عاوزين نعرف رايك فى الجامعه ايه؟

انا الحاجة اللى ما بتعجبنيش فى الجمعة تصميمها........يعنى اول كلية تلاقى انك تمشيلها مشوار قد كده ومسافات كبيرة فى الجماعة.....يعنى انا كنت فى اسيوط كنت ادخل الجماعة الكليات كلها جنب بعض والمواصلات تدخل عادى فى الجامعة

صعوبة المواصلات وعدم دخولها الحرم الجامعي
حجز واستلام المذكرات احنا بتطلع روحنا علي ما نستلم المذكرات
المفروض يعني ان الكلية متعددة الاقسام ان يكون لها اكثر من مركز لحجز واستلام المذكرات
ارجو الانتباه لذلك

شكرا لملاحظاتكم الجميله جدا,,,,, وارائكم الجريئه...

بس دى مش كل الملاحظات ال احنا شايفينها,,,,

عاوزين نعرف اكتر عن الجامعه؟؟؟؟؟؟؟؟؟؟؟؟؟؟؟؟؟؟؟؟؟؟

انا سمعت عن حفله تخرج معهد الحاسب الالى بسوهاج , انه عمل حفله تخرج للطلبه
المعهد بفندق على النيل ودا اول فندق يقام على كورنيش سوهاج وجميع تكاليف الحفل
كانت على المعهد وحضور جميع الدكاتره,,, بصراحه شئ يشرف ((( ودا الفرق )))

عايزه اقول رأييى فى حاجه يمكن الكتير فى الجامعة مش واخد باله منها
ان الطالب لما بيتخرج مش بيكون ليه الحق انه يدخل الجامعه بسهوله
وكانه ارهابى داخل يفجر الجامعة
متضحكوش
ده اللى بيحصل والله
اتفرجوا يا ناس على حرس الجامعة بتوعنا حاجه بالصلاه عالنبى
بس الواحد لوصارحهم انه نسى الكرنيه تلاقى الواحد فيهم يعملك نفسه 30 ظابط فى بعض
ويرفض يدخلك
ولما تستغفله بكرنيه مضروب
تدخل عااااااااااااااااااااااااادى وبدون مشاكل
فعلا حرس الجامعة نموذج للشعب المصرى
واهلا بيكم فى مصر

انت اكيد اكيد فى مصر ,,,,,,,,,,,,

اناعارف نااااااااااس كتير جدا جدا من بره الجامعه دخلوا الجامعه بكرنيه مضروب
,,,
ولو انت نسيت كارنيهك وعاوز تسيب بطاقتك ؟ تدخل السجن ولاتدخل الجامعه
تدخل اسرائيل ولاتدخل الجامعه

ههههههههههههههه
طيب مقلتش يعنى ايه الحل يا ادمن ؟

سؤالك لو سمحتى ؟ وضحى سؤالك يا نوسه

قصدى يعنى ايه الحل فى حرس الجامعة وسياسة الامن المتبعة ؟

تغير الحرس الموجود على البوابه,,, تغير الفكر وثقافتهم
ازاى يتعاملوا مع طلاب الجامعه ,بطريقه زوق وفكر مثقف

عاوزين نغير الفكر نغير التعامل حاجات كتير

طبعا ان لم تطالب بحقك فلن ياتى به احد غيرك, ان لم يكن لك كلمه اذن لاتطالب بحقوق

هههههه
هو فى حد بياخد حقه فى الجامعة دى

انا اضم صوتى لصوتك يا نوسه هو فعلا مفيش حد بياخذ حقه فى الجامعه دى
الصراحه انا مش بتعجنى حاجات كتيره فى الجامعه زى مثلا طرق الجامعه مش متسفلته كويس خصوصا جسر البوابه الاولى الاساسيه والى جانب ذلك المياه من الصعب ان تلاقى ميه كويسه داخل الجامعه تشربها انا مش عارفه ليه الجامعه متوفرش كلديرات بكل منطقه داخل الحرم الجامعى لكن للاسف لو عديت الكلديرات فى الجامعه ياريت يطلعو 3 كويسين واحب اضيف حاجه التشجير داخل الجامعه مش حلو خالص يعنى تلاقى منطقه فيها شجر كتير ومنطقه تانيه مفهاش خالص من المفروض يعملو نظام للتشجير داخل الجامعه منسق يعنى بين كل كليه وكليه او بين كل مبنى ومبنى يعملو جنينه تحتوي فيها على مجموعة اشجار لكى يستظل بها الطلبه خصوصا بالصيف القاتل بالصعيد

ياريت اسمع ردكم على ملاحظاتى للجامعه

شكرا لكم

ساره

على فكرة الجامعة ده غلطة عمري والنقطة السوده في حياتي

يعني انت يا سارة شايفة المشكلة دلوقتي في الطرق والمية والجنينة بس ..........على فكرة انت شكلك مش بتروحي الجامعة غير في الامتحانات

انا عجبنى اسم الموضع جدا وانت بتقول ايه رايك فى الجامعه وعشان كده دخلت
بس فى سؤال محيرنى هى فين الجامعه اصلا انت معتبرها جامعه بجد
دانت لو بصيت على المبانى بس هتحس نفسك فى مدرسه ابتدائى بيبنو الطراز الالمانى الى اصلاا المدارس بطلته الجامعه شغاله بيه وتقولى جامعه دانا وانا داخل بحس نفسى داخل الجامعه بحس نفسى داخل مدرسه الابتدائى بتاعتى وبغض النظر عن المبانى بوص على الطريق والمشوار واحنا داخلين دانا راسى بتورم من الشمس
بوص على الحمامات الى ريحتها تجيب لحد بنزايون
انا مش بقول كده من فراغ انا كنت فى جامعه حلوان وحولت الجامعه دى غلط وغلط عمرى والله فى حلوان المبانى اخر نضافه والحمامات قمه النضافه وفى اول الطريق وانت داخل شغال الطفطف بنظام بيعملو كل حاجه لراحه الطالب فى الجامعه بتاعتك دى تحسسك انك جاى هنا عشان انت محتجلهم تعالى بقه للدكاتره ابوص القى الدكتور مشاء الله تحس طالب وسطنا والله لولا بس ما احنا قليلن لكنت افتكرت الدكتور طالب الدكتور الى جاى بقميص وبنطلون وياريت عدلين وكلامه تحس انو اصلا واخد دبلوم صنايع ولم يكلمك يحسسك انو واخد الدنيا عافيه عليك مش خايف على مصلحتك احنا مدين هنا للناس اكتر من حقهم انما فى اى جامعه نضيفه الدكتور اخر ادب وشياكه ويجبرك على الاحترام باسلوب الكلام انا عارف انك ممكن تحذف ردى ده حقك بس حقى كمان انى ارد وااقول راى زى ما انت طلبت وحقى كمان ان الناس كلها تشوف راى وهشوف بقه الديمقراطيه والحمدلله كلامى مفهوش غلط واحد والى معرضينى يرد على ويقنعنى

انت انسان جرئ جدا ولا معارضه على كلامك شكرا لك

والله هى الشمس المشكله الاساسيه عند جميع الطلاب فى جميع الكليات بالجامعه

وطبعا مافيش حد متحرك سواء اتحاد الطلبه او الطلاب او الدكاتره او رئيس الجامعه

؟؟؟؟

احنا ممكن نعمل ايه علشان نحرك الجميع ونطلب ونقول احنا عاوزين نحقق طلباتنا

انا معترض علي شكل الجامعه و مبانيها و طلبتها بصراحه

الشباب و البنات ..............بقوا غراب جدا....مش هاعرف اقول ولا اشرح

بس شكلهم مش راكب انهم صعايده خالص

بس الشباب بسم الله ماشاء الله صعايده اه بس اللي زي سوبر مان بسمع منهم شويه تعلقات والله تحس انه مقطع السمكه و ديلها و كان شغال سوبر مان قبل ما يدخل الجامعه

و حرس الجامعه و الكافيتيريات ......مستواها متدني لدرجه تخوف والله....بس اصلا مش هينفع يعلي عن كده اذا كان علشان الحاجه اكتر ربع جنيه والطلبه بيشدوا ف شعرهم امال لو فتح ماكدونالد و وصايه و مؤمن وبيتزا هت زي عين شمس و القاهره و الاسكندريه و كده هيحصل ايه

عامه هي مناسبه لمستوي الناس هنا و كويس طبعا رخيصه جدا

بس ارخم حاجه هي الحراره و الموصلات و التعسف الموجود

انا رأيي ان الجامعه جامعه ممتازة جدا ومعدل النمو سريع فيها جدا يعن احنا اول سنه دخلنا فيها الجامعه مش زى اخر سنه وهما حاليا بدأو يستغلو مساحات الجامعه فى المبانى والمساحات الخضرة يعنى اول سنه دخلنا فيها الجامعه مكانش فيها كلية تجاره دلوقتى بقى فى مبنى مكانش فى كلية اثار ولا طب ولا تمريض ولا حقوق ولا هندسه بس النهاردة بقى فى كليات ومبانى للكليات كمان
شئون الطلاب مش عايزين يشتغلو وتكلم الواحد يعملك فيها قرفان وشايل الشغل كله لوحدة والطلبه زاحمه عليه
الدكاتره مقارنة بالجامعات التانيه الدكاتره محترمه جدا وبرضه مش كلهم فى ناس ربنا يصلح حالها بس النسبه العاليه منهم محترمين
بالنسبه لموظفين الجامعة كويسين بس بتوع الICDL فيهم تلاته يخنقو

جامعة؟
انا مستغرب هي دي جامعة؟
اولا المشوار الغريب اللي واحد بياخده علصبح في الشمس و الدكاترة بيتأخروا علطول في مواعيد المحاضرات ده اذا لقو قاعة فاضية بعدين حلوة اوي الغرامة اللي حطوها علشان التدخين في المباني حاجة تفرح ده انا حاسس اني في مدرسة بعدين مفيش اماكن للراحة من الشمس كتير و الحرس مش لاقيلهم وصف حرام اللي بيحصل ده مفيش ذوق في المعاملة انا كنت في جامعة الزقازيق وبصراحة رغم انها كان فيها ظلم كتير بس ندمت عشان سيبتها ومن الاخر الجامعة اللي انتوا مسمينها جامعة معظمها لا فيها نظام ولا اخلاق ولا تنفع جامعة ومبانيها تسد النفس كل مبنى بعيد علتاني والمهندس اللي صمم الجامعة دي ما بيشوفش
ياريت يبقى فيه شوية نظام عشان الجامعة تتطور وتبقى احسن وياريت المسئولين في الجامعة يعرفوا انها جامعة مش مدرسة يبصوا للقوانين اللي بيصدوروها بوجهة نظر تانية
والنظافة في الجامعة شيء مهم ومطلوب وكولديرات بقى دي المية ثواب
هو الصراحة فيها عيوب كتير ومش عايز اتقل لان دي اول مشاركة ليا
واهلا وسهلا بكل اعضاء المنتدى وفرصة سعيدة

اولا ميرسي على الموضوع الرائع
بس زي مافي سلبيات في ايجابيات برضه
معلش انا عندي تعليق على كلام العضو ساسي ( الكافيتيريات ......مستواها متدني لدرجه تخوف والله....بس اصلا مش هينفع يعلي عن كده اذا كان علشان الحاجه اكتر ربع جنيه والطلبه بيشدوا ف شعرهم امال لو فتح ماكدونالد و وصايه و مؤمن وبيتزا هت زي عين شمس و القاهره و الاسكندريه و كده هيحصل ايه)
اولا الكافتريات مش متدنية خالص اوك معاك انها مش زي القاهرة بس برضه كويسة مش وحشة اووي وفيها حاجات كتير كويسة بعد كده مافي مطاعم بره الجامعه ممتازة جدا
ومعلش ليا تعليق على كلام التنين المصري ( للدكاتره ابوص القى الدكتور مشاء الله تحس طالب وسطنا والله لولا بس ما احنا قليلن لكنت افتكرت الدكتور طالب الدكتور الى جاى بقميص وبنطلون وياريت عدلين وكلامه تحس انو اصلا واخد دبلوم صنايع ولم يكلمك يحسسك انو واخد الدنيا عافيه عليك مش خايف على مصلحتك احنا مدين هنا للناس اكتر من حقهم انما فى اى جامعه نضيفه الدكتور اخر ادب وشياكه ويجبرك على الاحترام باسلوب الكلام )
معلش الانسان مش بالمظهر اولا اوك
بعد كده مفيش دكتور بيبقى واخد دبلوم خالص يعني استحاله تحصل
والجامعه فيها دكاترة اخر شياكة ونضافة واخر ادب ومش ضروري عشان شخص واحد يبقى الكل كده
انا اسفة بس بجد كلامهم ضايقني
واتمنى تقبلوا رايي وماتزعلوش مني

مفييش حاجه عدله فى الجامعه ولا اى حاجه خالص لا شئون ولا موظفين ولا اى اجه