ساعات بشتاق

مين فينا مبيشتقش لايام زمان
الاغنية دى عجبتنى قوى اغنية محمد فؤاد الجديدة
كلمات اغنية ساعات بشتاق
ساعات بشتاق ليوم عشته وانا صغير
لشكلي قبل ما اتغير
لأيام فيها راحه البال عشان كنا ساعتها عيال
ساعات بشتاق للحب القديم
ولصوت عبدالحليم
لنومي فحضن لبس العيد واحساس ان بكره بعيد
لفنجان قهوه من امي وانا بذاكر
لفرحه ابويا لما انجح واكون شاطر
للمه عيله فالصيف لما بنسافر ع مطروح
لاول لمسه من ايد اللي حبتها
لضحكتها ورقتها وبرائتها لدمعه فعيني يوم البعد خبتها
وانا مجروح
ساعات بشتاق ليوم عشته وانا صغير
لشكلي قبل ما اتغير
لأيام فيها راحه البال عشان كنا ساعتها عيال
ساعات بشتاق لخالي وعمي ولجدي
لحواديت من بتوع ستي لليله من ليالي زمان الفرح يملى كل مكان
ساعات بشتاق لبيتنا الكبير والناس مليانه خير
لا باتو فيوم مره شايلين ولا عملوا حساب لسنين
للعب الكوره فالشارع فحتتنا لأمي وهي بتعيد ع جارتنا
لرمضان بنوره بيهل ع بيتنا وكل مكان
حاجات عدى عليها سنين سابت فينا صور جوانا عايشه زي اسامينا
ولا الدنيا ولا الايام تنسينا ليالي زمان
ساعات
(ميورة)

انا بشتاق لكل حاجه فى الاغنيه حصلتلى على فكره اى حاجه تعملها لاول مره عمرها متتنسى يعنى انا اهم مرحله فى حياتى هى الكليه علشان بجد احلى ايام وعمرى ما هلاقى زيها كل حاجه كان ليها طعم وطعم تانى والحمد لله انى عشته وكمان لسه معايا الصحبه الحلوه ال بجد لو لفيت الدنيا كلها مش هلاقيها
بجد بشتاق للعيد واحساس الطفوله بيه لمما بستناه يجى علشان اللبس الجديد وال عديه
وبجد عمرها متتنسى الايام دى علشان محفوره فى ذاكرتى

وحشاااااااااااااااااااااااااانى اوى يا ميورة والله
وحشانى ايم زمان ايام ما كنا على طول على المنتدى
ويسعدنى اكون اوووووووووووووول واحد ارى على اجمل موضوع لجمل وحدة واجمل اغنية
بجد والله جميلة اوى واتناقشت فى اكتر من برنامج
وبجد اختيارك موفق

ياااااااااارب تكونى فكرانى

وحشتونى يا جماعة اكيد فكراك يا احمد انت اخويا الصغير وسلملى على احمد ادم كتير
مرسى يا سوسو على ردك انتى واحمد
اكيد كل واحد فينا لة زكريات ومواقف جميلة طول عمرة هيفتكرها ويحكيها لاولادة واولاد اولادة
بس ان شاء الله كمان نعيش ايام جميلة ايام احلى من ال فات
لو قولت ساعات بشتاق هاقول بشتاق لايام الكلية وشغل الكلية واكيد لكل اصحابى
بشتاق لايام زمان والبرائة وبشتاق قوى لاضفاير بتاعت زمان ال ماما كانت بتعملهالى
تسلمولى على ردكم
(ميورة)

انا مواليد السعودية وكل ذكرياتى هناك وهموت وارجع
والاغنية دى فكرتنى بطفولتى هناك لانى كنت هناك مدللة فوق الوصف اما هنا زى زى غيرى ف البيت هنا اساسا حاسة انى مش عايشة

ان شاء الله ترجعى وتفتكرى زكرياتك الجميلة
وكمان هنا هاتكون زكريات ليكى كل مرحلة الواحد بيفوت فيها بيكون لية زكريات وان شاء الله تكون زكرياتك كلها حلوة وتفتكرى احلى الاوقات ال قضتيها هنا وهناك
مرسى kh
(ميورة)

اكيد دا كلام محمد فواد
كلها احساس
رائع جدا

انتى ال رائعة يا ميروو
مرسى على ردك
(ميورة)

اغنيه جميله ومعبره

انا بشتاق لكل ثانيه عشتها فى الكليه

بشتاق لاجمل صحبه كانت تجمعنا

بشتاق لكل ثانيه عشتها وبعشهه


شكرا يا ميوره على الموضوع ده

تسلميلى 4m
يا رب ديما تفتكروا ايام جميلة وتعيشوا ايام اجمل ياااااااااااااااااااااااااارب
(ميورة)

سعات باشتاق لسنه واحده عشتها ف قنا مع ديبو وادم والمتر تامر
بجد احلى احلى سنه فعمرى
واحلى ما فيها كانت زياره هيثم والمنمل ومحمود والله دى شله انا بحسدهم على حبهم لبعض
اكيد يا ميوره انتى تعرفيهم وشفتيهم مع بعض اكتر منى
بس والله الناس دى قعدت معاهم ساعات اتعلمت منهم اكتر من اللى اتعلمته فعمرى كله
والله وااااااااااااااحشتنى ايام السكن اللى هاتحرم منها سنه كامله

ربنا يوفقك فى دنيتك ياااااااااااااااااااارب وتقابل ناس كتير تستفيد منهم
اما هيثم ومحمود ومنمل وادم دول لو اتكلمت عليهم الكلام ممكن ميعبرش على مدى احترامى وحبى ليهم دول ونعم الاصدقاء
ربنا يكرمك فى حياتك ياااااااااااااااااارب وتسلملى
(ميورة)