موضوع مهم للغاية ارجوكم لازم تشوفوه

انا النهاردة يا جماعة هتكلم معاكوا فى موضوع مهم انا شخصيا بعانى منه احنا دلوقتى منتدى محترم بنمثل جامعة محترمة واللى بيمثل الجامعة دى شباب محترم احنا المنتدى بتاعنا كويس والحمدلله ::انا هدخل فى الموضوع على طول المشرفين فى بعض الاحيان بياجوا على الاعضاء شوية.. اولا تيجى المشرفة او المشرف تقوم باعتة الموضيع الى الارشيف ويجى العضو يدور على موضوعاتة يلاقيها راحت الارشيف من غير ما يعرف لية هى راحت الارشيف دة بقى تقليل من قيمة العضو والعضو لو حس ان المنتدى بيقلل قيمته هيطنش المنتدى دة ويكبر دماغة منه صح كلامى اكيد صح لانى انا واحد فى مواضيع ليا راحت الارشيف من غير ما اعرف السبب هى راحت لية بس المفروض ان المشرف اللى يبعت موضوع للارشيف يبعت رسالة خاصة للعضو يفهمه فيها سبب نقل موضوعه للارشيف وكل مشرف يعمل الحاجة الصح ويحافظ على المكان اللى هو فية ويشوف شغلة كويس فى مكانة او يسيبة لان اكيد هيتحاسب ع الكلام دة كلة وتانى حاجة موضوع الشات وعلبة الدردشة المشرفين بيعملوا تجديد لعلبة الدردشة والاعضاء لسة بتقرا الرسايل والردود على الكلام من غير اى احترام للاعضاء ياريت تهتموا بموضوعى انا عارف انه ممكن يروح الارشيف بس كفاية انى قولت اللى عندى واتمنى انكم تتقبلوا كلامى بصدر رحب وشكرا

اخوكم احمد

أنا ما اقدرش ألومك
بس المشرفين بردو ليهم وجهة نظر في المواضيع اللي بتنزل ع المنتدي

انا عن نفسى بابعت رسالة لاى عضو بنقلة موضوعة
وتقريبا معظم المشرفين كدة
بس ممكن يكون المشرف او المشرفة نسنى ينبهك
معلش نلتمش العذر
طبعا صاحب الموضوع هيزعل لكن لو حصل الموضوع اكتر من مرة معاك
اكتبة فى قسم الشكاوى
واكيد المشرف اللى عمل كدة هيبين وجهة نظرة

انا المشرفة اللي بتبعت التوبيكات للارشيف لانهم بيبقوا مكررين
وانا بردوا اللي بتعمل تجديد للدردشة من غير ما استازن حد
وانا حضرتك مش ببعت لحد رسايل ع الخاص

يا راجل انا اتخضيت موضوع وحوار يا راجل كبر دماغك شوف الجنائى والمدنى وفكك من الحورات دى يا ابو عبد لله

كام مرة هنفضل نقول المشرف في اليوم بيقعد ينقل ويحذف اكثر من موضوع لو قعد يبعت رسالة لكل كاتب موضوع علي أن موضوعه أتنقل للحتة الفلانية علشان كذا وكذا
أو الموضوع راح الأرشيف علشان مكرر مش هينجز
طبعا الي يقدر يعمل كده يبقي ربنا مديه الصحة
والي مش هيقدر مش هنعمله محاكمة ونسجنة علشان بيشوف شغله
طبعا الكل ملاحظ قلة عدد المشرفين الموجودين وإن المراقبين هما الي شغالين في الأقسام كلها
يعني لما المراقب يراجع 15 موضوع في الدخول بتاعه
لو صادف ان كلهم عاوزين يتنقلوا هيعمل أيه
يا ريت نراعي ونحط نفسنا بدل المشرف

وبعدين مسالة تجديد صفحة الشات أنا رديت عليك وقلتلك عليها يا احمد ولا ناسي؟
وان كنت نسيت افكرك موضوع التجديد بتاع صفحة الشات علشان الصفحة بتتقل لما يكثر الكلام فيها
فالمشرف بيروح مجدد الصفحة ومش هيقعد يقول انا هجدد الصفحة علشان كذا وكذا
ثاني حاجة ممكن يكون في كلام أتكتب في النص وسط الكلام غلط يا حد شتم يا حد كتب ميل يا حد كتب رقم موبايل
فلازم الحاجات ديه تتمسح
شكرا لكم
أتمني أني أكون وضحت الأمور

يا فاروق انت لو قريت تاريخ التوبيك هتلاقية قبل ما اتكلم معاك اصلا ........ وانا فاكر كلامك ومش محتاج انك تكلمنى فية تانى الحمد لله عندى ذاكرة كويسة...... وابقى قول للانسة ساندى متزقش فى ردها عليا

بصراحة يا احمد انت عندك حق

حكاية نقل المواضيع حاجة تدايق ..فجاة تيجى مش تلاقى موضوعك بس فوكس وضحلك الضغط على الرقابة العامة

طيب مدام كدة رقى اعضاء لمشرفين وكل واحد يشوف شغلة ولا خلينا كدة كل الشغل على اتنين تلاتة وخلاص

كمان حكاية الشات فعلا حاجة تمل كل شوية تجديد وفكرينها لعبة ومحدش بيستاذن ودة غلط ومتتعبش نفسك يا احمد دة مش هيتصلح اصلا

معاك حق يا فارس بس نقول اية اتفرج على ساندى كاتبة اية المفروض الواحد قبل ما يعلق يحط نفسة فى مكان الشخص اللى هيعلق علية مش سوق خضارهو ولا الموضوع موضوع فتونة

ع فكرة انا فى الاول قلت كلامك صح لانة فعلا صح

تعرف يا احمد انا فى ناس كتير هنا ولا بيفرقوا معايا ولا وجودهم لية تاثير اصلا وفى ناس اغبية وناس مبتعرفش تتكلم وناس عقلها صغير وفى ناس كويسة ومحترمة

بس ساندى دى حطها فى قائمة كدة لوحديها مش بقول كدة مدح فيها بس دة حقها سواء رضينا او لا
تعرف دى احسن عضو بيعرف يتكلم هنا وانا مش فاهم هى كتبت كدة لية بس دى بالذات تحطلها مليون عذر لانها تستاهل

وياريت تقولها انتى قلتى كدة لية وتفهم منها الاول وانت بصراحة عندك حق لان كلامها كان متعصب كتير وانا اتفاجات بية

معلش يا احمد اصبر واسال