هى الحكاية تستاهل دى كله!!!!!!!!!!!

بسم الله الرحمن الرحيم
الحقيقة أنا مش عارف اذا كان ممكن الواحد يحكم على حاجة من خلال تجربة واحدة بس أنا حقول ليكم عن موقف بسيط
كان فى راجل من 25 سنة سافر السعودعلشان يشتغل بالرغم من أنه كان شغال هنا كويس المهم أنه بعد 5 سنين بعيد عن بلده وبالرغم من أنه كان نفسه يرجع مصر الا أنه كان بيفكر ألف مرةلأنه كان بيقول (خسارة المرتب اللى باخده هنا دى انا مش حاخد نصه فى مصر)وطبعا سنة بعد سنة كان بيأجل رجوعه لحد مدة قصيرة قرر يرجع مصر وسبحان الله اليوم اللى قبل ما حيسافر حصلت له حادثة و مات فى وقتها وكان معاه صاحبه اللى قال له ياريتنى كنت مت فى بلدى
بعد دى كله والفلوس اللى كونها و خسارته لمراته و أولاده اللى مقعدش معاهم سنة على بعض مكسبش أى حاجة طاب أحنا ليه بنفكر نسافر وليه منبتديش من هنا هو معقولة الناس كلها ابتدت من هناك.يا ريت تردوا على فى الموضوع دى. ويا ترى حاجة زى كده ممكن تخلينا نتراجع عن القرار ممكن ناخده فى يوم من الأيام
شكرا

قال الأمام الشافعى في فوائد السفر
تغرب عن الأوطان في طلب العلا *** وسافر ففي الأسفار خمس فوائد
تـفـرج هـم واكـتـسـاب مـعـيشـة *** وعـلـــم وآداب وصــحـبـــة مـاجـــد
فذكر خمس فوائد وهي: تفريج الهموم، فإن للسفر فسحة للنفس وإجماماً لها، وذكر طلب الرزق وهو الضرب في الأرض، وذكر طلب العلم النافع ثم تحصيل الآداب فإن السفر سمي سفراً لأنه يُسفر – أي يظهر – أخلاق الناس، وذكر صحبة كرام الناس فإن السفر يُوجد الفرصة بصحبة الأخيار ومخالطتهم.

ومن فوائد السفر: استجابة الدعاء، كما ثبت عن النبي صلى الله عليه وسلم أنه قال: (ثلاث دعوات مستجابات لا شك فيهنَّ: دعوة المظلوم، ودعوة الوالد لولده، ودعوة المسافر) رواه الترمذي.

ومن فوائده: الخبرة في الناس ومعرفة أخلاقهم، وهذا يُعبَّر عنه بتجربة الناس.

THE KING كتب:

انا شايف ان السفر خارج البلاد اصبح مطلب لكثير من الشباب .. اما لتكوين مستقبلهم .. واما لتحسين حالتهم ,, وبالصراحه انا مه السفر خارج مصر ,, لان الظروف الاقتصاديه في مصر بقت صعبه جدا جدا,,

بالنسبه للموقف اللي انت حكيته ,, انا بقول الاعمار بيدي الله,, ومحدش عارف هو حيموت امتي,, يعني ممكن الراجل اللي انت قلت عليه كان رجع سليم وعاش مع عيلته عيشه هنيه,, علي العموم ربنا يرحمه ويغفر له

شكرا علي موضوعك,,,

تحياتي,, الكينج

بس لازم تخلى بالك أن دلوقتى غير زمان يعنى مثلا الراجل دى سافر من زمان قوى والظروف بتتغير ودلوقتى بقوا يشغلوا أى حد بصعوبة

شكرا على مشاركتك الجميلة يا كنج

ifimtm كتب:

دي تعتبر حادثه فرديه الواحد مايقيسش عليها اذا كان يسافر او لا بس الاولي ان الواحد يدور جو بلده الاول علي حاجه نضيفه وماحدش يقول مافيش بس الفكره في الواحد يطور نفسه مايبقاش معاه بكالريوس تجاره وبس وبعدين ان مالقاش يفكر في السفر بعد مايحسبها اذا كانت جايبه همها ولا لا لان مش كل الشغل بره حلو ولا معني انك انت بتاخد مرتب بره يبقي اسمه احسن من مافيش لان انت مش حينفع مهما كان انك تشتغل بره علي طول وكل حاجه نصيب وان شاء الله ربنا يرزقنا كلنا بحاجه كويسه

كلامك صح يا ifimtm وخصوصا دلوقتى ممكن كل حاجة بتعتمد على الواسطة والواحد لما يكون فى بلده احسن. وطبعا الاجتهاد مطلوب حتى بعد التخرج زى الكورسات وربنا يكرمنا كلنا ان شاء الله

شكرا لمشاركتك لى فى الموضوع يا ifimtm

m_salah39 كتب:

قال الأمام الشافعى في فوائد السفر
تغرب عن الأوطان في طلب العلا *** وسافر ففي الأسفار خمس فوائد
تـفـرج هـم واكـتـسـاب مـعـيشـة *** وعـلـــم وآداب وصــحـبـــة مـاجـــد
فذكر خمس فوائد وهي: تفريج الهموم، فإن للسفر فسحة للنفس وإجماماً لها، وذكر طلب الرزق وهو الضرب في الأرض، وذكر طلب العلم النافع ثم تحصيل الآداب فإن السفر سمي سفراً لأنه يُسفر – أي يظهر – أخلاق الناس، وذكر صحبة كرام الناس فإن السفر يُوجد الفرصة بصحبة الأخيار ومخالطتهم.

ومن فوائد السفر: استجابة الدعاء، كما ثبت عن النبي صلى الله عليه وسلم أنه قال: (ثلاث دعوات مستجابات لا شك فيهنَّ: دعوة المظلوم، ودعوة الوالد لولده، ودعوة المسافر) رواه الترمذي.

ومن فوائده: الخبرة في الناس ومعرفة أخلاقهم، وهذا يُعبَّر عنه بتجربة الناس.

شكرا للمشاركة الجميلة دى يا أبو صلاح وربنا يوفقنا ان شاء الله

madoo_madoo16 كتب:

هو الموضوع جميل جدا ومهم لكن نفكر شوية هنلاقى ان الشباب مش عارف يجيب فلوس السفر من فين يعنى الفيزا وكدا وسعات بتوصل 25 و30 الف شاب متخرج السنادى معاة من فين 30 الف غير ان الشاب بيروح يقعد فترة وبعيدن يلاقى شغل يعنى هيقعد مدة من غير مرتب ولا اجر ياترى هيصرف على نفسة ازاى يااما يكون جايب معاة فلوس زيادة يعنى ال30 الف هتوصل ل40 الف

فعلا عندك حق ودى مش مشكلتنا احنا بس دى مشكلة اجيال فاتت و دلوقتى ويارب متكونش فى المستقبل ان شاء الله
شكرا لمشاركتك لينا فى الموضوع

انا بشوف انى حكاية موتة دى قدر من عند ربنا
طب انا هاقولكم حكاية مشابهة ليها طبعا فاكرين حكاية الطائرة اللى من فترة وقعت بركابها فى مكان وبعديها بقترة ليقو الطائرة محطمة وكل اللى فيها ماتو
واحدة من اللى كانت مسافرة على الطائرة اتاخرت على ميعاد الطائرة فراحت عليها الطائرة بس علشان
ربنا مش كاتبلها تعيش اكتر من كدة عملت حادثة وماتت هى وراجعة بتها بعد ما فاتت عليه الطائرة

دى أكيد نصيب بس أنا يا تينا بحاول أن أوضح ان مش ضرورى نجرى ورا الفلوس لأننا عمرنا ما حنرتاح أبدا وهمومنا بتزيد أكتر و أكتر

شكرا لمشاركتك الجميلة فى الموضوع

صحيح ان الانسان ميقدرش يعيش من غير فلوس بس الدنيا مش كلها فلوس
أهم حاجه رضا ربنا واخلاق الناس
يعنى الانسان يعمل اللى ممكن ينفع بيه الناس وميضرهاش
واللى فيه الخير يعمله ربنا[center]

رحمه كتب:

صحيح ان الانسان ميقدرش يعيش من غير فلوس بس الدنيا مش كلها فلوس
أهم حاجه رضا ربنا واخلاق الناس
يعنى الانسان يعمل اللى ممكن ينفع بيه الناس وميضرهاش
واللى فيه الخير يعمله ربنا[center]

ربنا يكرمك ويقدرك على فعل الخير
شكرا لمشاركتك فى الموضوع

شكرا لطرحك للموضوع.
الانسان بيسافر للبلد الى فيها رزقة انا خريج 2006 وبعدين اصلا مفكرتش انى أدور على شغل فى مصر لانى مهما أدور مفيش فايدة
( لو مش قريبك عضو مجلس شعب مش هتتعين ).................
وبعدين لو أشتغلت وظيفة والسلام يبقى حلنى على ما اكون نفسى واجيب شقة واقدر اكون اسرة صغيرة كدااااااا يعنى يكون عمرى 30 سنة عالما نفكر نتجوز .
الحمدلله انا بشتغل فى الخارج دلوقت رغم انى كنت نايم خمس شهور كعادة كل الى بيسافرو جديد لاكن ربنا بيرزق الانسان حسب اجتهادة .
وبالنسبة للشخص الى مسافر السعودية ؟
دا كل تفكيرة فى الدنيا انة يكون فلوس . فكان درس لناس كتير ان الفلوس مش هى بس الى تجلب السعادة للناس لاكن فية حاجات كتير ممكن بنتحرم منها لما نسافر فى سبيل اننا بنسعد أهلنا .

احب اشكرك واضم صوتى للكنج وربنا مع الشباب