تعالو نبدأ نحاول نغير

السلام عليكم
الحقيقه انا من فتره كنت بشوف شوية فقرات في التليفزيون من ضمنها كانت استضافة لمجموعة شباب فجامعة القاهره واسكندرية والحقيقه انهم بجد عملو مجهود كبير جدا في مناقشة وتنفيذ مشروعات كتير جميلة بداية بالبيئه وصولا للتعليم وزاي نقدر ننمي نفسنا بس زعلت جدا لان كل حد نكلمو علي جامعة جنوب الوادي او نقولو انا من جامعة جنوب الوادي يضحك طب متيجو نحاول اننا نخلي مننا حاجه نتشرف بيها زي الناس دي مبتعمل وكل واحد عندو معلومه او فكره معينه يطرحها ونناقشها مع بعض اكيد هتفيدنا أن شاء الله .

واول موضع انا هبدأ بطرحو يا تري ايه رأيكم في وسائل الاعلام والطرق اللي بتتبعها فتوصيل المعلومه ويا تري اللي بيحصل دلوقتي في القنوات العربيه ده فمصلحتنا ولا لا؟

وسائل الاعلام المصريه مصيره وليس مخبره بمعنى ان هناك جهات معينه متحكمه فى الاعلام المصرى وعلى كل حال لا انكر ان هناك مايفيد فى الاعلام المصرى وهذا من وجهة نظرى جانب جيد ولكن علينا محاربة الفساد الاعلامى الذى يضر بالطفل قبل الشاب وليس فى ذلك انكار لكثير من برامج التليفزيون المصرى المفيدة ولكن السيئه تعم

والله معتقدش ان الاغلبية بتستفيد من القنوات دي لان أي واحد اذا فكر انة يشوف قناة يبقى ليشوف مباراة كرة قدم ليشوف فيلم أو مسلسل صعب انك تلاقى واحد من ضمن 10 يستفادو من معلومات تفيدهم فى حياتهم الشخصية ,.,.,,.,.,.,
يارب أكون من المستفيدين دول

والله انا اضم صوتى لصوتكم جميعا لكن يجب الا نضع المسؤليه الكامله على الاعلام ايا كان اى فى اى بلد المهم ان كل واحد يعرف هو مين وديانته ايه وايه اللى يتحتم عليه فعله فى جميع الظروف ياجماعه على مااعتقد ان احنا فى سن يقدر الشخص يعرف الصح من الخطأ ولا ايه؟

---

[justify]

والله انا فهمت وجهه نظرك كويس قوى واعتقد ان احنا عارفين كويس غيبوبه الشباب دى فى مصلحه مين يعنى مثلا انا حابه الفت نظركم لحاجه مهمه شوفوا الافلام الاجنبيه دلوقتى الغالبيه عن ايه؟عن الخيال طبعا وده ليه ؟ليه افلام بعيده عن الواقع؟ احنا ياجماعه عندنا شباب فى سن المراهقه اللى حابين يبقوا كاجول لان دى المضه عندهم الشباب دول هم المفروض اباء وامهات المستقبل .عندما يبتعدو عن الواقع يبقى فين التقدم ده بالعكس يزداد التخلف وتبقى بلادنا لاقيمه لها وعندما يحدث هذا يبقى مفيش اتحاد لان كل واحد بيفكر فى نفسه وميعرفش حاجه عن الواقع.ولكن فى النهايه اعلق برده تانى وثالث ولاخر العمر على احنا مين وديانتنا ايه ياعرب .ارجوا من كل قارئ ان يتفهم مااقصده واعنيه .

مشكور اخونا علي المضوع
اما عن وجه نظري اني وسائل الاعلام والتكنولوجيا بشكل عام لها وجهان وجه سئ وللاسف معظمنا بنختاره ووجه حسن كتير بنبعد عنه يعني مثلا زي مافي علي الدش قنوات اباحية في قنوات دينية متميزة .كذلك نطبق الكلام ده علي الهواتف المحمولة و الانترنت ...... مشكور اخي علي المضوع المميز

موضوع جميل يا محمود مشكور عليه

والله اغلب الى بيظهر على الاعلام ما فيه شيء من الصحه

اللى بيظهر على الفضائيات هدفه تدمير الشباب وخلاص

المشكه انهم فعلا نجحوا فى تغيير ثقافة الشباب والبنات