....... جزمتى اتسرقت ......

حرامى كان مستقصدنى \\\\فى كل حته بيرصدنى
وف الحسين راح مصطادنى\\\\ الجزمة خدها وقال يافكيك
خلانى ابكى واقول يانى\\\\ اجيب منين زيها تانى
دى برضه كانت نفعانى\\\\ياحبيبى هاتها الله يهديك
يالص ياحرامى الجزمة\\\\شايفنى تعبان وف ازمة
بالذمة لهاعندك لازمة\\\\دى مرقعة ومش راح تغنيك
اسكافى مرضيش يرفيها\\\\وكنت فعلا ح ارميها
لكن مادام نفسك فيها\\\\تاكلها بس احشيهافريك
لوكنت راجل هاتهالى\\\\وحطها بس قبالى
اعمل مانيش واخد بالى\\\\بذمتى مش ح امسك فيك
ارجوك تصونها ولا تهنها\\\\وتخلى بالك قوى منها
صاحبها لويسأل عنها \\\\اقوله ايه الله يجازيك
عينك عليها كانت باردة\\\\مع انها صبحت خرده
لوخدت فردة وانا فردة\\\\مش كنت تبقى معايا شريك
نشرلى جورنان نمرتها\\\\وقال كمان على ماركتها
انا نفسى اعرف سكتها\\\\ازورها بس الله يخليك
منظرها يقرف وقبيحة\\\\والنعل معمول بصفيحة
وتملى بتطلع ريحة\\\\بنقعها عندى ف حمض فنيك
لسانها كده قد لسانك\\\\والوش يشبه لودانك
مساميرها تتحدى سنانك\\\\وعشان توائم تشبه ليك
انا الللى عارف مقدارها\\\\ولاحد غيرى يقدرها
بدل ماتسرق اجرها\\\\لاتيجى يوم تستهتر بيك
اوقبل سرقتها تقيسها\\\\وتشوف حالتها وتدرسها
ما هى لوتفكر تلبسها\\\\اعمل حسابك راح تهريك
فى الوحلة تخلع وتعكك\\\\وفيهامسمار هايشكك
وتقل ادبك هتسكك\\\\ودى اللى فعلا هتربيك
وعشان ضميرك كان معدوم\\\\دعا عليك قلبى المكلوم
طالب تقوم مفزوع م النوم\\\\وهيه نازلة بتضرب فيك