سؤال للبنات ؟؟

تقدم لخطبتك شاب وسيم جامعي يعمل بمرتب ضخم قعدتوا مع بعض تتكلموا بكل منتهى الصراحة و بعدين صارحك و قالك
بصي علشان نكون على نور انا هعترفلك بحاجه ضروريه جدا انا من تلات اربع سنين كنت انسان تاني خالص بعمل كل حاجه بتخطرلك في حياتي كنت بشرب مخدرات وبشرب خمرة وبمشي مع بنات وصايع على الأخر سهر وهيصه انما انا دلوقتي تبت وربنا هداني وبقيت انسان تاني
انتي كبنت بصراحه

الشعور الاول بعد الكلام ده هيكون ايه اول شعور ليكي

هتوافقي تتممي خطبتك على الشخص ده و لا هترفضى ؟؟؟؟!!!

اسبابك في الموافقه والرفض


اتمنى تجاوبوني بمنتهى الصراحة؟؟

اول شعور ليه هتخض يعني هتفاجا وهكون متردده شويه بس هفكر شويه بس هوافق لانه كان ماضي وعفا الله عما سلف وطالما اني حسيت انه اتغير ومش شفت منه حاجه وحشه يبقي هرفضه ليه بس الطبع يغلب التطبع ولو حسيت بعد الجواز انه حن لماضيه هطلب الطلاق لاني هكون متفقه معاها ع كدا

بس انا شايف ان اللي بيعمل الحاجات دي وبعدين يعرف ربنا ويتقرب منه ويتوب لايمكن يرجعلها تاني لأنوا شافها بعد التوبة من منظار تاني .
وعلى فكرة في بنات كتير هتفرح هتقول ده خبره

شكرا زملكويه على الكومنت الجميل

يريت كل البنات يفكرو زيك يا عفاف
بس هو المشكلة فى موضوع المادة دى يعنى فى الغالب بتكون من الاهل
شكرا على المرور الجميل دا
ومرسى على الكومنت الرائع

هههههههه
دايما منور ان شاء الله يا احمد
الكومنت بتاعك بجد جميل اوى
شكرا

سؤال جميل جدا , والاجابه من البنات كانت جميله جدا شكرا ليكم على الصراحه الجميله
جدا......

اولا يا تامر اسئلتك كترت قووووووووووووى

بص انا حسب الارتياح يعنى لو ارتحت له ولكلامه واعرف انه مش هيرجع للى كان فيه زمان اوكيه مفيش مشاكل نقبل وخلالالالاص

والله نعمل عنه تحريات لو كان فعلا تاب وبقي كويس يدخل المرحله التانيه وهي المراقبه ست شهور لو كان كويس تمام لو لامع الف سلامه

لالالالالالالالا

انا مش هوافق عليه لان كان فين عقله من الاول لما شرب خمره ومخدرات وحاجات حرام زى دى معنى كده انه انسان هوائى وعواطفه بتتحكم فيه قبل عقله واحتمال يرجع للى كان بيعمله فانا مأمنش على نفسى معاه وبعدين اقول لعيالى ايه لما يكبروا ابوكم كان مدمن وتاب
انا عايزة ابوهم يكون قدوة ليهم
يعنى اعتقد الراجل من هو صغير بيتحمل المسئولية ومش بيتصرف تصرفات طايشة زى دى
شكرا لصاحب الوضوع

حوافق وانا مطمئنة

اول شعورى لما اسمع الكلام دة منة اكيد هاخاف منة جدا وكمان مش هاوافق اننا نرتبط ببعض
لان مش عارفة مش هارتاحلة ابدا طبعا انا هاكون مبسوطة من صراحتة معايا لكن هاشيل منة وهاخاف منة ليرجع لايام زمان السوداء

شكرا جدا على التوبك الجميل دة
(ميورة)

انا عن نفسي مش حوافق خالص.....
لأن هو كان ماضيه كده واه تاب اوكى... بس هو ممكن يستسلم فى اى لحظة و يرجعلها عن طريق بئى اى حاجة ممكن اصحابة القدام الى ممكن بطاردونا طوال حياتنا.....