المستكاوى يرد على جهل عيسى

السلام عليكم

ازمة كبيرة فى الشماعات بعد لقاء القمة
حسام يقلك الاصابة ولينا ضربة جزاء وجون تريكة اوفسايد وجون شريف باطل علشان وائل جمعة زق الحيطة(اصلها حيطة بلاستيك)
نسى اخطاءة وضحك على جماهير الزمالك والمشكلة انهم بيصدقوا

يعنى ليكم 6 سنين مطحونين امتى هتتعلموا تحترموا المنافس
ع فكرة هتكسبوا الاهلى بس بشرط لازم من جواكم تعرفوا انة فريق كبير ومحترم ويتعملوا الف حساب ودة الفرق بينا وبينكم

دة رد المستكاوى على الجاهل الحاقد ابراهيم عيسى.......

حتة المختلط..انا بس يعنى انا مش عايز اقول انى دارس تاريخ لا
انا قارى تاريخ الزمالك كويس جدا وتاريخ النادى الاهلى وفى كلام اتقال ان النادى الاهلى نادى اجنبى بردة النهاردة من الزميل ابراهيم عيسى ربما قال هذ الكلام
الحقيقة
وانا بقول الكلام دة بمحاضر رسمية وبوثائق
نادى الزمالك عملة واحد اسمة مرزباخ دة بلجيكى رئيس المحاكم المختلطة و اسم المختلط للناس اللى المسالة مخلوطة عندها مش مختلط يعنى نادى اجنبى
دة نسبة لرئيس المحاكم المختلطة ودى محاكم كانت بتفصل فى القضايا بين المصريين والاجانب يعنى مش نادى مختلط دى نمرة واحد
نمرة اتنين الزمالك كان فى اجانب والجزيرة كان فيها اجانب والاهلى كان فى اجانب وكل اندية مصر كان فيها اجانب
سنة 1915 كان فى اجانب فى الزمالك وبعدها قامت حملة تمصير قادها الاستاذ الرائد الاعلامى ابراهيم علام يعنى بعد 4 سنين كان نادى الزمالك مصرى 100% لكن فى اجانب ولكن ادارتة مصرية
ودة كلام بوثائق مكتوبة


النادى الاهلى اللى عملة مش سعد زغلول
سعد زغلول دخل النادى الاهلى سنة 1924 انما لم يكن رئيسا للنادى الاهلى لان لما تقرر ان سعد زغلول يبقى رئيس الجمعية العمومية مكانوش يعرفوا اسمة الكلام دة كان سنة 1908 بصفتة وزير المعارف
النادى الاهلى اللى عملة واللى اسسة مواطن مصرى محامى اسمة عمر لطفى بك واخد الفكرة وقالها لمصطفى كامل اكرر لمصطفى كامل الزعيم الوطنى
واول رئيس للنادى الاهلى كان ميتشيل انس اجنبى انجليزى وكان فى وزارة المالية جابوا النادى الاهلى ومجلس الادارة(اللى اسس النادى مصرى قلنا) علشان كان محتاج فلوس ويقدر ياخد من وزارة المالية اعانات
هذا موضوع موثق وعمرها 104 سنة بخطهم فى النادى الاهلى
الناس بتقول سعد زغلول لالا
اللى لية دخل بالاهلى مصطفى كامل

حصة تاريخ اهى...دة فيديو 5 دقايق على مودرن علشان ميجيش بعدها حد يقولك المستكاوى كتب وقال ومش عارف اية دة صوت وصورة

يعنى الزمالك مؤسسة وادارتة ورؤسائة اجنبى 100% ولم يتم التمصير الا بعد 4 سنين من انشاؤة

عكس الاهلى مصرى 100% ولكن اول رئيس انجليزى

كدة بقى واضحة اهى وباينة كل حاجة علشان ميجيش حد يألف بعد كدة

ملحوظة:
جماهير الزمالك صدقت ما لقيت حاجة تهلل عليها
مواقع الزمالك كانت مصدومة وقالت كلمة حق وبعدها قلبت كعادتها سباب وشتم فى اليهود الاهلاوية
المشكلة بتصدقوا كل حاجة دلوقتى عرفتوا التاريخ من ابراهيم عيسى سبحان الله عليكم صحيح جمهور غلبان
الافضل انكم تشوفوا صفقات جديدة او مدير فنى كفء او حتى رئيس نادى محترم وتبطلوا نغمة الاهلى محظوظ والزمالك مقهور ومظلوم وكل الدنيا احمر وانكم دايما على حق علشان تعرفوا تاخدوا بطولة تهديكم شوية

كمان ملحوظة تانى :
تناقل الاهلى الكرة 25 مرة وانتهت بضرب شيكا لعاشور ؟؟
الثنائية 14 فى تاريخ الاهلى باذن الله
حسام حسن الدورى القادم للزمالك
نصف قرن والزمالك لا يستطيع هزيمة الاهلى فى الكاس

افتخر انك اهلاوى مفيش مشكلة بس بدون ان تجرح الاندية الاخرى وتراعى شعورهم بردة علشان حالتهم بقيت مستعصية

شكرا ع الافاده