قبل ما انام فى حاجات لازم اعملها؟؟؟؟؟؟؟؟؟؟

قبل ما أنام فى حاجات لازم أعملها
أحسب حسابى هدومى أعلقها
أرص لعبى و أوضتى أروقها
و أشيل حاجات اللى أنا باستعملها


أكيد معظمنا ان لم يكن كلنا
سمعنا الاغنية دي للمطرب الصاعد الواعد
الي حيقعد كل المطربين في بيوتهم ويخلصنا من وجع الدماغ
نااااااادر ابو الليف

ما علينا موش هو دا موضوعنا
"وانا راكب انا وصاحبي الانتيم ((ايمن ))
اليكروباظ على رأي عضو معانا هنا
المهم اشتغلت الاغنية دي

ميلت على ايمن وسألته
ها يا ايمن وانت بقا بتعمل ايه قبل ما تنام
بصلي اوي كدا وضحك بصوت عالي

قالي طيب وانت بتعمل ايه

ببص لاقيت الي كانت قاعدة جنبنا مركزة أوي في الحوار
فالطبيعي يعني اني محرمهاش من مشاركتنا في الحوار
فسالتها وانت بتعملي ايه قبل ما تنامي
وهي سالت صاحبتها الي كانوا قعدين في الكرسي الي روا
المهم ان المشروع كله بقا يسأل بعضة
بتعمل ايه قبل ما تنام

الوحيد الي نجا من السؤال دا هو السواق
خفنا ليركز في الحوار ونروح احنا ضحية ابو الليف



ايه الرغي دا كله بقا !!!!!!!!!!!

وحشني الرغي

نيجي للمفيد
كل واحد بقا يدخل الموضوع هنا
يقولنا بيعمل ايه قبل ما ينام اخر حاجة بيعملها قبل ما يدخل السرير او بعد ما يدخل السرير

في مننا الي يصلي ركعتين ويدخل ينام
في
الي محافظ على ورد معين من القرأن
في
الي لازم يعمل مكالمة تليفون فهمني طبعا
وفي
الي يحب يسمع اعنية معينة

المهم ان كل واحد يقول هو بيعمل ايه قبل ما ينام

في انتظاركم

قبل النوم ابص على الفون وبعدين اقرى قران وشوية ادعية وبعدين سرحاااااااااااااااااان ساعة ساعتين تلاتة هى وظروفها بقى اجيب اليوم من اوله كل حاجة عملتها صح او غلط وكمان افكر بكرة هعمل اية
ولما اخلص تفكير تقريبا كدة بيكون الصبح وصل واقوم على طول دايما تلاقينى مش بنام كتير
وربنا يصلح الحال بقى

نايس توبيك

هو محدش بيعمل حاجة خالص قبل ماينام

انا بدخل المنتدى قبل ما انام وبعدين مش عارف

اقولك انا بتعمل اية بعدين يا محمد حسين بتكلم المدام بتاعتك البنت اللى اسمها ......
وبهديلك فى النهاية اغنية دامت لمين

هههههههه عيب يا ابو عبد الله محمد حسين صحبك

انا مبعملش حاجه بنام ع طول

انا بقي بعمل حاجات كتير يعني بصلي وبشرب اللبن وبغسل سناني ورجلي وبعدين بنيم الدباديب بتاعتي وبعدين بفضل افكر كتير في كل شىء عملته وبعمله وبعدين بنام
نايس توبيك

براااااااااااااااااااااااااااافو عليكى والله شايفين الناس اللى بتحب ربنا يارب تكونى كدة على طول وربنا يكرمك ان شاء الله

انا بقي زي ياسمين بالظبط لانها طبعا صاحبتي الانتيم بس مبشربش اللبن عشان مبحبهوش بس بعمل بقيت الحاجات اللي بتعملها

ربنا يكرمك بس ابقى اشربى اللبن لانة فية كالسيوم بدل ما تكبرى فى السن وتلاقى نفسك عندك هشاشة فى العظام لا قدر الله