إزاي تعرف إنك في فرح مصري

لما تلاقي بتاع الكاميرا بيزوم على الشبكة وكأنها مثل قلادة الملكة إليزبيث الخامسة والعشرون.
وتلاقي كل المعازيم هايموتوا بعض وينطوا فوق بعض عشان يتفرجوا عليها.
لما العريس والعروسة يرقصوا الرقصة الرومانسية الأزلية على أغنية
( غمض عنيك واحلم معايا ) أو أغنية تامر حسني (ومايحرمنيش منك) وكل
البشر بيصوروهم بكميرا الموبايل وهما بيقولوا لبعض (يا تري بيقولها إيه ) .
لما تلقي الأغنية الرومانسية اتقطعت فجآه كأنهم بيقولولهم انجزوا ويروحوا مشغلين أغنية السهرة ( هتجوز لسعد الصغير ) وبعدها العنب لمعبود الجماهير ( بعرور ) .
لما تسمع السؤال الأبدي ( هو البوفيه هيفتح أمتي ... الواحد جاع ) .
لما يتعرض الفيلم التسجيلي البوفيه وكل ما يحتويه من لحمه وفراخ وديك رومي وكشك وسد الحنك .
لما تسمع الناس وهيا بتقول لا لا لا بس الأكل مكنش قد كده بعد تناول الطعام مباشرة وعلي رأي المثل ( بعد ما كل واتكي قال ده رضه مستكه ) .
لمل تلاقي كل البنات اللى فى الفرح بيجروا ورا العروسة عشان طبعاً ياخدوا البوكية لما تحدفه والعروسة بقي بتزلهم .
لما تلاقي أم العروسة بتقول للعريس خلي بالك منها يا حبيبي والعريس يقولها دي في عيني يا طنط .
لما تلاقي العربية بتاعت العروسة فيها جميع أنواع
وألوان الورد ودلوقتى بقت الموضة الجديدة (قلب لايت ) .
لما تلاقي الزفة انطلقت فى الشوارع مسببة الازعاج لخلق الله وبيب بيب بيب بيب بيب بيب بيب
ههههههههههههههههههههههه

ههههههههههههههههههه صحح

يبقى انت اكيد اكيد فى مصر

هههههههههه
شكرا على مرورك سندريلا

ميه ميه يا استاذة
احنا كده فعلا فى مصر

شكرا على مرورك نور