كان قال؟!( اغنية من كلماتى)

كان قال ماكانش ليا

كان لازم يوم يبين

يسيقينى ليه القسية

ويلعب دور حنين

***************

كان جانى فى يوم صارحنى

مش لازم كان جرحنى

كان قال حتى سامحنى

ده الجرح ماكانش هين

*****************

انا كنت عملت ايه

ده اناكانت روحى فيه

بقا يعنى يكون جزاء

قلبى بعد الوفاء

انه يجرح فيا

*******************

كان قال انه انانى

كان قال بيحب تانى

كان لازم يوم يقول

حنانه ده مش عشانى

**********************

كان ليه يخلينى احبه

واتمنى اعيش فى قربه

كان ليه يدينى فرصة

اعيش مخدوع فى حبه

***********************

انا ايه عليه غاصبنى

كان قال مش حاببنى

كان المفروض يقوللى

مش لازم كان يسيبنى

*********************

كان قال بيحب غيرى

مش ينكر ليا خيرى

مش لازم كان يحدد

لوحده فى يوم مصيرى

**********************

كان قال ماحبنيش

كان قال ماحسنيش

كان قال قبل النهاردة

مش يمكن كنت اعيش

جميل جدااااااااا اخي الكريم

استمرار ف تقديم المزيد

Great effort

keep it up bro

» (حبيبتى) شعر غنائى من كلماتى
» (سهرنى) شعر غنائى من كلماتى
» (غرامك) شعر غنائى من كلماتى
» اغنية الله على طعم حبك
» اغنية صحيتى فيا حاجات