غياب القيم ....... موضوع متجدد

الموضوع ده هيبقى متجدد ياريت تتابعووه

موضوع النهارده موضوع مهم جدا .. ومع ذلك اصبح بيتلاشى وبينهار مع اللى بيحصل اليومين دول ... وهو ((( غياب القيم )))

القيم .. كلمه لها معانى كتيره ... الانتماء .. الوفاء .. الحب .. الاخلاص... التعاون...الصداقه ...الصدق...و....و... قيم كتير ولها معانى مهمه جدا ..
هاتكلم النهارده عن قيمه (الانتماء) ... زمان كانوا بيقولوا ... الوطن اهم حاجه فى الدنيا ونموت علشانه وندافع عنه لاخر نقطه دم فى عروقنا ...وحاجات كتير اوى كنا بنسمعها ... وكان معنى الوطن مهم جدا وفى قلوبنا قبل عقولنا ... ومحدش قالنا على الكلام ده لا احنا طلعنا لقينا نفسنا كده ...
على النقيض تماما ...الانتماء للوطن مش موجود وكمان بيتلاشى ومنعدم ... حتى علمنا اللى كلنا بنعزه وله قيمه عندنا اصبح لا معنى له حاليا ....

تعالو نمسك القضيه من اولها ... التلميذ اللى كل يوم بيقف فى طابور المدرسه ويحييى العلم .. لو سالته هتلاقيه مش عارف ايه اللى بيقولوه وكمان هتلاقيه مش فاهم ... وكمان مش بعيد تلاقيه واقف قرفان وزهقان .....وبيعمل كده كمجرد اجراء روتينى من المدرسه .... كل ده علشان محدش وقف وقاله وطنك او علمك ووطنك ده عملك ايه ووقف جنبك ازاى ..ومعنى كلمه (((الوطن ))) يعنى ايه؟؟؟

حتى المدرس اللى بيقعد يزعق ويقول للتلاميذ فى المدرسه حيوا العلم ... ممكن هو نفسه مش عارف ايه الوطن ولا معناه ولا حاجه ... لانه بكل بساطه كل اللى بيهمه فى الدنيا الفلوس والشقه والعربيه ...حتى الرساله اللى بيقدمها كل اللى بيربطه بيها هى الفلوس فقط ...مجرد باب للرزق

وتدرج طبيعى للاحداث ... بنسمع عن سرقه الاثار .. والمخدرات .. والعمليات الارهابيه اللى كلنا زهقنا منها .. وسرقه متاحفنا ولوحنا القيمه التى لاتقدر بمال ... والاستهزاء بمن لهم الفضل الاول فى رفع قيمه الوطن وعلو شانه ....

ده طبعا لعدم ترسيخ الانتماء فى قلوبنا .... ومعرفه اهميه الوطن ...

مستني ردكوا ..... قريبا مع القيمه رقم 2

» القيم الأخلاقية في السياسة المالية الإسلامية
» أعباد المسيح لنا سؤال ؟ رائعة ابن القيم
» اي طلبات تعوزووووووها ...ادخل هنا(متجدد)
» لو جدع وليك في الكره قول مين ده............وتحدي(متجدد كل يوم صوره)
» نتائج مبارايات ومتابعه للدوري المصري هنا ((( متجدد )))