حاجة تغيظ و تحبط الواحد

بسم الله الرحمن الرحيم
كل حاجة بقت على المكشوف خلاص. أنا شفت لقاء لوزيرة القوى العاملة بتقول بكل صراحة محدش يحاول او حتى يفكر أنه يشتغل فى الحكومة , وأن القطاع الخاص هو المجال الوحيد للشغل دى على أساس أن القطاع الخاص بيخلى الواحد يضمن شغله. دى ممكن فى أى وقت يقولوا لك مع السلامة. اللى عاوز اعرفه لما وزيرة تقول الكلام دى بلاش احنا أنما أهلنا لما يسمعوا الكلام دى أكيد حيكون مفيش أمل ليهم. دى غير المصاريف اللى أتصرفت على كل واحد فينا ,وأملهم أن أى حد فينا يكون أحسن واحد. أنا مش عارف حظنا كده و لا دى من زمان. يا ريت تردوا على
شكرا

ياعم كبر دماغك يعنى هى جات عليها ما الحكومة كل يوم بتغيظ
شكرا ليك مش للموضوع

ميمو انت تقوول بس حسبي الله ونعم الوكيل ولو عاايز شغلانة يأما واسطة وترميك في شغلانه تاكل منهاا عيش يأماا تروح شغل السيااحة يمكن العملية تضرب معااك ولا حااجة

الحكوومة طول عمرهاا الشغل بتاعهاا في الضيااع والقطااع الخااص بردواا ممكن يقولك في اي لحظة بيبااي يعني كتر خيرناا

بص يا صاحبي والله البلد ديه مفهاش شغل عدل غير في السياحه
واكيد انت عارف ولكنا عارفيين الشغل في السياحه بيكون عامل ازاي
حاجات استغفر الله

انا من رأيي الحل ان الواحد بدل البلد مش عاوزاه يغور منها ويسافر ومحدش بقا يفضل يقولي
بلدك محتجالك ومصر دي امنا والكلام اللي ولا بيودي ولا بيجيب دا
<<<<<<<<<<<<<<<<<مجرد وجهه نظر >>>>>>>>>>>>>

هنعمل ايه يعني,, حال مصر بقي كدة
الفرصه الوحيده لينا هيا الخروج بره البلد ده
وربنا يوفقكم جميعا .. وشكرا علي الموضوع

اللي حيفكر انه يشتغل في الحكومة حيتعب نفسة علشان كده انا مش بنصح اي حد يفكر في الموضوع ده لاني الحكومة خلاص بتقولها بصراحه مفيش وظائف ......وانا من وجه نظر ي الشعل في القطاع الخاص رغم انه مش امن لكن فيه مرتبات مجزية وهو الاحسن كذلك المشاريع الخاصه افضل بكتير من الشغل في الحكومة .........يا جماعة انسوا الشغل الحكومي

انا مع كلام الراوي في اللي قاله بالاضافه ان الشغل في القطاع الخاص بتاخد حقك مش بيظلموك يعني مثلا الشغل في اي حاجه حكومه تعب علي الفاضي 12 او 13 ساعه بس حقك مافيش انما في القطاع الخاص بتتعب وتلاقي مقابل

بالنسبه للترقيات مثلا بيبقي حسب الكفاءه مش بقالك قد ايه شغال والشغل ده في الاول ولا في الاخر نصيب ومافيش حاجه مضمونه لا سياحه ولا غيره يعني مثلا دفعتنا احنا فقريه حنيجي نتخرج نلاقي السياحه اضربت هههههههههههههههه

وبعدين انا الكلام ده سمعته قبل كده من مسؤول كبير برضه ان الحكومه بطلت تعين كل خريج والصراحه يعني هو فعلا صعب علي الدوله ان كل واحد يتخرج يستني دوره في الحكومه لما تعينه بخير وسلامه الكلام ده كان زمان خصوصا شوف الدفعه دلوقتي بقي فيها كام طالب في القاهره او عين شمس بيبقوا 10000 واحد(في المتوسط) مثلا شوف بقي اضرب في كام دفعه علي كام سنه علي كام كليه علي كام جامعه تتطلع ارقام فلكيه...........بس ان شاء الله ربنا يكرم الجميع

يظهر فعلا يا جماعة السفر هو الحل علشان الواحد يكون مستقبل كويس. لأن شغل السياحة فلوسه معفرته

memo كتب:: يظهر فعلا يا جماعة السفر هو الحل علشان الواحد يكون مستقبل كويس. لأن شغل السياحة فلوسه معفرته

معاك حق يا ميمو غير انها مش مستقره لو موسم في سياحه تشتغل لو نامت شويه يبقي الواحد يقعد في بيته

memo كتب:: يظهر فعلا يا جماعة السفر هو الحل علشان الواحد يكون مستقبل كويس. لأن شغل السياحة فلوسه معفرته

والله السفر بدون وظيفة محترمة مش ناجح انا ليا اصحاب كتير سافروا الامارات لكن هي سنة واحده ورجعوا يعني لو ناوي علي سفر سافر لوظيفة محترمة ومع شركة مش كفيل يستغلك و ينصب عليك .
سفر العماله فاشل سواء في الامارات او الكويت او السعودية لاني معظم اللي بيسافر لا يتجاوز الراتب بتاعه اكثر من 1500 مصري دي قبل مصاريف الاكل والسكن ...
ربنا يعينا واياكم

من الاخر مفيش حاجة مضمونه لكن لازم نكون واثقين في كلام ربنا بسم الله الرحمن الرحيم
ورزقكم في السماء وما توعدون ..صدق الله العظم
يعني اوعوا تقلوقوا رزقنا حناخدوا حناخدوا بس لازم بردوا نسعي علشان نلقاه ....

حسبى الله ونعم الوكيل هو احنا لاقين شغل خاص ولا حكومى احنا فى الصعيد مطحونين بمعنى الكلمة والواحد لو سافر لشغل خاص أول حاجة بيطلب خبرة انا ولا انت حجيب من فين الخبرة لما كل واحد يطلب خبرة كورسات كمبيوتر واخدت كورسات لغة واخدت امال نعمل ايه ربنا معنا ...
واما بالنسبة للشغل بالخارج والسفر انا عن نفسة ما انصحش اي حد يسافر دى العرب بقيوا حاجة صعبة فى ناس كتير سافرت ورجعت لأنه المعاملة هناك زى الزفت دا غير الغربة كمان
بس فى ناس بتنجح بردوا بس النسبة الأقل
عن عمر بن الخطاب رضي اللّه عنه قال: قال رسول اللّه ((لو انكم تتوكلون على الله حق توكله لرزفة كما ترزق الطير تغدو خماصا وتعود بطانا ))
يقول تعالى: وَتَوَكَّلْ عَلَى الْحَيِّ الَّذِي لَا يَمُوتُ [الفرقان:58].

mohammed Aboud elrawy كتب:: من الاخر مفيش حاجة مضمونه لكن لازم نكون واثقين في كلام ربنا بسم الله الرحمن الرحيم
ورزقكم في السماء وما توعدون ..صدق الله العظم
يعني اوعوا تقلوقوا رزقنا حناخدوا حناخدوا بس لازم بردوا نسعي علشان نلقاه ....

عندك حق بس يظهر من كتر اليأس محدش عارف يعمل أيه

ألف شكر يا جماعة على مشاركتكم الجميلة دة :

tena الأمورة ودلوعة المنتدى الجميل دى
حازم المحامى بتاعنا اللى حيدافع عنا لو اتحبسنا
ifimtm اللى بيشارك فى كل المواضيع من ذوقه مع أن مكتئب من الصورة بس مش مهم
mohammed Aboud elrawy الأخ و الزميل العزيز و الخبرة الكبيرة
m_salah39 اللى قرب يمشى من البلد خالص

بجد يا مان موضوعك ده جامد اخر حاجة وانا تفكيرى في الشغل مبيبطلش لان الواحد مننا لو مشتغلش جوة بلدو هيشتغل فين وميرسي ليك تانى على الموضوع ده يا مان اخوك حماده

يا عم واللهي الحل الوحيد هو السفر

ده راتب الحكومه مبيكفيش موصلات حتى

وراتب شهر بره قد خمس ست شهور من راتب الحكومه

ده طبعا اذا لقيت راتب في الحكومه

RAFTE كتب:: يا عم واللهي الحل الوحيد هو السفر

ده راتب الحكومه مبيكفيش موصلات حتى

وراتب شهر بره قد خمس ست شهور من راتب الحكومه

ده طبعا اذا لقيت راتب في الحكومه

والله يارافت مش كل اللي بيسافر بيبقي مبسوط يعني ان ماكنتش شغلانه مثلا مضمونه وكويسه يبقي بتمرمط نفسك ده غير ان في ناس كتير تحسبها انها لما تسافر الكويت مثلا تحسبها تقوللك انا لوسافرت حاخد 300 دينار مثلا 300*20=6000 جنيه يقوللك يبقي حاجه كويسه انما دي مثلا في راي مش جايبه همها ليه؟انت هناك حتصرف شوف منهم قد ايه سكن وللعلم ان السكن هناك في الدول الخليجيه ايجاره نار يعني ممكن ياكل منك 1/3 المرتب يعني حيتبقي مثلا معاك 200 دينار وتاكل وتشرب ب100 مثلا يبقي معاك 100 دلوقتي 100*20=2000 جنيه يعني لو قعدت هنا واخدت 1500 يبقي احسن بكتير واسمي قاعد في بلدي وباكل وبشرب وانا مرتاح وربنا ان شاء الله يكرمك بحاجه كويسه

hmada كتب:: بجد يا مان موضوعك ده جامد اخر حاجة وانا تفكيرى في الشغل مبيبطلش لان الواحد مننا لو مشتغلش جوة بلدو هيشتغل فين وميرسي ليك تانى على الموضوع ده يا مان اخوك حماده

فعلا يا حماده الموضوع دى شاغل تفكير كل الشباب

وشكرا على مشاركتك فى الموضوع يا حماده

والله يارافت مش كل اللي بيسافر بيبقي مبسوط يعني ان ماكنتش شغلانه مثلا مضمونه وكويسه يبقي بتمرمط نفسك ده غير ان في ناس كتير تحسبها انها لما تسافر الكويت مثلا تحسبها تقوللك انا لوسافرت حاخد 300 دينار مثلا 300*20=6000 جنيه يقوللك يبقي حاجه كويسه انما دي مثلا في راي مش جايبه همها ليه؟انت هناك حتصرف شوف منهم قد ايه سكن وللعلم ان السكن هناك في الدول الخليجيه ايجاره نار يعني ممكن ياكل منك 1/3 المرتب يعني حيتبقي مثلا معاك 200 دينار وتاكل وتشرب ب100 مثلا يبقي معاك 100 دلوقتي 100*20=2000 جنيه يعني لو قعدت هنا واخدت 1500 يبقي احسن بكتير واسمي قاعد في بلدي وباكل وبشرب وانا مرتاح وربنا ان شاء الله يكرمك بحاجه كويسه[/color][/b][/quote]

عندك حق فى كل كلمة قلتها وان شاء الله ربنا يكرمنا كلنا

300 دينار ايه ده كان زمان احنى
عندنى المتخرج من كلية تجاره بيتعين في بنك او محاسب
او في قسم من ادارة الشركه بيوصل راتبه والله العظيم 25 الف
بعد الخبره وبداية مرتب من غير خبره 12 الف
درهم والدرهم 1.5 جنيه مصري يعني ازاي مش شايله همهى
دي تعيشك ملك في مصر
يعني الي تجيله فرصة عمل كويسه بره هيندم انه سابه في يوم من الايام

RAFTE كتب:: 300 دينار ايه ده كان زمان احنى
عندنى المتخرج من كلية تجاره بيتعين في بنك او محاسب
او في قسم من ادارة الشركه بيوصل راتبه والله العظيم 25 الف
بعد الخبره وبداية مرتب من غير خبره 12 الف
درهم والدرهم 1.5 جنيه مصري يعني ازاي مش شايله همهى
دي تعيشك ملك في مصر
يعني الي تجيله فرصة عمل كويسه بره هيندم انه سابه في يوم من الايام

اولا انا كنت باكلم في بلد زي الكويت مثلا وعملتها الدينار=20جم بس يعني انت اول ماحتتخرج هتروح تشتغل في قسم ادارة الشركه مثلا؟وبعدين انا واثق ان شغلانه زي دي مش بتاخد اي خريج تجاره وخلاص يعني محتاجه واحد يكون عنده skills وخبرات كمان بالعبيط لان لايمكن طبعا الواحد حياخد 12000 درهم في الشهر علشان هو خريج تجاره وخلاص والا الناس كلها كانت قدمت فيها واتخدت

فعلا أى شغل فى مكان زى دى بيكون عاوز خبرات عالية جدا و مستوى تعليم عالى

لا واللهي بكلريوس تجارة + كمبيوتر+انجليزي

مرتبه كده بس طبعا مش كل الشركات لاكن معظمهى

ودخل على مواقع توظبف في الامارات وشوف الرواتب والمبالغ الي الناس بتطلبهى

والي الشركات بتحطهى للمتقدمين

RAFTE كتب:: لا واللهي بكلريوس تجارة + كمبيوتر+انجليزي

مرتبه كده بس طبعا مش كل الشركات لاكن معظمهى

ودخل على مواقع توظبف في الامارات وشوف الرواتب والمبالغ الي الناس بتطلبهى

والي الشركات بتحطهى للمتقدمين

ياريت يارافت الواحد ربنا يكرمه ويشتغل في حاجه زي كده يعني هو الواحد يكره؟عموما منور بمشاركاتك يارافت ياجامد................وان شاء الله ربنا يكرم الجميع