دعوه لقفل المنتدى ...؟؟؟؟

مجرد رأى

أتمنى تحقيقه

أدعوكم جميعا ........ جميع أعضاء هذا المنتدى وكل القائمين عليه واخص المنشأ

ادعوكم لقفل هذا المنتدى نهائيا

المنتدى تحت إسم جامعه جنوب الوادى وتوجد به الاقسام المختلفة

تعاهد الجميع بتقديم الافاده للجميع بكل صور الافاده حيثما كانت واينما كانت طرقها

وليس بمعنى كلامى ان لا ننسى المرح والضحك والجذب والتجاذب

لماذا لا نبحث عن إفاده بعضنا البعض

بكل بساطه كل أقسام الكليات الموجوده فى المنتدى لا يوجد بها ما يفيد أحد

سواء من موضوعات متعلقه بالمناهج او موضوعات متعلقه بإسم الكليه وما يدُرس بها
او موضوعات مفيده فى الحياه الشخصيه والعامه

هل هذه هى سمه الشعب المصرى المعاصر دائما ما نذهب الى المرح والضحك المتكرر بأساليب مباحه جميعها

اين اجدادنا القدماء من ذلك فهى لا تعتبر وراثه او حتى تسويد

لماذا لا يكون هناك موضوعات مفيده لكل الكليات بمختلف المراحل وان يقوم بذلك كل مشرفى الاقسام

لماذا لايكون هناك مسابقة شهريه لإختيار مشرفين لكل قسم او مشرفين بمختلف تسمياتهم

وتعتمد المسابقة على أكثر الموضوعات المفيدة للأعضاء والتى تفاعل معها الاعضاء وإستفادوا منها وتكون المسابقة متاحه لجميع الاعضاء بشرط ان يكون قد مر أسبوع على التسجيل فى المنتدى بجانب المشاركه بعدد لا يقل عن 15 موضوع فى المنتدى

لماذا لايكون من شروط المشرفين على الاقسام المختلفه أن يأتوا بموضوعات مرتبطة بالمناهج الخاصه بالكليات او مفيده عموما ولا تقل عن 5 موضوعات فى مده اشرافهم

هذه دعوه لقفل المنتدى
إلا إذا تحققت الافاده تحت إسم المنتدى
وإسم المنتدى مرتبط بإفاده .......... وإلا فليتغير اسم المنتدى ويصبح الحل كما هو عليه من موضوعات

ملحوظه ....
أعلم ان هناك موضوعات مفيده وأعضاء يتمنون ذلك

هذه دعوه ومجرد رأى للوضع الحالى
لكى يفيد الجميع ............... الجميع

اتمنى ان توجد التعليقات للمؤيدين والمعارضين او الاقتراحات

فلا اريد أن اكون ضمن الاقليه ممن يأتون بموضوعات مفيده لا يهتم بها أحد

وإلا فمن الان أنا خارج قواعد المنتدى

من الان انا خارج جدران المنتدى

السلام عليكم

اسمحلى حضرتك انى ابدأ بكلامك أن فيه اعضاء تتمنى الوضع يبقى افضل من كده وتتحقق الاستفاده من المنتدى للسبب اللى اتعمل بسببه واكيد ده مش هيتحقق بمجهود واحد ولا اتنين بس مش معنى كده ان الواحد يحاول وما يكملش .اللى بجد عايز يحى حاجه هينفذ بس دى محتاجه شويه مجهود مش كل واحد مع نفسه زى ما للأسف حاصل يعنى مفيش اهتمام من المنشئين والمشرفين وبرضه الاعضاء .وللاسف كلام حضرتك نسبه كبيره منه صح.وانك تكون من الاقليه اللى بتأتى بمواضيع مفيده من رأى ان ده ممكن يكون سبب فى ان البعض بيدخل علشان يقرأ الكلام وممكن كمان تكون بتغير فيهم .متهيألى الموضوع محتج انه يتناقش بس اتمنى انك تغير رأيك لبعد الامتحانات لان بأذن الله هيكون فيه تغير وده امل خير يعنى .مع انى كنت اتمنى الاقى حد رد لانه موضوع من رأيى مهم بس متهيألى ان الفتره دى امتحانات وقليل اللى بيدخل وانا متأكده انه هيبقى فيه اهتمام

اسفه انى مش عارفه ارد على كلامك بطريقه مناسبه بس بجد لانه يهمنى المنتدى واللى فيه اتمنى تغير رأيك وهتلاقى اللى يساعدك كتير

شكرا للأهتمام

وانا منتظر وان شاء الله ربنا يوفق الجميع فى الامتحانات وانا منتظر
وربنا يقدم الخير دائما ان شاء الله

انا هبدأ تانى من جديد وربنا معايا مش ممكن ازهق ابدا صدقونى .......... بس احس انه فى ناس ويايا

شكرآ لاهتمامك انك ترجع المنتدى تانى بس بجد ده عمره ما هيحصل بمجهود واحد ولا اتنين ياريت اللى يقرأ الكلام اللى كتبته حضرتك يعرف انه ممكن يغير حاجه ويعمل كده مش بس كلام ووقتها هيحس انه يقدر يغير اللى حوليه على الاقل عمل حاجه يفرح بيها بينه وبين نفسه انه يبقى جزء من كيان له تأثير على اللى جواه والكلام ده بالنسبالى لان المنتدى كان جزء مهم ليا قبل ما يبقى للاسف بالاهمال ده وان شاء الله هيفضل مهم بس ياريت نحاول نرجعه ويبقى احسن وده مش صعب متهيألى لكن محتاج اهتمام صغير وبسيط مننا ويارب ده يبقى تنفيذ مش كلام وبس

السلام عليكم

انا طول عمرى عايش ميت
عايش علشان أساعد الناس بس محدش يقدر او هيقدر انه يساعدنى علشان كده انا ميت

عايش ميت
وربنا يحقق اللى انا ساعى ليه
تكمله لمشروعاتى او حملاتى انتظروها ان شاء الله هكمل حمله ( بكره بينا ) وهبدأ فى حمله ( كلنا انسان ) وكمان حمله تالته انا عاملها فى البلد بلدى حمله تطوير وتغير كده وربنا يسهل

السلام عليكم ورحمة الله
اخى الفاضل يمكننا البقاء والى الامام بس مش بالادارة او المنتدى با الطلبة فليس عيب احد الى سوانا

» (دعوه للتعارف) لكل اعضاء المنتدى
» (دعوه للتعارف) لكل اعضاء المنتدى
» اهلا بيكم .. ياترى فيه ترحيب
» هنا ممكن تكتب اقتراحاتك عن المنتدى ؟ لو عاوز تعمل او تضيف اىحاجه فى المنتدى
» دعوه