بين اعضاء هيئة التدريس و ريس الجامعة . و بيقولوا و الخبر غير مؤكد حتي الان اني الامتحانات ثلاث اسابيع ................. و كمان ان شاء الله في امتحان تخلفات قبلها بأسبوع عموما ان شاء نتأكد من الخبر بكرة او بعده .
بس دي مش معناه اني نوقف حملتنا عموما احنا و صلنا حتي الان حوالي 75 توقيع من اصل 120 و الصراحة مكنتش متوقع التجاوب دي من الناس خصوصا و محدش يزعل البنات منهم هم اكثر الناس اللي وقعوا معانا ......... شكرا لكل الناس اللي وقفت معانا ..

الحمدلله ..

انا عن نفسى بتكلم بأسم تجاره انجليزى ..

كنا عملنا نفس الفكره وجمعنا التوقيعات ..

وكمان قابلنا ..رئيس الجامعه فى المكتب بتاعه

وكمان فى مقر الحزب خارج الجامعه ..

والحمدلله وفقنا ربنا ..

..

وكمان بنحدد جدول الامتحانات دلوقتى ..

ياريت ..تشاركوا معانا بجدول الامتحانات

زى ماعملنا الترم الاول ..


والحمدلله كان االجدول زى ماقلنا ..!!