اللهم اجعله خير

نفسى أتمطّع ..
أنزل أطلع ..
أحلق أقرع ..
وأتشجع وأقلع ..
كل هدومى القديمة ..
كل حاجاتى اللئيمة ..
وأبقى حر كده .. زى الطير
نفسى أضحك من قلبى ..
من غير ماأخاف ..
وأقول اللهم أجعله خير ..
نفسى يبقى ليا لازمة ..
ف وقت الحزن ..
والأزمة ..
تلاقينى ببنى ..
بصلّح ..
يعنى أنفع ..
نفسى ده يحصل ..
قبل كل شئ جوايا ..
مايعجز ..
أو يودع ..
نفسى أحب من تانى ..
النهار ..
والعمار ..
يعنى باختصار ..
نفسى أرجع تانى ..
بنى آدم ..
تفتكر ده ممكن ..
وأنا لابشوف ..
ولابسمع


للمبدع علي سلامه