قصيدة الممنوعات

الممنوعات للشاعر أحمد فؤاد نجم

ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك ألربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك
أكتر من اللى فات

اخوكم وليد ليدوس

الاسلام سلام

زائر

يا اخ وليد

ده مش قسم المناسب بتاع القصايد
مهما ارتبطه هذه القصيده بالقانون
او ما شابه
لذلك يا وليد
سوف ينقل موضوعك هذا الى قسم (الشعر والرومانسيه والحب)

» قصيدة يا عرب
» قصيدة من أنت ومن أنا............ رومانسيه !!!!!!!
» افضل قصيدة فخر (عمرو بن كلثوم)
» قصيدة بك استجير
» من قصيدة ( قلب يحاول خداع نفسه )