قصه واحد كده

صحي النهاردة ع الساعة اربعة كده - طبعاً, مش أجازة!

وأول ما قام من السرير, راح - من غير حتى ما يغسل وشه - ع الكومبيوتر..

شوية نت, شوية جيمز.. لغاية ما الساعة جت خامسة إلا كده..

سمع آذان العصر...


فكر شوية: "طب أنا مصليتش الصبح ولا الضهر.. ينفع أصلي العصر؟؟" "يعني أصلي العصر دلوقتي والباقي بعدين؟؟" "لأ, لازم أصلي كل الصلاوات بالترتيب" "بس أنا مش قاااااااااادر وعاوز أنااااااااااام"...

وبعد خمس دقايق, كان نفض وقعد ع الكومبيوتر تاني..

كمان شوية.. وراح جاب الأكل وقعد قدام التليفزيون...


ع الساعة سبعة ونص كده, سمع آذان المغرب..

قعد يفكر تاني: "يااااااه العصر راح هو كمان " "طب أصلي المغرب وخلاص, ولا إيه؟؟" "أوك أوك, أنا هأصلي المغرب وربنا يسامحني بأه ف اللي فات"

لسه رايح عشان يتوضي, سمع التليفون وهو بيرن..

"ألو, أيوه يا بومبو.. بتقول إيه؟؟ رايحين تكملوا البولة -إيستميشن- ؟؟ دلوقتي؟؟" "طب ينفع تستناني خمس دقاي.. خلاص خلاص, متزعقش.. أنا نازل أهو"

الساعة جت تسعة, ف سمع الآذان وهو بيلعبوا..

"يا شباب, متيجوا نصلي" واحد رد عليه "هأبعتلك سمسم يا سعادة الشيخ".. والكل قعد يتريأ عليه...


روح بيته الساعة اتناشر ونص, وطبعاً راح لازق ف الكومبيوتر..

أول ما الساعة جت اربعة, قام من الكومبيوتر ودخل عشان ينام..


وهو ممدد ع السرير, قعد يفكر "كده أنا مصليتش ولا مرة النهاردة" "يا ترى ممكن ربنا يسامحني؟؟ ولا أنا خلاص راحت عليا كده؟؟" "طب أنا بأه هأصلي بكره كله ف الجامع, ومش هأشتم, وهأبتدي أحفظ ف القرآن كمان"

"صحيح أنا النهاردة كنت وحش, بس من بكره هأبقى جاااااااااااااااااااااامد.. خخخخخخخخخخخخ!!"



الشخص اللي فوق ده مش بيفكرك بحد؟؟

شكرا لك فعلا كلام كبير , بجد بفكرنا بناس كتير جدا