هو احنا ليه لازم نعمل حساب الناس فى كل حاجة بنعملها؟

بسم الله الرحمن الرحيم
أنا مش عارف ليه كل واحد بيتدخل فى كل حاجة متخصهوش
و يا ريت على كده دى بس دى لازم يفتى علشان يبين نفسه فاهم ودى أكيد مشكلة ناس كتييير منكم أنا اللى نفسى أعرفه هو حرام يعنى كل واحد يخليه فى حاله. مش معنى كده أن الواحد ميتصرفش كويس يعنى ممكن يكون فى نصيحة مش تدخل . يعنى مثلا أكيد طبعا فى حد فى كليتنا دخلها غصب عنه وحاجات كتيرة زى كده . أنا حاسس أن الحكاية دى بتزيد
شكرا

دى مشكلتنا جميعا بنلاقى نااااااااااس كتير جدا بتعمل نفسها عارفه كل حاجه

زى مثلا لو انت حتروح مكان لاول مره وتسال المكان ده فين
تقابل واحد يقولك يمين فى شمال والتانى يقولك على شمالك على طول والتالت

يقولك لا انت ايه جابك هنا ارجع تانى

والرابع يقولك اه خد يمين فى شمال فى يمين

والخامس والسادس والخ والكل مش عارف ليه يعنى؟؟؟؟؟؟؟

حاجه فعلا مش مفهومه يعرفك انه عارف كل شارع وعارف كل واحد

الواحد لازم يستشير الاكبر منه وياخد بنصيحته او لا
والواحد لازم يعمل حساب للناس في كل حاجه لاننا في مجتمع تحكمنا عادات وتقاليد لازم نتعامل معاها ولو مش عاجبنا نترك هذا المجتمع
ولكم منا جزيل الشكر

على رأى الشيخ ابو اسحاق الحوينى قال ان مصر فيها 80 مليون مفتى
كل واحد عامل فيها انه فاهم بس لو كل واحد مننا غير نفسه اكيد الوضع حيتغر كتير

elzonty كتب:

الواحد لازم يستشير الاكبر منه وياخد بنصيحته او لا
والواحد لازم يعمل حساب للناس في كل حاجه لاننا في مجتمع تحكمنا عادات وتقاليد لازم نتعامل معاها ولو مش عاجبنا نترك هذا المجتمع
ولكم منا جزيل الشكر

مينفعش نسيب مجتمعنا لمجرد اختلاف فى العادات و التقاليد . كل واحد من حقه يكون له تقاليده بحد معين طبعا لكن مينفعش الموضوع يوصل لترك المجتمع زى ما أنت بتقول

اكيد فى عادات وتقاليد بس الانسان لازم يبقى حر نفسوا وعدم التدخل فى حيات الاخرين احنا لو مشينا وراه كلام الناس مش هنخلص

memo كتب:

مينفعش نسيب مجتمعنا لمجرد اختلاف فى العادات و التقاليد . كل واحد من حقه يكون له تقاليده بحد معين طبعا لكن مينفعش الموضوع يوصل لترك المجتمع زى ما أنت بتقول

هي دي بقى الحريه العمياء احنا مش في الغرب عشان نسيب تقاليدنا وعادات اللي معظمها تهشم وضاع كل دا بسبب شباب غير واعي ومجرد تقليد اعمي انا مش بقول علي حد معين طبعا بس احنا ناخد من عادتنا اللي يناسبنا ومن الغرب اللي يناسبنا ويتناسب مع الدين .
وبالنسبه للتطفل الناس وتدخلهم في كل حاجه <فالفزلكه> من اهم سمات الشعب المصري عشان كدا كلو لازم يعمل <فتك ووادمجدع> حتي لو مش عارف هو بيقول ولا بيعمل ايه ممكن يكون هو عاوز يساعد عشان هوا طبعه خدوم؟ ومش لازم يعرف هوا بيساعد في ايه عشان يساعد اصلا يلا ربنا يهديهم ويهدينا لاننا اكيد منهم حتي لو مش بنعمل زييهم

موضوعك ده جامد يا مان ويشد بس انا رأى ان اي انسان في الدنيا من غير الناس مش هيعرف يعيش
ولو على حوار السوال في الشارع انا لو مسالتش مش هعرف اوصل ومن غير الصداقة ومعرفة الناس محدش هيعرف يعيش لوحدة , وده رأى وممكن اكون غلطان طبعا