قضيتان جنائيتان لطلبه الحقوق من الفرقه الثانيه حتى الرابعه ؟؟؟ ورينا شطاترك وحل ويايا

دخل نايف منزل دعبس بقصد السرقة ولكنه اكتشف أن فتح الغرف الداخلية يستلزم وجود أدوات الكسر والمفاتيح المصطنعة والطفاشات التى يحتفظ بالعديد منها فى مسكنه, فخرج من منزل دعبس وتوجه الى مسكنه هو حيث حمل أدوات الفتح , وعاد ثانية الى منزل دعبس , وعند الباب الداخلى تمكن رجال الشرطة من ضبط نايف.
حدد الجرائم التى يمكن نسبتها الى الجاني مع ذكر الأسانيد القانونية التى يستند اليها.

القضية 2

قذف( زيد)( بكر) بحجر قاصدا اصابته, ولكن الرمية أخطأته وأصابت (عمرو)الذى تصادف مروره بجوار(بكر).
حدد مسئولية (زيد)عما حدث

ورونى حلولولكم وان شاء الله بعد اسبوع ههحط الحل النموذجى للقضيتين دول

منتظركم للتفاعل يا طلبه الحقوق

وانتظروا منى المزيد بخصوص هذا الامر فى الايام المقبله باذن الله

تسلم يا بوب ع موضوعك ده جميل فعلا بس انا ماجل المذاكره للدراسه انشاء الله...

تقبل مرورى
حـــــــاتم

هههههههههه ولا يهمك يا مان بس لازم يا حضره المحامى تكون جاهز لاى سؤال مش كده برضه يا زميلى العزيز ؟؟؟؟ , سيبك انت المهم نورت التوبيك وحاول تفكر وحلها معايا , وان شاء الله ابقى شوف الحل بتاعها فى خلال 6 ايام ان شاء الله

من اولها كده قضايا ايه ياابنى الرعب ده
بعدين لولا ان انا لسه هادخل تانية كان زمانى حلتهالك هوا ههههههههه

lolo9292 كتب:: من اولها كده قضايا ايه ياابنى الرعب ده
بعدين لولا ان انا لسه هادخل تانية كان زمانى حلتهالك هوا ههههههههه

ههههههههههه ,. خلاص اما تكبرى شويه وتخلصى سنه تانيه ان شاء الله وتتكونى درستى قانون عقوبات قسم عام , ابقى ان شاء الله ادخلى معانا , ولو عاوزه تدخلى تلقى نظره وشتوفى حل القضايا ازاى عشان تستفيدى منها فى حل الامتحانات , لان لازم فى امتحان القانون الجنائى يجبلكم قضيه عشان تحلوها , امل ازاى هيتخرج من الكليه ناس شاطره فى حل القضايا الجنائيه وازاى فى ناس هتتخصص جنائى اما تبقى محاميين ان شاء الله , ومش بس للمحاميين , لالا وللى هيبقوا ان شاء الله فى نيابه عامه , لان اساس النيابه العامه القانون الجنائى بجميع اقسامه وخاصه قانون العقوبات بقسميه العام والخاص وقانون الاجراءات الجنائيه .

المهم نورتى التوبيك يا زميلتى العزيزه , وشرفنا مرورك للتوبيك

خلاص احنا نعمل اتفاقية تسيب القضيتين دول من غير حل لحد اما اخلص تانية
ولو محلتهومش يبقي ساعتها اعمل اللى انت عاوزه هههههههه
ولا انت ايه رايك؟؟؟؟؟؟؟

lolo9292 كتب:: خلاص احنا نعمل اتفاقية تسيب القضيتين دول من غير حل لحد اما اخلص تانية
ولو محلتهومش يبقي ساعتها اعمل اللى انت عاوزه هههههههه
ولا انت ايه رايك؟؟؟؟؟؟؟

ههههههههههههه اسيبهم للسنه الجايه من غير حل , احنا نحلهم ان شاء الله وبعدين بأذن الله نجيب غيرهم يا زميلتى العزيزه , وربنا يسهل , مش كده برضه ؟؟؟ وعلى فكره فى كتييييييييييير من القضايا دى والشطور يحل بقى هههههههه , نورتى التوبيك لتانى مره وشكرا على المتابعه

طيب اما انت مش هتستنى السنة اللى جاية امال مستنى ايه
متحلهم بقي يلااااااااااااا اصل عايزة اعرف الحل

انا قلت انى ههحلهم بعد اسبوع من وضعهم لو محدش دخل وحاول ينول شرف المحاوله يا لولو , لكن اظاهر ان الناس دماغها مش رايقه للكلام ده

ودول اتوضعوا امتى يعنى وهوا الاسبوع باقي عليه كتير ولا قرب يخلص ولا ايه النظام بالظبط

يعنى مش كتيير , 6 او 7 سنين كده ههههههههههههه , باقى من الزمن 5 ايام لحلهم يا خلود

تصدق وانت بتقول باقي من الزمن بتفكرنى بلجنة الامتحان ههههههه

اعتبرى نفسك فى امتحان يا خلود

ايه يا اخوانا محدش عاوز يدخل ويحاول يجاوب ولا ايييييييييييه , لو محدش دخل وحاول يحل معايا , معلشى للاسف هسيبها كده ومش هجيب الحل , انا اسف يا شباب , انا عاوز ناس تتفاعل معايا , من الناس اللى وصلت لتالته ورابعه , طبعا مش هقدر اتناسى الناس اللى تكرمت ودخلت التوبيك وعلى الاقل ردت عليه ولم تمر مرور الكرام عليه , زى حاتم وخلود , ومع احترامى وتقديرى لباقى الاعضاء طبعا

زائر

تم الرد لتجديد الموضوع

بص يا عم سحس ركز معايا بالنسبة للقضية الاولي ودي واضحة زي عين الشمس النها شروع في سرقة لانه وان كانت المسروقات مش موجودة في ايده او ماوضعش يده علي المسروقات كما قالت بذلك بيعض الاراء الا انه بيده الات وعدة السرقة وبالتالي فان ذلك يعد شروع في سرقة والقضية دي فيها خلاف فقهي طبعا مش لازم نقوله دلوقتي بس الراي اللي اخذ بيه القانون المصري هو ده...
اما بالنسبة للقضية الثانية فان زيد مسئول عن تعويض عمرو بسبب الخطا البذي ادي الي الضرر وذلك علي اساس المسئولية التقصيرية .....

بالنسبه لحلك يا اتش

اول حاجه فعلا زى ما انت قلت ان الفاعلين هيعاقبوا على الشروع فى السرقه لانهم دخلوا فى مرحله فى ارتكاب الجرميه تعد بدءا فى التنفيذ وقريبه الى تحقيق النتيجه الاجراميه وهى السرقه ولا يعتد بالقول الذى يقول انهم فى مرحله تحضير لارتكاب الجريمه , يعنى هيتم معاقبتهم على شروع فى سرقه وفعلا فى خلاف فقهى حول هذه المساله والقانون المصرى حسم الامر واعتبر ان الدخول فى حيذ الفعل يعتبر بداءا فى التنفيذ وليس مجرد عمل تحضيرى .

بالنسبه للقضيه الثانيه

يسال زيد عن فعله باعتبار قصده قصدا احتماليا , حيث ان عمرو كان متوجدا بجوار المقصود اصابته , ومع ذلك بدأ زيد فى تنفيذ عمله الاجرامى واستنفذه كله ولكن فعله اصاب عمرو ولم يصب الشخص المقصود .

فالقصد هنا ليس قصدا مباشرا وانما قصدا احتماليا وهو توقع نتيجه اخرى مع مجرد قبولها وليس الرغبه فى قبولها .

ومن ثم يسال زيد عن جنحه الضرب , ويحق لعمرو بعد ان تحكم المحكمه الجنائيه بمعاقبه زيد ان يرجع عليه بالتعويض المدنى .

ايوه يا سحس انا اتكلمت في القضية التانية عن الشق المدني لانها اتعرضت عليينا واحنا في الفرقة الثانية علي انها قضية مدنية اما الشق الجنائي فهو فعلا هاتعتبر قصد احتمالي لكنه ممكن يفلت من الشق الجنائي الا انه مش ممكن يفلت من الشق المدني وهو التعويض علي اساس المسئولية التقصيرية ... مشكو يا سحس بس احنا عايزين قضايا اسخن منك كده مشكور مرة اخري وتقبل مروري

مظبوط يا هشام كلامك

» المحزوف لطلبه كليه الحقوق الفرقه الرابعه
» جدول محاضرات الفرقه الرابعه
» جدول محاضرات الفرقه الرابعه حقوق 2010
» نتيجة كلية التربية النوعية قسم تكنولوجيا التعليم ظهرت الفرقه الرابعه
» نتيجه كليه تربيه رياضيه الفرقه الثانيه الترم الاول 2009